"Mis mejores hazañas" antzerkia, ostiralean

Libre gelditu daitezken  sarrerak ostiralean bertan erosi ahal izango dira 18:15etatik aurrera Herri Antzokiko leihatilan

COVID19aren ondorioz ezarritako konfinamenduak pertsonen mugimenduak murriztu ditu eta horrek eragina izan du Antzerki Garaia programaren baitan. Hala, ostiraleko antzezlanerako sarrerak eduki eta joan ezin dutenei dirua itzuliko zaie. Sarrerak Herri Antzokian edo Barrenan itzuli ahal izango da ostiraleko 12:00ak baino lehen edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatziz. Antzezlana ikustera etorri ezin direnei garrantzitsua da ohartaraztea aldez aurretik jakinarazi behar dutela, honela, eserleku horiek beste ikusentzuleek betetzeko aukera emango da.

Ostiral honetako antzezlana "Mis mejores hazañas" da, Luis Zahera aktorearekin, 19:00etan. Emanaldi honetarako libre gelditu daitezken  sarrerak ostiralean bertan erosi ahal izango dira 18:15etatik aurrera Herri Antzokiko leihatilan. Zahera aktore galiziarrak bere alderdirik komikoena aurkeztuko du, monologuistarena, komedia show-arekin, arlo pertsonaleko eta profesionalez beteriko ibilbidea, barrez lehertuko duena. Esperientzia eta istorio pertsonalez betetako showa da, eta bere bidaiez, lanez, maitasunez eta familiaz hitz egingo digu, beti ere surrealismoaren ikuspegitik begiratuta, Zaheraren ukitu bereziarekin. Eta, nola ez, bere Goya sariaz ere hitz egingo du.

Abonoei dagokienez, Ordizian egindako abonoen kasuan, zikloaren amaieran itzuliko da zenbateko proportzionala, eta Beasainen egindako abonuen kasuan, abonatuek Usurbe Antzokira jo behar dute edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera mezu bat bidali.

"Mendian hil, hirian hil" filma, bihar

Bihar, osteguna, 19:00etan, "Mendian hil, hirian hil" filma proiektatuko da Herri Antzokian. Iñaki Peña zuzendaria eta Andoni Ormazabal protagonistetako bat bertan izango dira, filmaren inguruko solasaldia eskaintzen. Sarrerak lehiatilan edo Kutxabank bidez erosi daitezke.

Udaltzaingo zerbitzua indartu du Ordiziako Udalak

Astelehenetik igandera eskainiko da zerbitzua

Ordiziako Udalak Udaltzaingoaren zerbitzua indartu du, eta hemendik aurrera egunero egongo dira lanean. Hala, larunbat eta igandeetan 12 orduz eskainiko da zerbitzua. Izatez, lehen ere asteburuetan Udaltzaingoa lanean aritzen zen; baina orain, zerbitzua indartuta itzuli da lantaldea egonkortu ondoren. Aurrera begira zerbitzua hala mantentzeko asmoa dago.

“Zerbitzua indartzea garrantzitsua da, izan ere, Ordizia horren herri bizia izanik, ekintza asko antolatzen dira; ez bakarrik aste egunetan zehar, asteburuan ere bai”, zehaztu du Maitane Alvarez alkateordeak.

Zuberoa kaleko aparkalekuen zozketa

Zuberoa Kaleko bide azpiko lurpeko 1 eta 2. solairuan kokatuta dauden 8 aparkalekuren esleipenerako zozketa 2021eko urtarrilaren 21ean izango da, 15:30etan, Udaletxeko Batzar Aretoan.

Onartuak izan diren eskatzaileei zozketarako egokitu zaien zenbakia garajeen esleipenerako baldintzak eta prozedura arautzen duen Baldintza Ekonomiko-administratiboetako 5. artikuluan oinarrituta eman da; zenbakia hurrenkera alfabetikoan esleituko da, eta honek esleipendunen aukeraketarako hurrenkera zehaztuko du.