70 ekitaldik baino gehiagok osatzen duten Goierriko Korrika

Martxoaren 14an Andoaindik abiatuko da korrika 18, egun horretan bertan igaroko da Goierritik, eta martxoaren 24an Baionan bukatuko da. Edizio honek euskararen ikaskuntzan eta erabileran oinarritutako elkarbizitza du helburu eta horregatik, Eman euskara elkarri mezua zabaldu nahi du lau haizeetara. Horren harira, Korrika 18k eta AEK-k egun euskalduntzen eta alfabetatzen ari diren ikasle guztiak omendu nahi dituzte; beren ahaleginarekin euskaraz bizi ahal izatea ahalbidetzen eta, beraz, elkarbizitzarako aukerak sortzen ari direlako.

Txotx erraldoia euskara ikasten ari direnak omentzeko

Korrikak eta AEK-k euskalduntzen eta alfabetatzen ari diren milaka eta milaka pertsonak omendu eta protagonista bilakatu nahi ditu euskararen aldeko lasterketa erraldoiaren 18. edizioan. Hori dela eta, hilaren 26an, txotx erraldoia antolatu dute Usurbilen.

Edizio honetan euskararen aldeko lasterketa erraldoiak zabaldu nahi duen mezuan, euskara euskal herritarron elkarbizitzarako gakoa dela, elkarrekin bizitzeko, elkarri hitz egiteko, elkarri entzuteko eta elkar ulertzeko tresna. Baina, horretarako, euskal herritarrok euskal kultura ezagutzea eta euskara jakitea ezinbestekoa da.

Udalako Euskara Zerbitzuak. Arrasateko Txatxilipurdi Haur eta Gazte Ekintzak elkarteen gidaritzapean, Euskara Biziberritzeko Plan Nagusiaren baitan dauden 2 jolas tailer antolatu ditu Gaztelekuan. Atzo ospatu zen lehen jarduna, eta gaurkoa izango da bigarrena eta azkena. Lehen hezkuntzako 1.,2.,3. eta 4. mailetako ikasleei daude zuzenduak

Helburu nagusiak jolastea eta birziklapena dira. Horien bidez, haurrek ohiko materialak beste modu batera ikusteko aukera dute gainera. Atzokoa jolas kooperatiboen tailerra izan zen, 17etatik 19era. Bertan zeuden bi arduradunek elkarrekin aritzeko, taldean egin beharreko jolasak planteatu zizkieten.Beraz, ez zen galtzailerik edo irabazlerik egon. Lehen hezkuntzako 1. eta 2. mailako 10 bat umek hartu zuten parte.

Joan zen asteko larunbatean, azaroaren 29an, aste honetako ostiralera arte iraungo duen euskararen hastea hasi zen.Aste honen baitan, Euskararen Nazioarteko eguna ere bada; abenduaren 3an hain zuzen ere. Horiek ospatzeko helburuarekin ekitaldi desberdinak antolatu dira.

Euskararen egunean Urdaneta eta Jakintza eskolek eta Oianguren institutuak ikasleei zuzendutako ekintzak egingo dituzte; jolasak, abestiak, bertsoak...Gaztain jana, jolasak, euskara eskolako ikasleak euskaraz jolastu ekitaldia eta Julian Iantziren hitzaldia eskainiko zaie herritarrei besteak beste. Gainerako egunetan zinema euskaraz eta Erromeria ikusteko aukera egongo da. Baita Plaza Nagusian euskararen aldeko mezua idaztekoa ere.

Udalak bere aldetik, udaletxeko balkoian Euskaraz bizi nahi dut bandera jarri. Bide batez, herritarrei deialdi horrekin bat egitera animatuz. Ikurra eskatu nahi izanez gero, www.euskarazbizinahidut.org webgunera sartzearekin edo 943591200 telefono zenbakira deitzearekin nahikoa da. Hala ere, eskaera udalean bertan egitea posiblea da.

Ekitaldien informazio zehatza