Hondakinen alorrean eragindako aldaketarengatik gipuzkoarrei eskerrak emateko erakusketa bat da

Bioterra azokan jarritako bera da, eta Ordiziaren ondoren, beste herri batzuetara joango da

Gipuzkoako Foru Aldundiak eskerrak emango dizkie gipuzkoarrei hondakinen alorrean lurraldean eragindako aldaketarengatik, eta horretarako erakusketa jarriko du hainbat herritan. Erakusketa hartuko duen lehendabiziko udalerria Ordizia izango da: herriko plazan egongo da bihar, 10:00etatik 20:30era. Ondoren, uztailean, abuztuan eta irailean, Gipuzkoako hainbat herritara eramango du Foru Aldundiak.

Merkatari, ostalari eta herritarrek hainbat ekarpen egin dituzte gaiari buruz hitz egiteko egindako bileretan

Ordiziako Udalak Alde Zaharrera sartzeko kontrol sistema berri bat landuko du. Orain arteko sarbide sistema aldatzeko proposamenaren berri emateko hiru bilera egin zituen udalak astelehenean (herritarrekin goizez eta arratsaldez, eta beste bat merkatari eta ostalariekin), eta horiek hainbat ekarpen egin zizkieten udalak aurkeztutako asmoari. Hartara, udalak aintzat hartuko ditu jasotako ekarpenak, eta gune historikora sartzeko kontrol sistemarako proposamen berri bat landuko du. Ehundik gora lagunek parte hartu zuten astelehenean egindako hiru bileretan.

Datorren astelehenean, hilak 23, izango da bilera, eta bi deialdi izango ditu; lehena 11:00etan eta 18:30ean bigarrena

Ordiziako Udalak Alde Zaharrera sartzeko kontrol sistema aldatuko du aurki, eta hori dela eta, gune historikoan bizi diren herritarrei bilera baterako deia egiten die. Bilera datorren astelehenean, hilak 23, izango da udaletxeko batzar aretoan, eta bi deialdi izango ditu: lehena goizez, 11:00etan, eta bigarrena arratsaldez, 18:30ean.

Udalak zaborrontzi selektiboen 12 puntu jarriko ditu datorren astean parkean

Uda iristear den honetan, eguraldi onarekin eta parkeko tabernaren irekierarekin, geroz eta gehiago dira Oianguko parkera hurbiltzen diren herritarrak. Honi, Aranzadiren lankidetza hitzarmenaren barnean antolatutako ekintzek izandako arrakasta gaineratuz, parkeaz gozatzeko aukera zabala da.

Udalak parkeko zerbitzuak hobetze aldera , zelaiaren mantenu lanak areagotu egin ditu uda parterako. Eremua berdindu eta txukunduta, hondakinak egoki biltzeko neurriak hartuko ditu orain. Zaborrontzi selektiboak izango dira Oiangun datorren astetik aurrera eta ingurua txukun mantendu dezaten dei egiten die Udalak herritarrei.