Ordiziako Gaztelekuak larunbat honetan zabalduko ditu ateak: 

"Honen bidez, Ordiziako nerabeentzako zerbitzuan parte hartzera gonbidatzen zaitut. Urriaren 16an irekiko da, Lukusain plazako 10-11 lokalean.

Urte gogorra izan da guztiontzat, eta batez ere zuentzat, zuen lagunekin egoteko eta aisialdiaz modu aktiboan eta parte-hartzailean gozatzeko aukera murriztuta ikusi duzuenontzat, osasun eta prebentzio neurriek zerbitzuaren edukiera murriztera eraman gaituzte eta hainbat modutan lan egin dugu egoerara egokituz.

Alerta-egoera amaituta, normaltasun berri batean gaude, aurrekoa baino lasaiago, baina zerbitzua zuekin eta zuentzat antolatzen jarraituko dugu, une bakoitzean indarrean dauden arauak errespetatuz: musukoa nahitaez erabiltzea, distantzia, garbiketa eta aireztapena.

Gaztelekuak zaletasunak deskubritzeko eta esperientzia berriak bizitzeko aukera eskaintzen dizu, kezkak partekatzeko, hausnartzeko, hitz egiteko edo lasai egoteko gune batean.

Arrazoi hauek eta beste batzuk bururatzen zaizkit zerbitzuan parte hartzera animatzeko. Animatzen al zara?

Dakizunez, zerbitzu hau 12 eta 17 urte bitarteko nerabeentzat da, asteburuko zerbitzua, adin eta ordutegi tarteak dituena eta zuekin guztiekin partekatu nahi duguna.

Larunbatetan 17:00etatik 21:00etara eta igandeetan 16:30etatik 20:30etara egongo gara. Bertan, harremanak izan eta lagun berriak ezagutu ahal izango ditugu, gure proiektuak modu irekian egin eta partekatu ahal izango ditugu, entzuten diguten hezitzaile profesionalekin eta taldean lan egingo dugu, euskaraz eta herriko nerabe guztientzat zabalik dagoen hezkuntza-denboraz gozatuz, banaka edo koadrilan.

Gogoratu eskaera-orria Ordiziako gaztelekuan aurkeztu behar duzula, argazki berri batekin batera.

Eskabide-orria emango dizugu, eta nerabearen arduradunekin bete eta sinatu ondoren, lokalera bidali edo eraman ahal izango duzu.

Informazio gehiago zerbitzuaren ordutegian edo Udaleko Gazteria Zerbitzuan.

Ongi etorri Gaztelekura!"

Aurtengo urtean, lehenengo aldiz, Oiangun Udalekuak eskainiko dira 12 eta 16 urte bitarteko gazteentzat. Uztailaren 5etik 30era goizeko 10:00etatik 13:00etara eskaintza zabala jarriko da eskura.  

Astelehenetan auzolanak egingo dira Oihana Unanueren gidaritzapean; astearteetan Yoga eta sukaldaritza uztartuko dute Aloña Aguirrezabala eta Anne Otegik; asteazkenetan, natur ibilbideak eta orientazioa egongo dira Vanessa Blázquezekin; ostegunetan aisialdi turistikoa egingo dute gaztetxoek D´elikatuzeko kideen eskutik, eta ostiraletan argazkilaritza izango dute hizpide, Nagore Lejarreta profesionalarekin batera.

Ekainaren 30a bitartean izena emateko aukera izango da, 667 853 580 telefonoan.

Gutxi falta da Nerabeen Zerbitzuaren ikasturtea amaitzeko, baina, bertako antolatzaileek ez dute amaitu nahi zerbitzuari buruz erabiltzaileek duten iritzia jaso gabe, batez ere, itxialdi-egun hauetan egindakoa.

Garrantzitsua da iritzia plangintza egiteko eta, batez ere, zerbitzua hobetzeko. Hemen duzue inkesta:

https://forms.gle/VwoLHjYyrP9XiSiQ9

Bueltan da berriz ere 'Liburu Baby Kluba' ekimena eta lehenengo saioa bihar izango da, asteartea. Horrez gain, martxoaren 10ean eta maiatzaren 12an goizez, 10:30etan, eta otsailaren 11n eta apirilaren 21ean arratsaldez, 17:00etan egingo dira. Saio guztiak, Udal Liburutegian egingo dira.

Liburu Baby Kluba ekimenak,  “Ordizia Hiri Hezitzailea” programaren barruan garatzen dena jarraituko du Udal Liburutegian;  Udal Liburutegiak sustatzen du eta urtean zehar Liburutegi berak bultzatzen duen ipuinkontaketen saioei gehitzen zaio. 

Liburu Baby Kluba 0 eta 3 urte bitarteko umeei zuzenduriko jarduera ludiko eta didaktikoa da. Umeak heldu batekin egongo dira eta azken honek jardueran ere parte hartuko du. Jarduaren ardatza eta abiapuntua liburua da. Jarduera honen helburu nagusia umeengan txikitatik eta beraien familiengan literatura, musika, artea eta naturarekiko interesa piztea da. Liburu Baby Kluba jarduera kulturanitza da eta horregatik, euskaraz, gazteleraz eta ingelesez garatzen da.

Hiri hezitzailaren helburu etengabea ikasi, trukatu eta partekatzea da. Hortaz, bertako biztanleen bizitza aberastea ere bai eta nagusiki, haur eta gazteak heziko ditu, baina borondate irmoa agertu behar du adin guztietako pertsonak bizitzan zeharreko prestakuntzan sartzeko. Eta zentzu horretan Liburu Baby kluba ekimena Hiri hezitzailearen printzipioen barruan kokatzen da, hala nola Hiriak aniztasunean oinarritutako hezkuntza sustatuko duela esaten denean, betiere ulergarritasuna, nazioarteko  lankidetza  solidarioa;  edota Hiria  familiei  behar  bezalako  prestakuntza  ematen  ahaleginduko  duela esaten denean,  haien  seme-alabei hazten laguntzeko, haien seme-alabei hiriaren funtsa barneratzen laguntzeko, elkarrekiko begirunearekin bat. Alde horretatik, oro har, hezitzaileentzako prestakuntza-proposamenak garatuko  ditu,  bai  eta  hirian,  nahiz  eta  maiz  ohartu  gabe,  hezkuntza-eginkizunak  betetzen  dituzten pertsonentzat ere.

Eta marko horretan garatu nahi da Liburu Baby Kluba ekimena, eta urteko lehenengo saioa astearte honetan, Udal Liburutegian goizeko 10:30etan. Parte hartzaileen kopurua mugatua izanik, komeni da izena ematea Liburutegia bertan edo  943805633telefonoan  edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. posta elektronikoan