Enplegu sustapena

Plastikozko poltsen erabilera murriztu eta herriko merkataritza sustatzea dira helburuak

ORDIZIAN merkataritza, ostalaritza eta zerbitzu elkarteak, Ordiziako Udalaren eta Eusko Jaurlaritzako Turismo, Merkataritza eta Kontsumo Sailaren laguntza eta babesarekin, “PLASTIKOA MURRIZTU, HERRIKO DENDAK PIZTU!” lema duen poltsa ekologiko berrerabilgarria aurkezten du eta oraingo honetan 2000 poltsa zirkulazioan jarriko dira. Poltsak Abenduaren 5tik aurrera herriko zenbait saltokietan eta ORDIZIAN merkataritza bulegoan eskuragai egongo dira.

“PLASTIKOA MURRIZTU, HERRIKO DENDAK PIZTU!” MEZUAREN BITARTEZ, PLASTIKOZKO POLTSEN ERABILERA MURRIZTU ETA HERRIKO MERKATARITZAN KONTSUMOA PIZTU NAHI DA.

ORDIZIAN elkartearen eta Udal Promozioa, garapena eta komertzioa baita Garapen iraunkorra eta mugikortasuna sailen arteko elkarlanetik, ekimen hau sortzen da non merkatari eta bezeroen eskaerari erantzuna ematen dion poltsa hau aurkeztu eta honen 2000 ale zirkulazioan jarriko diren.

Gipuzkoako 22 ekoizleek hartu dute parte XX edizio honetan

Beasaingo Olano Harategiak irabazi du aurtengoan Ordiziako asteazkeneko azokaren baitan  ospatu den Gipuzkoako XIX. Odolki Lehiaketa. Sarituak izan dira baita ere Mujika Odolkiak de Ordizia, Urmeneta Harategia de Zegama, Pili Harategia de Zaldibia eta Kepa Harategia de OrioGipuzkoa osotik etorritako 22 egile aurkeztu dira lehiaketara.

Aurreko urteetan bezala, Goierriko  udalerriak babestu du Gipuzkoako Harakinen gremioak antolatutako txapelketa. Helburua artisau modura egiten den produktuaren sustapenean  laguntzea da. Izan ere, odolkiak denboraldi honetan; hori da, azaroaren 11tik –San Martin- Gabonak bitarte du produkzio gehien.

Betiko produktuen kontsumoa bultzatzea da lehiaketaren helburua

Gipuzkoako odolki egile eta harakinek hitzordua dute asteazken honetan,  azaroaren 28an,  Ordizian. Gipuzkoako Merkatarien Federazioko Harakin elkarteak Ordiziako Udalarekin batera eta txerri-harakin eta harakin gremioaren laguntzarekin Gipuzkoako XX. Odolki lehiaketa antolatu baitute. Irabazleak txapela, garaikurra eta diploma jasoko du, eta bigarren eta hirugarren tokian sailkatzen direnei diploma eta garaikurra bana emango zaie; laugarren eta bosgarren sailkatuei diploma.

Odolki onena zein den erabakiko duen epaimahaia gastronomia eta beste arlo batzutako adituez osatuko da. Aurtengoan, Ordizian izango dira: sukaldarien ordezkari, Amaia Blazquez (Tximista Sagardotegia, Ordizia), Aizpea Oihaneder (Xarma Cook & Culture, Donostia), Eneko Azurmendi (Lazkaoetxe Jatetxea, Zaldibia), Juan Manuel Garmendia (Kattalin Erretegia, Beasain), Imanol Gaztañaga (Zubibi Jatetxea, Ordizia); Jose Antonio Mujika  eta Juan Garmendia harakin ohiak (Ordizia), Kontxi Mujika tabernari ohia (Ordizia),  Juanma Garmendia (Euskal Gastronomia Anaiartekoa eta FEGOGAko Lehendakaria), Josetxo Lizarreta  irakaslea (Luis Irizar sukaldaritza eskola, Donostia), eta Nagore Arozena (Goierri Telebista) eta Ariane Vierbücher (Goierriko Hitza) kazetariak.

Negozio berriak, Goieki agentzia eta Goierri Valley bertan kokatuko dira

Ordiziako Oiangualdean edo Granjan, Goierri Eskola, Lortek Teknologia zentroa  eta Ingeneritzako Unibertsitatearen alboan eraikitzen ari den enpresa inkubategiaren obra urte amaierarako bukatuta izatea aurreikusten da. Jose Miguel Santamaria, Ordiziako alkateak, ‘negozio berrien lantegi’ hau martxan jartzeak parte hartu duten entitate guztientzat izan dituen zailtasunak gogoratu ditu.

Goierrin 2005 urtean gauzatu zen plan estrategikoaren ondorioz eta eskualdean balio erantsi altua duten ekimen berriak bultzatzeko asmoz, 2007-2011 legealdian jarri zen abian New Business Factory, negozio berrien fabrika-inkubategiaren egitasmoa. Datorren abendurako espero da enpresa berrientzako kokaguneak prest izatea.