Hirigintza eta obra handiak

Aintzane Oiarbide foru diputatuak eta Jose Miguel Santamariak alkateak bisitan izan dira elkarlanean egindako lana ikusteko

403 herritarrek erantzun zuten trafikoa antolatzeko egindako galdeketan

Ordiziako San Bartolome kaleko urbanizazioa eta auzoko zirkulazioa berrantolatzeko obra amaitu da. Proiektua Gipuzkoako Foru Aldundiko Bide Azpiegituretako Departamentuak onartu zuen 2016ko ekainean eta hainbat zailtasun gainditu ditu. Aintzane Oiarbide, arloko foru diputatua, Ordizian izan da obraren ondorena ikusteko Jose Miguel Santamaria alkatearekin batera.

Alkateak egitasmoa Udaleko Osoko bilkuran 2017ko hasieran aurkeztu  eta oposizioak ‘hiru aldiz atzera bota eta gero’ onartu zela gogoratu du. Azkenean, Foru Aldundiak 280.000 € kin lagundutako obra iazko abenduan hasi zen eta hilabete honetan amaitu dira lanak, aurreikusita baino sei aste beranduago, egin duen euriak atzeratuta.

Aintzane Oiarbide, Bide Azpiegituretako diputatuak azaldu duenez,  ‘N-1eko sarrera irteera nabarmen hobetu da. San Bartolome kalea norabide bakarrekoa bilakatu denean espaloiak zabaltzeko aukera eman digu. Merkatal zentroa bertan dagoenez oinezko asko ibiltzen da zonaldean eta horiek segurtasunean asko irabazi dute’.  Goierri Eskola eta Tren Geltokiaren arteko ibilbidea erraztu dela ingurunearen berrantolamenduarekin gehitu du Oiarbide diputatuak.

Trafikoa antolatzerakoan bi noranzkoak mantentzea nahiago

Ostegun honetan izango da lehenengo bilera informatiboa

Martxan da aurreko astetik ‘Ordizia Denon Artean’   Ordiziaren Hiri Antolamenduko Plan Orokorraren Aurrerakinaren parte-hartze prozesua.Barrenan urtarrilaren 15a bitarte zabalik egongo den erakusketarekin batera hasi da eta bilera informatibo eta tailerrekin osatuko da. Lehenengo bilera informatiboa ostegun honetan da.

Hiri Antolamenduko Plan orokorra Ordiziaren aurrera begirako hirigintza antolatzen eta planifikatzen duen dokumentua da.Udalak duela hainbat urte heldu zion gaur egun indarrean dagoen plangintza orokorra berraztertzeari, horretatik abiatuta, aurrera begirako hirigintza-premiei eta aurreikuspenei erantzun egoki bat emate aldera.

Jose Miguel Santamaria alkateak eta Pilar Amenabar udal arkitektoak parte-hartze fase honen garrantzia azpimarratu dute. Euren iritziz, oso garrantzitsua da Ordiziako herritarrek beren iritzia ematea, horrekin herriaren aurrera begirako hirigintzaren diseinuari buruzko haien ikuspegia txertatzea ahalbidetzen baita.

Informazio-bileretan planaren aurrerapenaren edukia azalduko da, orokorrean.Lehena ostegun honetan bertan izango da, euskaraz. Bigarrena, berriz, azaroaren 23an, gaztelaniaz.

Lantegietan landuko diren eztabaidagaiak honako hauek izango dira:            

Esposizio batek, informazio-saioek eta gaiari buruzko hainbat lantegik erraztuko dute dokumentuari ekarpenak egiteko hausnarketa

Ostegun honetan inauguratu da Barrena kultura-etxean Ordiziaren Hiri Antolamenduko Plan Orokorraren Aurrerapena.Horrela, hasiera eman zaio plan berriaren aurrerapenaren fase honetako herritarren parte-hartzeari: "Ordizia denon artean". Xedea Ordiziaren aurrera begirako hirigintza-plangintzarekiko herritarren ikuspegia txertatzen laguntzea da.Plan orokorra urtarrilaren 15era arte egongo da jendaurrean.Datozen egunotan, informazio-triptiko bat emango da argitara, bai esposizioari publikoari buruzkoa, bai herritarren parte-hartzeari buruzkoa.

Horrela, herritarrek parte hartzeko martxan jarri den prozesua honako hauek osatzen dute: inauguratu berri den esposizioak, argitara emandako informazio-materialak eta azaroan eta abenduan zehar herritarrekin landuko diren informazio-bilerek eta lantegiek.

Ordiziako San Joan eremuan etxebizitza alokairuan (erosteko aukerarekin) eskuratzeko lehentasun-ordenan ezartzeko zozketa egin zen aurreko astean. Atxikitako dokumentuan dago zozketaren emaitza.

Kolore grisean etxebizitza aukeratzeko lehentasun ordena (1etatik 16ra) azaltzen da.

Resultado sorteo _ zozketaren emaitza_ II (PDF)