Garapen iraunkorra eta mugikortasuna
MOTORDUN IBILGAILUEN ZIRKULAZIOAN ALDAKETAK
Arana eta Santa Amalia kaleak noranzko bakarreko kale bihurtu dira, eta hilaren 24tik aurrera Gudarien Etorbidea ere bai
Gaur jarri dira indarrean Mugikortasun Planak herri barruko motordun ibilgailuen zirkulazioarentzat aurreikusten zituen hainbat aldaketa. Santa Amalia eta Arana kaleak noranzko bakarreko kale dira gaurtik, eta beste hiru kaleri noranzkoa aldatu zaie: Zuberoa kalea (Notaritza pareko zatian), Araba kalea eta Victor Mendizabal kalearen goiko zatia. Hilaren 24tik aurrera, berriz, Gudarien Etorbidea ere noranzko bakarreko kalea izango da, eta ibilgailuek goitik beherako noranzkoan soilik zirkulatu ahal izango dute.
Garapen iraunkorra eta mugikortasuna
OIANGUN AUZOLANA EGINGO DA HILAREN 12AN, LARUNBATA
Parte hartzeko gutxieneko adina 16 urtekoa da, aurrez izena eman beharra dago asegurua egiteko
Ordiziako Udalak eta Aranzadi Zientzia Elkarteak urte hasieran abiatutako lankidetzaren harira, hilaren 12an auzolana egingo da Oiangun 10:00etatik 13:00era bitartean. Egingo diren lanak hauek izango dira: Inguruko hosto eta orbelak pilatzea; Egurrezko itxitura bat egitea konpostgunerako; eta zaharkitutako figurak kentzea. Parte hartzeko gutxieneko adina 16 urtekoa da, eta aurrez izena eman beharra dago asegurua egiteko:
Garapen iraunkorra eta mugikortasuna
DATORREN OSTEGUNEAN AGENDA 21 FOROAREN BILERA
Ekintza planaren jarraipenaz gain, laster autoen zirkulazioan egingo diren aldaketen berri emango da. Ostegunean da bilera, 18:00etan
Datorren ostegunean, apirilak 3, Agenda 21 Foroaren bilera egingo da udaletxeko batzar aretoan. 18:00etan izango da bilera, eta ez 19:00etan, aurrez zabaldu bezala. Batetik, Iraunkortasunerako Ekintza Plan berriaren inguruan egin den ebaluazioaren zein adierazle kalkuluaren emaitzak jakinaraziko dira bilera horretan, eta bestetik, Mugikortasun Iraunkorrerako Plan berriari jarraituz autoen zirkulazioan izango diren aldaketen berri ere emango da.
Garapen iraunkorra eta mugikortasuna
TXAKURREN PIXA BILTZEKO EGITURA BERRIAK JARRI DITU ORDIZIAKO UDALAK HERRIKO LAU GUNETAN PROBA PILOTU MODURA
'Urban Dog Nature' sistema berriarekin, hormak eta hiri-altzariak zikintzea saihesteaz gain, parkeak eta lorategiak ongarritzeko konposta hobetzen da
Txakurren pixak hormetan eta hiri-altzarietan sortzen dituen zikinguneak eta usain txarra saihesteko, pixa biltzeko sistema berri bat jarri du Ordiziako Udalak herriko lau gunetan. 'Urban Dog Nature' izeneko egitura horien bidez, txakurren behar fisiologikoak asebetetzeaz gain, herriko parke eta lorategiak ongarritzeko konposta hobetu egiten da txakurren pixak dituen mantenugaiei esker. Urtebeterako proba pilotua izango da, udalari ez dio kosturik suposatuko, baina aparailuen erabilpen egokiaz eta mantentze lanez udala arduratuko da.
KOMUNIKAZIOA
Jarraitu gaitzazu sare sozialetan.
