Ordiziako Udalak Treba Gurasok eta Treba Gazteak programak martxan jarriko ditu, hirugarren eta bigarren urtez, hurrenez hurren, Gipuzkoako Foru Aldundiaren laguntzarekin. Gurasoei zuzendutako saioetan “gurasotasun positiboan oinarritutako eskaintza pedagogikoa da ekimen honetan eskaintzen dena”, azaldu du Ainhoa Jimenez, Hezkuntza zinegotziak. Hain zuzen ere, helburua da guraso-familiek hezkuntza-prozesuan zehar beren funtzioak egoki garatu ditzaten laguntzea eta orientatzea.

“Familiek egindako proposamenak kontuan hartu ditugu eta horren baitan guztira lau saio eskainiko ditugu, horietako bi 2023an eta beste biak 2024an”, nabarmendu du.

1) Osasun mentala eta nerabeak, azaroaren 23an, 17:30ean.Ortzadar.

2) Pornografia gaur egungo sexu-heziketa ote?, abenduaren 12an, 17:30ean. Eider Goiburu

3) Harreman osasuntsuak lagun artean, urtarrilaren 29an, 18: 00etan. Nerea Mendizabal

4) Komunikazioa familian: Guraso eta seme-alaben arteko harremanak eta komunikazioa hobetzen, otsailaren 20an, 17: 30ean. Leyre Cano.

Saioak Barrena Kultur Etxeko areto nagusian izango dira, 17:30etan hasita, urtarrilaren 29koa izan ezik, 18:00etan izango baita. Hitzaldiek ordu eta erdiko iraupena izango dute, euskaraz egingo dira eta aldi bereko itzulpen- eta zaintza-zerbitzuak antolatzea aurreikusita dago.

Zerbitzu horiek bermatzeko, berariazko eskaera egin beharko da datan eta saio bakoitzerako, horretarako prestatuko den inskripzioaren bidez; epe horretatik kanpo ezin izango dira ziurtatu itzulpen- eta zaintza-zerbitzuak. Horretarako, eta ikastetxeen bitartez, saio bakoitzaren informazioa eta esteka bidaliko dira, saio bakoitzean izena emateko eta bilerara joan ahal izateko beharrezko zerbitzuak eskatu ahal izateko. Hala eta guztiz ere, beharrezkoa den informazioa biltzeko kontaktua dago: 682 17 11 22 / Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko..

Gazteen garapen eta hazkunde pertsonak eta kolektiboa

Ordiziako gazteei bideratutako eskaintza ere egongo da. Hain zuzen ere, hiru prestakuntza-eskaintza prestatu garapen eta hazkunde pertsonal eta kolektiboko prozesuak sortzen eta/edo finkatzen laguntzeko, gazte gisa parte hartuz, eta bizitzako etapa horretan aldaketak eta erabakiak hartzeko funtsezko emantzipazio-prozesuan laguntzeko asmoarekin.

2023-2024 ikasturtean hiru saio eskainiko dira: lehenengoa abenduan, hilaren 21ean, osteguna, 15 eta 17 urte bitarteko gazteei zuzendutakoa izango da. Ludopatiaren ondorioak jasan dituen gazte baten testigantza ezagutzeko eta horren inguruan hausnartuko da. Saio hau Ordiziako ikastetxeekin koordinatuko da adin horretako gazteak Ordiziako Herri Antzokira joan daitezen bi orduko saioan.

2024rako, nerabeen zerbitzuaren bidez, bi tailerretan parte hartzeko aukera eskainiko da. Lehenengoan gazteek kuadrilletan oinarritutako harreman moduei buruzko hausnarketa egingo da, harreman osasungarriak sustatuz eta Ordiziako Gaztelekuan gune seguru bat sortuz. Hirugarren saio ludikoago batean, egungo hiri-musikako instrumentuak sortzeko oinarriak irakatsiko zaizkie gazteei, musika-sorkuntzako prozesuak erraztuz.

