Abenduaren 13a bitartean 'Ikusi-Makusi' erakusketa didaktikoa egongo da martxan Barrena Jauregian. Bertan, ikasleek liburuxka batekin jolas ezberdinez osatutako zirkuitu bat osatuko dute talde txikitan jarrita, kulturartekotasun, bizikidetasun eta dibertsitate gaiak lantzeko. 

Guztira zortzi panel daude: 

1. Gauzak ez dira beti ematen duten bezalakoak. Gauza naturala da desberdina izatea.
2. Egia ala gezurra
3. Egitatea edo iritzia
4. Denak, ni izan ezik: orokorpenak eta estereotipoak
5. Aurreiritziak
6. Eta ni, nor naiz? Eskola jazarpena.
7. Diskriminazioa
8. Kazetariak

Helburu nagusia parte hartzaileengan gogoeta sustatzea da; orokortzeak, aurreiritziak, estereotipoak eta diskriminazioa eragiten dituzten mekanismoetaz jabetzea, eta zalantza sortzea askotan barneratuta ditugun kontzeptuengan. Ibilbidean zehar gai ugari ikutzen dira: kulturartekotasuna, genero berdintasuna, klima aldaketa, bullying egoerak, eta aniztasun funtzionala, besteak beste. 

Bueltan da 'Liburu Baby Kluba' ekimena. Datorren asteartean, hilak 3, saioa egingo da goizeko 10.30ean, Udal Liburutegian. Ekimen hau, “Ordizia Hiri Hezitzailea” programaren barruan garatzen da. Udal Liburutegiak sustatzen du eta urtean zehar Liburutegi berak bultzatzen duen ipuin-kontaketen saioei gehitzen zaio.

Liburu Baby Kluba 0 eta 3 urte bitarteko umeei zuzenduriko jarduera ludiko eta didaktikoa da. Umeak heldu batekin egongo dira eta azken honek jardueran ere parte hartuko du. Jardueraren ardatza eta abiapuntua liburua da. Jarduera honen helburu nagusia umeengan txikitatik eta beraien familiengan literatura, musika, artea eta naturarekiko interesa piztea da. Liburu Baby Kluba jarduera kulturanitza da eta horregatik, euskaraz, gazteleraz eta ingelesez garatzen da.

Parte hartzaileen kopurua mugatua izanik, komeni da izena ematea Liburutegia bertan edo 943805633 telefonoan edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. posta elektronikoan.

Ordiziako Gaztelekuak bihar irekiko ditu ateak. 12 eta 17 urte bitarteko gazteei zuzendutako zerbitzua da; bertan, aisialdiaz gozatu, esperientzia berriak eta afizio berriak ezagutzeko. Lukusain plazan dago kokatuta eta larunbatetan, 17:00-19:00 (12 eta 14 urte bitarteko gazteak, DBH1 eta DBH2), 19:00-21:00 (15 eta 17 urte bitartekoak, DBH3 eta DBH4), eta igandeetan adin guztientzako irekia egongo da, 16:30etatik 20:30etara. Zerbitzu hau ekaina bitartean eskainiko da. 

Informazio gehiago: 688 805 705, 943 80 56 34 (gazteria saila) edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Hemen duzue atxikita izen-emate orria:

Gaztedia Plana definituko da gero

Ordiziako udalak gazte diagnostikoa martxan jarri du. Ikerketa honekin Ordiziako 16-29 urte bitarteko gazteen errealitatearen ezagutza handitu nahi da, horrela gazte politiken deseinua bideratuz. Honen berri eman dute Jose Miguel Santamaria alkateak, Bittor Bolinaga Gaztedi zinegotziak, Koro Ruiz teknikariak eta lana egiteko ardura hartu duen Zuriñe Romeo EDE fundazioko ordezkariak.

Zehazki honakoa bilatzen da:

•         Ordiziako gazteen ezaugarri sozioekonomikoei buruzko informazio kuantitatibo eta kualitatiboa jaso eta gai ezberdinen inguruan (enplegua, aisialdia, hezkuntza, osasuna…) dauzkaten interes, beharrizan eta eskaerak jaso.

•         Herrian gazteei zuzendutako errekurtso eta ekimen publiko zein pribatuei buruzko datuak jaso.

•         Gazteriari zuzendutako errekurtso, programa eta politiken diseinurako orientazio eta estrategiak identifikatu interesa duten eragile sozial ezberdinei zabaltzeko asmoaz.

Online galdeketa, elkarrizketak, eztabaidak eta mintegia