Ordiziako Udalak bi urterako esleitu berri dio gaztelekuaren kudeaketa Horbel kooperatibari

Lukusain plazan dagoen Ordiziako Gaztelekuak larunbat honetan, hilak 9, ekingo dio ikasturte berriari. Hasiera modura, irekiera festa egingo da larunbatean 18:30ean, eta igandean futbolin eta ping-pong lehiaketa jokatuko da. Gaztelekuak ordutegi berria izango du 2013-2014 ikasturtean: larunbatetan (17:00-21:00) eta igandeetan (16:30-20:30).

Era askotako ekintzak antolatuko ditu Ordiziako Gazte Asanbladak ostiralean hasita

Ordiziako Gaztetxeak haren urteurrena ospatzeko hainbat ekitaldi antolatu ditu azarorako, Ordiziko Gaztetxek 27+1 urte lemapean. Iazko udazkenetik Milagrosa eraikinean dago Ordiziako Gaztetxea, eta huraxe izango da ekitaldi gehienen topagunea. Era askotako ekitaldiak izango dira: auzolana, hitzaldiak, tailerrak, kontzertuak...

Martxoaren 24ra arte egongo da zabalik

Bihartik hasita eta hilaren 24ra arte posible izango da Gipuzkoako Foru Aldundiak antolatzen dituen udalekuetan izena ematea. Ondoren, apirilaren 11an, ostegunean, jasotako izen guztiekin zozketa egingo dute. Udalekuak 7 eta 13 urte bitarteko umeei daude zuzenduta.

Prentsaurrekoa ospatu dute gaur Milagrosa ikastetxean gaztetxearen inguruan hartu diren azken erabakiak ezagutzera emateko. Igor Eguren alkatea izan da udalaren ordezkari eta Luken Mendiguren eta Irati Otamendi, aldiz, Ordiziako Gazte Asanbladarena. Orain arte Filipinas kalean zegoen gaztetxea ixtearen arrazoiak eta jarraitutako prozedura azaldu dituzte.

Ekainaren bukaeran OGAk hitzordua eskatu zuen udaleko arduradun eta teknikariekin eraikinaren egoerarekin arduratuta. Pare bat bisita egin ostean, arazoa benetako izan zitekeela ohartu ziren. Hori horrela, bai udalak baita OGAK ere erabaki bat hartu zuten. Lehenak, teknikariei egoeraren gaineko azterketa bat egitea eskatu zien. Eta bigarrenak, aldiz, uztailean hastear zeuden herriko festetan gaztetxearen erabilera mugatzea. Kontzertuak sotoan eskaini ziren; lehen eta bigarren solairua itxita egon zirela.