Ordiziako Gaztelekuak sukalde berria estreinatuko du asteburuan. Nerabeentzako zerbitzua 2007ko azaroaren 24an inauguratu zen Lukusain plazan, lehenago La Milagrosa eraikinean zegoen (egutera kalean). Lokala martxan jarri zenetik, hainbat berrikuntza lan egiten ari dira bertan. Hala, zerbitzua behar berrietara egokituz joan da eta kudeatzeko giro egokia sortuz joan da. Elementu neutroak, kolore leunak eta KM0 produktuak erabilita. Azken berrikuntza, sukaldealdearena izan da, 2007an lokala martxan jarri zenetik berritu gabe baitzegoen.

Sukaldea gertuko eta tokiko produktuekin eraberritu da, obra udal langileek egin dute eta inbertsioa ez da 10.000 eurora iritsi, 9.307,47 euroko kostua izan baitu. Bertan, bina su, labe eta hozkailu jarri dituzte, eta baita altzari berriak ere. Lekua ere pixka bat zabaldu egin da, lehengoa txiki gelditu baitzen.

Marta Ortega gazteria eta euskara zinegotziak azaldu duenez, "hiru zerbitzuk erabiltzen dute sukalde hau: asteburuetan Gaztelekuko erabiltzaileek asko erabiltzen dute, eta astean zehar lokalean eskaintzen diren gainerako zerbitzuekin partekatzen dute, hala nola kale heziketa programa eta Ongi Etorri Euskarara ikastaroetarako. Batez ere asteburuetan jende asko elkartzen da, eta pilaketak gertatzen ziren, zaharkituta zegoen eta ez zen batere erosoa".

Hala, berrikuntzekin hasi aurretik, parte-hartze prozesu bat egin zuten, hiru zerbitzuetako erabiltzaileen eta monitore edo arduradunen artean, bakoitzaren beharrak ezagutzeko. Hortik atera da sukalde berriaren diseinua.

Funtzionala eta segurtasun berme guztiekin

Koro Ruiz gazteria teknikariak ere, sukaldea "erabilera anitzekoa" izango dela azaldu du. "Funtzionalitatea eta praktikotasuna lehenetsi ditugu, eta erabiltzaileen segurtasuna bermatu nahi izan da". Zentzu horretan, legediak eskatzen dituen segurtasun baldintzak bermatu nahi izan dituzte. Izan ere, “Gazteria Zerbitzutik Aldundiaren Gaztematika sarearekin batera, lanean ari gara gune seguruak, babestuak eta tratu onekoak sortzeko, hala nola Eusko Jaurlaritzaren LIA lege berria, Haurren eta Gazteen Legea eta LOPIVI legea, indarkeriari eta nerabeei buruzko lege integrala. Legearen ataletako bat espazio fisiko seguruak eta babestuak sortzea da, eta sukaldearen berrikuntza ere esparru horren barruan egin da”.

Erabilerari dagokionean ere, barne lanketa egingo dute, zerbitzu ezberdinak nola koordinatu eta erabileen partetik konpromiso batzuk hartzeko. Izan ere, sukaldatzeaz gain, erosketak egin, garbitasuna eta segurtasuna bermatu eta beste hainbat gauza izan behar dira kontutan. Lanketa horrek, "zerbitzu ezberdinen arteko koordinazioa hobetzeko" ere balioko duela uste du Ruizek.

Programa Gabonak 

Ordizia hiri hezitzailea da eta badira zenbait urte haurren begiradatik hazi eta hezteko lanketa abiatu zela. Honen baitan, haur, gazte eta nerabeei begirako eskaintza osatu eta aberasteko lanean ari gara eta bide horretarik, udalak “bizi auzoak” programa aurkeztu du gaur.

Ainhoa Jimenez Ongizate, berdintasun eta heziketa zinegotziak azaldu duenez, "eskaintza aztertzen hasi ginenean, konturatu ginen badugula Haur Txokoa etxeko txikienentzat, era Gaztelekua nerabeentzat, baina bazegoen adin tarte bat, LH3 eta LH6 artekoa, pixka bat kokokan gelditzen zitzaiguna". Hortik sortu zen adin tarte honetako "haurren beharrei erantzun bat eman eta ziklo hau sortzeko asmoa".

HHtik hasi eta LH6 arteko haurrei zuzendua dagoen arren, esan bezala, batez ere LH3-6ko haurrengana iritsi nahi du ekintza sorta honek.

