Berdintasuna

Ordiziako Udalak hainbat urte daramatza emakumeen eta gizonen arteko berdintasuna sustatzen. Orain arte garatu diren berdintasunerako bi planen bidez, herritarrei begira hainbat ekimen jarri ditugu martxan: ikastetxeetako hezkidetza-programak, emakumeen ahalduntzea sustatzeko egitasmoak, emakumeen aurkako indarkeriari aurre egiteko ekimenak…

Joan den martxoan Emakumeen eta Gizonen Berdintasunerako III. Plana diseinatzeko prozesua abiatu genuen Elhuyar Aholkularitzaren laguntzarekin. Berdintasunaren eremuan orain arte egindako ibilbidearen balantzea ari gara egiten eta, horrekin batera, Ordiziako egungo egoera genero-ikuspegitik aztertzen.

Analisi hori egin ahal izateko, udal-teknikarien ekarpenak jaso ditugu, eta datozen asteetan herriko mugimendu feministako ordezkari nahiz beste hainbat emakumeekin elkartuko gara, euren bizipenak, egoerak, beharrak, arazoak… gertutik ezagutzeko.

Jasotako informazioa aintzat hartuta, Berdintasunerako III. Plana diseinatuko dugu.

Prozesuarekin lotuta zalantzarik baduzue, edo bestelako ekarpenik egin nahi baduzue, Berdintasun Sailarekin jar zaitezkete harremanetan: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Astelehen honetan, Jabekuntza Eskolaren inguruan aritu dira Ainhoa Jimenez, Berdintasun zinegotzia, eta Josebe Iturrioz, gaian aditua. Hemen duzue lotura, nahi duzuenean ikusi ahal izateko: 

Ordiziako Udalak III. Berdintasun Plana lantzeari ekin dio. Ainhoa Jimenez, Berdintasun, Hezkuntza eta Ongizate zinegotziak azalpen bideoa egin du; ikusi hemen: III. Berdintasun Plana 

Bihar, 18:30ean, 'Gizonak eta zaintza' hitzaldia eskainiko da honako estekan: https://bit.ly/359SD04 (Gizonduzen Youtubeko kanala). Izaskun Landaida, Emakundeko zuzendaria izango da aurkezlea eta hizlariak Leire Gartzia eta Edu Portilla. Moderatzailea, berriz, Ander Bergara.