LARUNBATEAN ZABALDUKO DIRA KANPOKO IGERILEKUAK
Irailaren 14ra arte egongo dira irekita, eta bi egunetan soilik itxiko dira, uztailaren 26an eta irailaren 10ean
Udaleku zerbitzuaz ez ezik, Santa Ana jaietan eta Euskal Jaietan zaintza zerbitzua ere eskainiko du Majorik
Datorren larunbatean, hilak 21, zabalduko dira Majoriko kiroldegiko kanpoko igerilekuak. Irekiera egunetik uztailaren 18ra, eta abuztuaren 9tik irailaren 14ra (itxiera eguna) kanpoko igerilekuak 11:00etatik 20:45era egongo dira irekita, eta uztailaren 19tik abuztuaren 8ra 09:00etatik 20:45era. Bi egunetan soilik itxiko dira, Santa Ana egunean (uztailak 26) eta Euskal Jaietako aparteko azokan (irailak 10).