Planaren ardatz nagusiak ezagutzera eman eta herritarren iritziak jasotzeko erakusketa bat zabaldu du udalak Barrenako ezkaratzean

Ordiziako Udaleko Garapen Iraunkor eta Mugikortasun sailak urte hasieratik hona landu duen Mugikortasun Iraunkorrerako I. Plana esku artean du dagoeneko. Lau helburu orokor jasotzen ditu planak, eta baita datozen urteetan Ordizian egin daitezkeen hamahiru ekintza ere. Plana ezagutzera eman eta herritarren iritziak jasotze aldera, gaurtik azaroaren 11ra bitartean Barrenan ikusgai egongo den erakusketa bat ere prestatu du udalak.

Bildutako organiko kopurua hirukoiztu egin da,eta aldiz, errefusa, lau aldiz gutxiago sortu da.

Sasieta Mankomunitateak datozen egunetan emango du ezagutzera hondakin bilketaren sistemaren aldaketak Goierriko hainbat herritan izan dituen ondorioen azterketa zehatza. Ordiziari dagokionez, %36tik %75era igo da gaikako bilketa sistema aldatu zenetik (uztailaren 12) abuztuaren bukaerara bitarte. Ordiziako Udal Gobernu Taldeak herritarrak zoriondu nahi ditu hondakinen kudeaketan erakutsi duten ardurarengatik.

Ostegun honetan, hilak 10, arratsaldeko 19etan Barrenan.

Auzokonposta edo autokonposta materia organikoa bildu eta tratatzeko modu bat da. Era honetan, zenbait gunetan konpostadora txikiak jartzen dira, giltzapetuta eta zenbait bizilagunen konpromisoarekin. Horren parte izatera gonbidatu nahi zaitugu.

Organikoa biltzeko erabiltzen diren poltsa konpostagarriak jaso ahal izateko txartelak laster iritsiko zaizkie erabiltzaile guztiei

Ordiziako atez ateko informazio bulegoan ordutegi berria du. Uda pasatu ondoren, egunero dago zabalik bulegoa, 11:30etik 13:30era. Asteazkenetan, azoka eguna izanda, ordutegia 09:30etik 13:30ak arte, eta 17:00etatik 19:00etara da. Asteburu eta jaiegunetan itxita egoten da.

Garbiguneko ordutegia, berriz, astelehenetik ostiralera 09:00etatik 12:30era eta 15:30etik 18:30era da. Larunbatetan goizeko ordutegiaz bakarrik zabaltzen da.