Gogoratu, gune urdineko aparkatzeko denbora muga indarrean dagoela bigarren fasean sartu ginenetik.

Ordutegia: 09:00-13:00 eta 16:00-20:00 da. Hala ere, denbora aldetik, 3 gune ezberdin daude: 15minutuko bi aparkaleku Urdaneta kalean, 30 minutuko 8 aparkaleku Joseba Rezolan, eta gainontzeko guztiak 60 minutukoak dira.

Aralar, mundua leku den lurra dokumentala liburu bihurtu dute. Aralar parke naturalari buruz 2018. urtean ekoitzitako dokumentalean oinarrituta dago. Argazkiak Iban Toledorenak dira, eta hitzak Idurre Eskisabel eta Lorea Agirrerenak. Landarlan Ingurumen elkartea izan da sustatzailea eta Ordiziako Udalak ere babestu duen proiektua da. 

Hemen duzue dokumentalaren trailerra eta liburuaren inguruko xehetasunak

Nahiz eta alarma egoerak indarrean jarraitzen duen maiatzaren 22ko 537/2020 Errege Dekretuak epeak berriro abiaraztea arautzen du. Gauzak horrela, Ordiziako Udalak ahalkoa jakinarazten die herritarrei:

1)     2020ko ekainaren 1etik aurrera berriz hasi da administrazio epeen zenbaketa. Beraz, alarma egoera deklaratu aurretik epea irekita zuten ekintzetan kontatzeko falta zen epea ekainak 1etik kontatu behar da.

2)    Bada salbuespenik; izan ere, zerotik kontatzen hasiko dira hurrengo epeak:  administrazio bidean errekurtsoak jartzeko epeak edo legeetan aurreikusitakoaren arabera horiek ordezten dituzten aurkatze, erreklamazio, adiskidetze, bitartekotza eta arbitraje prozedura abiarazteko epeak,  interesdunarentzat ondorio kaltegarriak dituzten prozeduretan edo karga suposatuko diotenetan. Kasu horietan beraz zerotik hasiko gara, nahiz eta alarma deklaratu aurretik eperik zenbatu.

3)     Eskubide eta akzioen preskripzio eta iraungitze epeak 2020ko ekainaren 4tik aurrera hasiko dira zenbatzen. 

4)   Eraikinetan esku hartzeko obrekin lotutako ekintzak maiatzaren 25etik baimentzen dira, betiere higiene neurri egokiak eta gutxieneko bi metroko distantzia bermatuta. Udala hasi da, beraz, obra txikiko lizentzien izapidetzea burutzen.

* