Ordiziak beste urrats garrantzitsu bat eman du etxebizitza publikoaren aldeko apustuan. Atzo, soka-tiraketa egin zen Floreaga kalean, babes ofizialeko 12 alokairuzko etxebizitza eraikitzen hasteko, San Joan auzoan garatuko den etxebizitza proiektu zabalaren lehen fase gisa.

Adur Ezenarro Ordiziako alkateak azaldu duenez, lehen fase honek Eusko Jaurlaritzako Etxebizitza Sailarekin hitzartutako 12 etxebizitzaren eraikuntza ekarriko du. Hitzarmen horren baitan, bigarren fase batean, beste 24 etxebizitza eraikiko dira Floreaga kalean baita ere, bi bloketan banatuta, bakoitza 12 etxebizitzakoa.

Etxebizitza hauen eraikuntza San Joanen eraikiko diren babes ofizialeko alokairuko etxebizitzen proiektu osoaren abiapuntua izango da. Izan ere, San Joan auzoan, guztira, 226 babes ofizialeko alokairuzko etxebizitza eraikitzea aurreikusten da, eraikuntza mailakatu baten bidez. 36 hauez gain, beste 190 etxebizitza hitzartu baitira Eusko Jaurlaritzaren VISESA sozietate publikoarekin.

Atzoko markaketarekin, etxebizitza berriak kokatuko diren eremua zehaztu da, eta datozen asteetan obrei ekingo zaie, eta espero da laster beste 24 etxebizitzen eraikuntza hastea.

Ondorengo faseetan, beste lau bloketan 190 etxebizitza gehiago eraikitzea aurreikusten da. VISESA dagoeneko ari da etxebizitza hauen proiektuak garatzen.

Ezaugarriak

Lehen fase honetan eraikiko diren 12 alokairuzko etxebizitzetatik 11 bi logelakoak izango dira, eta batek logela bakarra izango du. Guztiek terraza edo balkoia izango dute, baita garajea eta trastelekua ere. Etxebizitzen azalera erabilgarria 54 eta 65 metro karratu artekoa izango da, eta horietako bat mugikortasun urriko pertsonentzat egokituta egongo da. Fase honetako obrek 2 milioi euro inguruko aurrekontua izango dute (BEZ barne).

Bigarren fasean aurreikusitako 24 etxebizitzek antzerako ezaugarriak izango dituzte, 4,5 milioi euroko aurrekontuarekin. Bi eraikinek kalifikazio energetiko altuena (A) izango dute.

Ekimen hau Eusko Jaurlaritzarekin elkarlanean garatzen ari da, etxebizitza publikoaren eta alokairu babestuaren aldeko politikaren baitan.

Ordiziako Udalak azpimarratu du etxebizitza publikoaren aldeko apustu honek herritarren bizi-baldintzak hobetzea eta alokairu eskuragarria sustatzea duela helburu, bereziki gazteentzat eta behar bereziak dituzten pertsonentzat.

Ziurtagiria

Ordiziako Hiri Mugikortasun Jasangarriaren Plana 2025-2030

Plano A.1 eranskina

Plano A.2 eranskina

Plano B eranskina

Plano B.1 eranskina

Plano B.2 eranskina

Ordiziako Udalak 449.600 euroko laguntza jaso du, bidegorri berriak eta bizikletentzako aparkalekuak egin eta mugikortasun aktibo eta iraunkorra sustatzeko, Next Generation dirulaguntza-funtsaren bidez.

Dagoeneko hasi dira Ordizian bidegorri zati berria eraikitzeko lanak eta Bizkaia pasealekuko bidegorri atala izango da egingo dena, hain zuzen ere, Tximistako zubitik San Joan auzoraino. Bi zubien artean 540 metroko distantzia dago, eta berrikuntza honekin batera Ordiziako bidegorri sarea bakarra izango da, eta jarraia. Guztira 4.532 metro izango ditu bidegorri sareak.