'Gipuzkoan Gazte Tour' ekimenaren bigarren edizioa izango dugu Ordizian apirilaren 22an. Special Trap Residence taldearen kontzertua izango dugu Plaza Nagusian, 20:00etatik aurrera. Artista gonbidatua Ayvee izango da eta DJ Josu Rodrigezen saioa ere bai. Sarrera doakoa izango da.

Ordiziako alkate Adur Ezenarrok azpimarratu du “oso garrantzitsua dela gazteentzako programak eskaintzea. Jarduera asko egiten ditugu herrian, bereziki kulturaren esparruan. Baina, gure ustez, funtsezkoa da publiko jakin bati zuzendutako ekitaldiak egitea, kasu honetan, gazteei zuzendutakoak. Ordiziako kontzertu handiak izango ditugu aurten, eta espero dugu gazte guztiek gozatuko dutela.”

Special Trap Residence

Oihan Moreno eta Aritz Mendiola (Goazen, Gure Kasa …) aktoreek, beste hiru lagunekin batera, osatzen dute  Special Trap Residence  taldea, 2018ko udan Donostian, Amaran, jaio zena. Haien trapa ez da oso konbentzionala; izan ere, gorantz ari den musika estilo horren ohiko kanonetatik oso urrun dauden soinu, hitz eta ideiekin lan egiten dute. Taldeko kideek ere generoan behin eta berriz errepikatzen diren rol batzuk parodiatzen dituzte. Lehiaketa ospetsuetan parte hartu dute, hala nola Bilbo Hiria 2019 eta Gaztea Maketa Lehiaketa XXVIII.

Ayvee

25 urteko Andrea Vitoria tolosarra ez da isilik geratzen, eta ez da ezkutatzen. Duela urte eta erdi bortxaketa bat jasan zuen, eta «izugarrizko» gertaera horren ondoren, barruan zeramana munduari kantatzeko beharra sentitu zuen. Musikaren bidez askatzea izan zen hura gainditzeko eta bere bizitzarekin jarraitu ahal izateko aurkitu zuen irteeretako bat. Bere historiak sexu-erasoen biktima diren emakume askoren historia bizi du. "Medusa" izeneko diskoa gehiegikeriei eta gainditzeari buruzko abestiak ez ezik, mahai gainean emandako ukabilkada bat ere bada, oso modu bidegabean eta gainera askotan gertatzen den zerbait salatzeko.

Josu Rodriguez Dj-a

Josu Rodríguez Donostiako Dj bat da. Soinu perfektuak aurkitzeko gaitasun bikainarekin, artista hainbat musika generotan inspiratzen da: reggaetoia, komertziala, radio hits, elektro latinoa eta house. Bere aurkezpen originalek eta mikrofonoaren maneiuak emozio-intentsitate paregabearekin inguratzen dute publikoa.

Otsailaren 14an  Ordiziako Treba Gurasoak programaren bigarren saioarekin jarraituko dugu. Jardunaldi honetan, haurren plazeran, zaintzan eta ongizatean oinarritutako sexualitatea garatzen laguntzeko gakoak eskainiko dira, haurtzaroan aniztasuna (gorputza, generoa, identitatea eta sexu-portaerak) eraikitzeko beharrezkoak diren edukiei eta gaitasunei buruzko hausnarketa, sexualitateari eta haren dimentsioei buruz hitz egingo dugu, hori funtsezkoa baita sexualitate aske eta osasungarri baterako.

Haurren gurasoei zuzendutako jardunaldia da. Bertan, gogoeta egiteko eta sortzen zaizkigun galderak eta kezkak aurkezteko gune bat eskainiko da.

Hitzaldia euskaraz izango da Barreneko areto nagusian, hilaren 14an. Ordu eta erdiko iraupena izango du, 17:30etatik 19:00etara. Eskaera honako esteka honetan egitea eskatzen da: https://labur.eus/597L7

Egun berera arte parte hartu ahal izango da, baina zainketa- edo itzulpen-zerbitzua eskatzeko epea otsailaren 10era artekoa da.

 TREBA GAZTEAK:

Gazteei zuzendutako prestakuntza-ekimen bat da. Erreferentziako gune bat osatu nahi dugu gazteen topaketarako, eztabaidarako, gogoetarako eta baita herritar hauen komunitatean partaidetza aktiboa eta kritikoa sustatzeko ere.

