HASI DIRA OIANGUKO ZELAIETAKO POSTEAK KENTZEN

OainguUdalak Oianguren inguruan martxan jarritako prozesu parte hartzailean hainbat eskaera jaso zituen genituen. Eskaera horien artean golf zelaiko zutoin edo posteak kentzea aurkitzen zen.

Sareak berehala kendu eta espazioa erabat ireki bazen ere, zutoinak kentzea ez da hain samurra gertatu. Ez zailtasunagatik, baizik eta jartzeak koste handia izan zuen bezalaxe, kentzea ere ez zelako merkea.

Horregatik, Oiangu Bizirik eta Publikoa plataformako kideek adierazi zutenean beraiek lor zezaketela zutoinak dohainik ken zitzakeen norbait, Udalak baiezkoa eman zuen. Baina orain artean ez da posible izan lan hori burutzea hainbat arrazoirengatik. Azaroaren 7an ordea, jada zutoin horiek kentzen hasi dira, eta eskerrak eman nahi dizkiegu Plataformari lan horrengatik. 

Lan hau beste urrats txiki bat da Oiangu berreskuratzeko eta zaintzeko bidean. Hurrengo hilabeteetan joango dira definitzen aurrerantzean emango direnak.

AGARRE BIDEKO BERRITZE LANAK

AgarreHurrengo hilabeteetan Iturrioz eraikuntzak enpresak Agarre bidea berritzeko lanak burutuko ditu. Ondorioz, Lazkaibar kalean barrena zama handiko ibilgailuak ibiliko dira. Horregatik kale horretatik igarotzerakoan arreta handiagoa izatea eskatzen zaizue.

Honekin batera, jakinarazten da lan hauek irauten duten bitartean skate parkea itxita egongo dela oinezkoen sarbidea itxita baitago.

Sortuko diren eragozpenak ulertuko dituzuelakoan.

I. BERDINTASUN PLANAREN EBALUAZIOA

berdintasunaDuela hiru urte, Ordiziako Udalak, emakumeen eta gizonezkoen berdintasun egoera hobetzeko asmoz, hainbat erabaki hartu zituen. Besteak beste herriko egoeraren diagnostikoa egin zen, eta honetan oinarrituta, I. berdintasun plana onartu zuen. Plan honetan hiru urtetan gauzatzeko ekintzak jaso ziren: 2009-2012 bitartean hain zuzen ere. Udalean bertan egitekoak ziren jarduera horietako batzuk, eta herriko eragileek gauzatzekoak besteak. Hori horrela amaitzear da planaren indarraldia, eta Udalak, hiru urteko prozesuaren ebaluazioa egitea erabaki du. Elhuyar aholkularitza arduratuko da lan horretaz.

2013RAKO UDAL ZERGA ETA TASA BERRIAK ONARTU DIRA

Udal zerga eta tasei dagokienez, aurten orokorrean KPIren igoera izango dugu. Kontutan izanda Fondo Foraletik datorren urterako aurreikusten den jaitsiera, beharrezkoa izan da KPIaren araberako %2.5a igotzea.

Guk Bildutik, Euskal Herriko ezkertiar eta soberanisten arteko bilgunea garen heinean, bizi dugun garai zailetan garbi dauzkagu zein diren gure lehentasunak, gutxien duten herritarren eskubideak bermatzean hain zuzen. Ez dugu udala baliabide gabe ikusi nahi, baina, honen konponbidea ere ez da herritarren karga fiskala handiagotzea, beraz, oreka mantentzera behartuta gaude. Diru sarrerak lortzerako garaian, gehien dutenek, gutxien dutenen aldeko esfortzua egitera bideratzea da gure helburua. Honen haritik, progresibitatearen irizpidea ere aplikatu dugu aurtengo zerga eta tasetan.