Iazko urte amaieran hasi zuen Ordiziako Udalak herriko parke sarearen inguruko parte hartze prozesua. Parke Biziak proiektua Ordiziako parke-sarea modu parte-hartzailean lantzeko eta hobetzeko proiektua da. Lehenengo fasea otsailean itxi dugu, eta gauzatu ditugun ekintza parte-hartzaileetatik sarea egituratuko duten gidalerroak eratorri ditugu.

Orain, gidalerro horietatik abiatuta, parke-sarearen izaera konkretua zehaztu nahi dugu: zeintzuk izango dira jolaserako gune nagusiak? Zeintzuk txoko lasaiak? Ze elementu natural berezi hartu behar dugu kontuan?

Horretarako, herriko auzo ezberdinetako pertsonekin saio parte-hartzaile bat antolatu dugu eta ekarpenak egitera gonbidatu nahi zaitugu. Auzo bakoitzeko 2 auzokide edo ordezkari izatea gustatuko litzaiguke. Herriaren ikuspegi globala aintzat hartuz, parke bakoitzaren izaera zehaztuko dugu, eta guneen arteko ezberdintasunetan eta osagarritasunean sakonduko dugu.

Saioaren inguruko zehaztapenak:

• Data eta ordutegia: martxoak 24, asteazkena, 18:00etatik 19:30etara
• Lekua: Udaletxeko Pleno Aretoa
• Parte-hartzaile kopurua: gehienez 22 pertsona

Izena emateko idatzi ezazu email bat zure izen abizenak eta auzoa adieraziz hurrengo helbidera: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Ordiziako KZguneak jakitera eman du martxoko  planifikazioen eskaintza.

Ikastaroetan izena eman nahi dutenek aukera ezberdinak dituzte:

• KZgunera joan. Une honetan, KZgunera aldez aurretik hitzordua eskatuta bakarrik joan daiteke, zentroko telefonora deituta (943 023 679).
• Telefonoz deitu (943 023 679). Ikastaroan izena telefono bidez emateko KZguneko erabiltzaile izatea derrigorrezkoa da.
• Gure web orrian (www.kzgunea.eus) izena ematea. Ikastaroan izena emateko erabiltzaile izatea derrigorrezkoa da. KZgunean edo ikastaroetan izena emateko laguntza behar dutenek ondoko bideotutorialak kontsulta ditzakete, esteken gainean klik eginez:
  • KZgunean izena eman (KZguneko erabiltzaile egitea)
  • Formakuntza batetan webgunearen bidez izena eman

Ordiziako  KZgunea (Santa Maria kalea, 4. Sarrera Juan Amezketatik), astelehenetik ostiralera irekia, 9:00etatik 13:00etara eta 16:00etatik 20:00etara.

Informazio gehiagorako, gure ikastaroen katalogoa kontsulta dezakezu estekan klik eginez:https://www.kzgunea.eus/eu/ikastaroak

Kimetz, Emakumeen elkarteak, abian jarri du XXVII. Kontaketa lehiaketa. Apirilaren 18a izango da lanak aurkezteko azken epea, eta pertsonako kontakizun bakarra onartuko da. Lanak Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera bidali behar dira mezu bidez, eta bigarren mezu batean azaldu beharko dira gaiaren izenburua, leloa eta parte hartzailearen datuak.

Gauzak horrela, 18 urtetik gorako edonork parte har dezake. Lanak, derrigorrez, lehenengo aldiz aurkeztuak izango dira eta beste inon saritu gabeak. Saririk jasotzen ez duten lanak ez dira itzuliko.

Gaia librea izango da; gutxienez 5 eta gehienez 10 orrikoak izango direlarik, euskeraz nahiz gaztelaniaz, lanen aurkezpena mekanografiatua izango da, espazio bikoitzean eta orriak alde batetik idatzirik. Gainera, sexismorik gabe hizkera erabiltzea kontutan edukiko da.

Sarituek sariak emateko ekitaldira joan beharko dute, behar bezala eragozpenik ez badago agertuta. Osasun-egoerak aurten aurrez aurreko ekitaldia egitea eragozten badu, modu birtualean aldarrikatuko dira irabazleak. Epaimahaia literatur munduko adituek osatuko dute eta beren izenak erabakiarekin batera ezagutaraziko dira. Erabaki hori 2021ko maiatzaren eta ekainaren bitartean emango dira.

Bi sari banatuko dira, bat gaztelerazkoarentzat eta bestea euskarazkoarentzat, bakoitza 600€koa. Horrekin batera, saritutako bi lanen artetik, bat ez bada gutxienez emakumeren batena, accesit bat banatuko da emakumeren batek idatzitako kontakizun onenarentzako, 200 €koa.

Sari berezi bat banatuko da: ordiziar batek idatzitako kontaketarik hoberenari 150 euro bideratuko zaizkio. Ez dira berriro sarituko lehenago irabazle izandakoak, saria eskuratu dutenetik hiru urteko epean. Kimetz kontaketa lehiaketara aurkezteak, oinarri hauek osoki onartzen direla esan nahi du eta beraien interpretazioa, epaimahaiaren irizpideen baitan geratzen da.

Ordiziako Udalak Tipi kooperatibarekin abiatutako parke sarearen inguruko parte hartze prozesuak aurrera darrai. Atal honetan, online inkesta jarri da martxan. Hemen duzue linka:

https://tipi4.typeform.com/to/Hms3vHBv

Galdetegi edo inkesta hau Parke biziak prozesuaren parte da, helburu duena Ordiziako parke sarea modu parte-hartzailean lantzea eta hobetzea. “Galdera-sorta honen bitartez ordiziarrok parkeak nola erabiltzen ditugun jakin nahi dugu, eta herriko parkeen indargune eta ahulguneak identifikatu”, azaldu dute Tipi kooperatibako kideek. 5-10 minutu beharko dira galdetegi osoari erantzuteko eta galderaren bat erantzun nahi ez bada, erantzun gabe utz daiteke. Ordiziar guztiek eman dezakete haien iritzia. Adur Ezenarro alkateak horixe nabarmendu du: “Ordiziako parkeen sarea modu parte hartzaile batean definituko dugu, Ordiziarren iritzia kontuan izatea ezinbestekoa da guretzako; ordiziar guztiena. Azken finean, erabilera anitzeko guneak ditugu gure parkeak”.

Bestalde, Ordiziako eskoletako haurrek ere parte hartuko dute, galdetegi bidez haien iritzia ere jasoz. Eskoletatik bideratuko da hau.

Prozesuaren erdian

Parte hartze prozesu honek hiru fase izango ditu guztira. Lehenengoa diagnostikoa izango da. Bigarrena, parke sarearen izaeraren definizioa, eta hirugarrena eta azkena, parkeen diseinurako irizpideak zehaztu eta garatzea.