Construcciones Otegui Gaztañaga S.L. izango da lanak burutuko dituen enpresa eta lau hilabeteko iraupena izango dute horretarako, beraz, urte amaierarako amaituta egotea aurreikusten da. Laguntza 449.609 eurokoa da eta Ordiziako Udalak 67.493,74 euro jarriko ditu, beraz, lanen aurrekontu osoa 517.102,74 eurokoa izango da BEZa barne (427.357,64 euro + 89.745,10 euro (%21 BEZ)).

 “Orain arte bidegorri sarean etenak zeuden, eta horiek gainditzea du helburu Bizkaia pasealekuan egingo den bidegorri zatiak. Erabaki estrategikoa izan da, eta herritarren iritzia ere jaso dira erabakiak hartzerako orduan. Hasiera batean Buztuntzako Oria ibaiaren ibarretik doan pasealekutik egitea aurreikusten bazen ere, auzoan egindako parte-hartze prozesuan bizilagunek pasealekuari ematen zioten balioa aintzat hartuta, eremua bere horretan auzoaren oinezko gune bezala mantentzea lehenetsi da”, azaldu du Adur Ezenarro, Ordiziako alkateak.

Ordizia laguntza hau lortu duen udalerri bakarra da

Deialdia lehiaketa bidezkoa izan da, eta Ordiziak aurkeztutako proiektuak eskatutako diru-laguntza lortu du. Espainiako Garraio eta Mugikortasun Iraunkorraren Ministerioak bultzatu duen laguntza programa hau, 50.000 biztanletik beherako herriei dago zuzendua, eta Ordizia da, Euskal Herri mailan, laguntza hori lortu duen udalerri bakarra.

Lortutako NEXT diru-laguntzen inguruan aipatu duenez, “udal gobernutik esfortzu itzela egin da diru-laguntza hau lortzeko, edo irabazteko, ze azpimarratu nahi nuke, lehiaketa batean, alegia estatu osoko udalerrietako beste proiektu askorekin norgehiagokan irabazi dugula diru-laguntza hau, aurkeztu dugun proiektuaren kalitateagatik. Ez digu inork ezer oparitu. Eta dagoeneko lortzen dugun hirugarren NEXT laguntzaz ari gara. Guztira 4,5 miloi euro lortu ditugu Ordiziarentzat, eta ez da kasualitatez izan”.

Ordizian finantziatutako beste proiektuetako bat izango da hau, izan ere, aurretik turismoko lerroan ia 3 miloi (Oiangu, Delikatuz eta Gaztandegia) eta merkatuen lerroan beste miloi 1 (Plaza eta azokako osagarriak) lortu baititu dagoeneko Ordiziako Udalak. Bidegorria burutzeko epea 18 hilabetetakoa izango da, eta udalak dagoeneko eskura dauka lanak lizitatzeko beharreko den exekuzio proiektua. Lanen aurrekontu orokorra 500.000 euro ingurukoa izango da eta datorren urte hasieran esleitzea aurreikusten da.

Ordiziako bidegorria sarea bitan banatuta dago gaur egun; hego-mendebaldeko zatia da handiena, 2.715 metrorekin, eta Beasaingo mugan dagoen CAF lantegitik, Zaldibiako mugan dagoen ORKLI lantegiraino luzatzen da. Bi mutur hauen artean, Oria ibaiaren ibarretik doan bidegorriak ibaiaren alde batean eta bestean dauden ibarrak lotzen ditu, tartean erdigunea, tren geltokia, kiroldegia, eta eraikin publiko nagusiak, baina ez dauka jarraipen edo loturarik bere muturretan. Bidegorri ardatzaren bidegurutze garrantzitsua da Tximista zubiko gunea, bertan bi adarretan banatzen baita.

Ipar-ekialdeko zatiak berriz, 1.277 metro ditu, eta Itsasondoko mugatik Tolosaraino luzatzen den bidegorriarekin lotuta dago. San Joan auzoan garatzen da nagusiki, baina ez dauka sarearen beste zatiarekin loturarik.

Datorren asteartean, maiatzak 27, eta asteazkenean, maiatzak 28, asfaltatze lanak egingo dira. Arana, Filipinak eta Santa Amalia bide gurutzea, Ordizia kalea, Bizkaia pasealekua, Arramendi kalea eta Urdaneta kalean egingo dira lan hauek. 62.394,41 euroko aurrekontua dute, BEZa barne.