Ekintzak auzoetara zabalduz

Era berean, bigarren helburu bat ere badu Bizi Auzoak egitasmoak. "Udaberriarekin batera, eta umeek ere kalean jolasten dutenez, ekintza hauek ere kalera" ateratzeko beharra ikusi da, Jimenezen esanetan. Izan ere, Ordizian egiten diren ekintzarik gehienak erdigunean izan ohi dira eta "gaur aurkezten dugun ekintza sorta hau baliatu nahi dugu Ordizian ditugun auzoeei bizia eman eta eskaintzak auzo ezberdinetara zabaltzeko". Honi lotuta, herriko eragileekin ere ahalegina egiten ari gara ekintzak auzoetara bideratu eta egonkortu daitezen.

Udaberrian sartzearekin batera, ekintzak kalera atera nahi ditugu eta igandeetan haurrei begirako hainbat ekintza antolatu ditugu.

• BUZTUNTZA Maiatzak 4 17:30 Potx eta Lotx pailazoak. Urdanetako frontoia, LH4 arte.
• OTEGIENEA Maiatzak 11 17:30 Otegienea Yoga familian (B plana: Urdaneta)
• ERDIGUNEA Maiatzak 18 Ekojolasak Barrena Parkean (B plana: Plaza Nagusian) HHtik LH6ra 11:30-13:30/ 16:30-18:30
• ALTAMIRA Ekainak 1 16:30-19:30 Zirku tailerra Altamira parkea (B plana: Ikastola) Hemen izen ematea egongo da.

Dei egite diegu ordiziar guztiei ekintza hauetan parte hartu dezaten.

Udako oporrak bukatuta, Ordiziako Udaleko Nerabeen Zerbitzuak ostiral honetan zabalduko ditu ateak, 2024-25 ikasturteari hasiera emanez. Asteburu honetan (hilak 18, 19 eta 20), Ordiziako Gaztelekuan jasoko ditugu 12 eta 17 urte arteko (2012-2007 urteen artean jaioak) nerabeen izen-emate eskaerak. Doako zerbitzua da eta Ordizian bizi diren edo bertan ikasten ari diren pertsona guztiei eskaintzen zaie.

Hezkuntza zerbitzu honen helburua partaidetza, espiritu kritikoa eta pertsonaren autonomia sustatzea da, berdinen artean harremanak izateko, lagun berriak egiteko eta aisialdia modu ludikoan, hezitzailean, integratzailean eta euskaraz egiteko aukera emanez.

Kolektibo horren interes eta beharretatik abiatzen gara, eta haiekin batera haien interesen eta eboluzio-etaparen araberako programazioa egiten dugu.

Zerbitzuari buruzko informazio-saioak:

DBH1eko ikasleak. Urriaren 9an, Ordiziako ikastetxeetara hurbildu ginen erabiltzaile berriei, hau da, DBHko 1.mailako ikasleei, zerbitzua aurkezteko eta izena emateko fitxak emateko. Horiek Ordiziako Gaztelekuan entregatu beharko dira.

Gainerako gazteak: Zerbitzuan parte hartu nahi duten gainerako nerabeek Ordiziako Gaztelekuan (ostiraletik igandera) aurkeztu ahal izango diete Zerbitzuko hezitzaileei mezu honekin bidaltzen dizuegun eskaera.

Gurasoentzako saioak:
Gazteen familiei informazioa emateko bilera batera deitzen zaituztegu,2024-2025 ikasturterako zerbitzua eta proposamenak ezagutu eta proiektu berrietarako iradokizunak jaso ditzazuen.

Gurasoentzako saioa: Urriaren 17an, osteguna, 19:00etan Ordiziako Gaztelekuan (Lukusain plaza 10-11) https://bit.ly/3HkpL82

Informazio gehiago Ordiziako Udaleko Haur eta Gazteen Zerbitzuan, 943 80 56 30 edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.; edo Nerabeentzako Zerbitzuan (Gaztelekuan), 637 16 97 92 edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. .

Programa Gaztelekua 2026

Igandean, maiatzak 12, 18:00etan haurrentzako ipuin kontaketa eskainiko da Haur Txokoan, Zuhaiztiko bigarren solairuan. 0-4 urte bitarteko haurrei zuzendua egongo da.

Haur txokoa programa otsaila