Prozesuan onartua izateko eskaerak aurkezteko epea azaroaren 18an bukatuko da

Ordiziako Udalak kirol teknikari bat behin-behingoz kontratatzeko deialdia egin du. Deialdi honen helburua, lan errejimenean eta behin-behineko izaerarekin, kiroletako teknikari bat kontratatzea da, eta era berean, prozesua gainditzen duten hautagaiekin lan-poltsa bat eratzea. Majori Kiroldegia S.M.ko lan kontratupean atxikitako lanpostua da, %70eko lan jardunaldiarekin. Deitutako lanpostuak 3. hizkuntza-eskakizuna du atxikia derrigortasun datarekin.

Amaia Zabaleta izena du, Antzuolakoa da, eta kirol arloko hainbat ardura bete ditu azken urteetan Debagoiena eskualdean

Gaur, azaroak 4, hasi da lanean Majori kiroldegiaren zuzendari-kudeatzaile berria. Amaia Zabaleta izena du, Antzuolakoa da, eta azken urteetan kirol arloko hainbat ardura bete izan ditu Debagoiena eskualdean; Bergarako Kiroldegiko zuzendari izana da eta azken hilabeteetan Arrasateko Udaleko kirol teknikari lanetan ibili da. Majoriko Batzar Orokorra (udaleko hautetsi guztiek osatua) urriaren 16ean elkartu zen, eta batzar horretan onartu zen Zabaletaren izendapena. Lehen aste hauetan Eñaut Gereñu orain arteko zuzendariarekin ariko da elkarlanean.

Horren ondoren, Eneko Agirrezabalek eta Gorka Satrustegik desafioa jokatu diete animatzen diren lau gazteri

Datorren larunbatean, urriak 5, Txindoki Jaso atletismo taldeak antolatutako Atletismo erakustaldia egingo da Plaza Nagusian, 18:00etan hasita. Gorako jauzia, pisu jaurtiketa eta hesien probak jokatuko dituzte. Erakustaldia egiteaz gain, atletak haien artean lehiatuko dira eta irabazleak sarituko dituzte.

Haurren probak 09:45ean hasiko dira, eta lasterketa herrikoia 11:00etan

Aurreko hamabi urteetan bezalaxe, iraileko azkeneko igandean (irailak 29) jokatuko da aurten ere Goierriko herri lasterketarik parte hartzaileena, Josetxo Imazen Oroimenezko proba. Altamira estadioan hasi (11:00) eta bukatuko da proba. Aurrez, 09:45ean, eskola kiroleko umeen lasterketak izango dira, eta proba nagusia baino lehen (10:55) patinatzaileak abiatuko dira. Txindoki atletismo taldea da probaren antolatzailea.