Joan den abenduaren 1ean suizidioari buruz hitz egin genuen. Bigarren eta azken tailer honetan 2022-2023 ikasturterako, gazteen sexualitateari buruz hitz egingo dugu, sexualitate-ereduei, norberaren desioaren autoezagutzari eta erotikari buruz hausnartuko dugu, bai eta sinesmen, arau eta balio sozial sexistek sexualitate pertsonalean eta norberaren zaintza sexualean duten eraginari buruz ere.

Sexu-beharrak, -nahiak eta -mugak adierazteko komunikazio eraginkorrari buruz.

18-30 urteko gazteei zuzendutako tailerra, sexualitate aske eta osasuntsu baten plazeran, zaintzan eta ongizatean oinarritutako sexualitatea garatzen lagundu nahi dutenei.

Tailerra datorren otsailaren 23an izango da, 17: 30etatik 19: 30etara.

Izena ematea eskatzen da, plaza mugatuak baitaude 20-25 plazatan. https://labur.eus/1k5wt

Treba gurasoak Ordizia programa

Treba Gurasoak prestakuntza programa aurkeztu du Ordiziako Udalak. “Iaz lehenengo aldiz antolatu ziren lau hitzaldi Treba Gurasoak programaren baitan, eta izan duten erantzuna dela eta, aurten ere Ordiziako gurasoei zuzendutako beste hiru hitzaldi izango ditugu”, azaldu du Ainhoa Jimenez zinegotziak.

Hiru saio hauek haurren eta nerabeen bizi-kalitatea eta aukerak hobetzeko baliagarriak dira, gurasoak hezkuntza-gaitasunetan trebatuz. Gipuzkoako Foru Aldundiko Gazteria Departamentuaren laguntzarekin, Ordiziako Udaleko Gazteria Departamentuak antolatu du formazioa. Hiru saio horietatik bat tailerra izango da, eta beste biak hitzaldiak. “Iaz gurasoei galdetu zitzaien ea zien gai interesatzen zitzaizkien, horiek lantzeko. Eta horregatik osatu dugu programa hau”, gehitu du zinegotziak.

Lehenengo saioa Haurren emozioen laguntzaileak: nola zaindu seme-alaben emozioak da. Urtarrilaren 19an eta 26an eskainiko da, 17:00-19:00, D´elikatuzen. Donna Apellanizek gidatuko ditu bi saioak. Bi orduko bi saio egingo dira, seme-alaben emozioek eguneroko bizitzan duten garrantzia nabarmentzeko eta tresna emozionalak eskuratzeko, familian sor daitezkeen arazo eta gatazken aurrean erabiltzeko. Hori guztia metodologia dinamiko batekin landuko da (teoriko-praktikoa). Haurrekin hezkuntza emozionala landu nahi bada, lehenik helduok egin behar dugu, emozioak gure inkontzientetik datozelako, eta, beraz, ezin ditugu landu ikasketa teoriko batekin bakarrik. Teorian oinarrituta, kasu praktikoak landuko dira, emozioak lantzeko hunkitu egin behar baita. Horretarako, Donna Apellaniz prestatzailea izango dugu, adimen emozionaleko irakaslea eta terapeuta emozional sistemikoa. Tailer hau hamabi urte arteko haurren gurasoentzat da.

Euskaraz egingo da eta izena ematea eskertuko da, https://labur.eus/4Amhu, 943 80 56 34 / 682 17 11 22 telefonoan.

Bigarren saioan sexualitatea landuko da: zer egin dezakegu gure haurrek sexualitate aske eta osasuntsua izan dezaten. Saio hau otsailaren 14an landuko da, 17:30-19:00, Barrenan. Eider Goiburu hezitzaileak gidatuko du hitzaldia.

Hirugarren saioan bullying-ari helduko diogu, nola sortu ingurune seguruak bullying egoera minimizatzeko. Martxoaren 23an izango da, 18:00-19:30, Barrena Kultur etxean.