Bi tailer antolatu dira argazkigintza eta sare sozialen erabileraren inguruan

Gipuzkoako Foru Aldundiko Gazteria zuzendaritza eta herrietako Nerabeentzako Zerbitzuetako hezitzaileak nerabeekin lanean ari dira herritartasun digitalaren gaia jorratzen; eta Instant1ean proiektua sortu dute. Oinarri pedagogikoa duen egitasmoa da, eta ikasturte honetan informazioko eta komunikazioko teknologietan nerabeek dituzten zalantza, eskubide, betebehar eta jokabide egokiei buruz ari dira.

Hezitzaileak hainbat tailer eta dinamika egiten ari dira Gipuzkoa osoko gaztelekuetan. Batetik, ezagutza digitalekin zuzenean lotura duten gaiak dira eta, bestetik, balio hezitzaileak ere jorratzen dira zeharka, esate baterako, segurtasuna sarean, portaera egokiak, berdintasuna eta besteekiko errespetua nola zaindu.

 Nazioarteko Elkartasuna GKEak deituta, informazio bilera bat egingo da datorren astelehenean Barrenan

Nazioarteko Elkartasuna Gobernuz Kanpoko Erakundeak, Gipuzkoako Foru Aldundiarekin batera, Palestinako herrialde okupatuen giza eskubideen inguruko on-line ikastaro bat antolatu du. Kurtso honen bitartez, Palestinako lurraldeetan Israelgo gobernuaren eskutik bizi duten giza eskubide zapalkuntza egoera hurbildu nahi diete Gipuzkoako gazteei, bertako errealitatea ezagutzera emanez eta ikuspuntu kritikoa landuz.

 Otsaileko lau ostiraletan hainbat ekimen egingo dira, denak 19:30ean hasita

Ordiziako Gazte Asanbladak eta Askapenak antolatuta, II. Hilabete Internazionalista egingo da otsailean Ordiziako Gaztetxean. Ostiral honetan, hilak 7, hasita, otsaileko lau ostiraletan hainbat ekimen egingo dituzte: lehen hiruretan Herrialde Arabiarren, Palestinaren eta Maputxe herriaren berri izateko hitzaldiak izango dira, eta azken ostiralean Greziako krisiaren nondik norakoaz ariko dira 'Debtocrazy' filma ikusi eta gero.

Otsailaren 2rako aurkeztu beharko dituzte lanak herriko nerabe eta gaztetxoek

Ordiziako Gaztelekuaren izen eta logo lehiaketara lanak aurkezteko epea otsailaren 2ra arte luzatu dute. Hamabi eta hamazazpi urteen arteko Ordiziako nerabeek har dezakete parte, baita Ordiziako ikastetxeetan ikasten duten nerabeek ere. Lehiaketa, hala ere, bi adin tartetara zuzenduko da (12-14 urte eta 15-17 urte), eta saria ere ezberdina izango da.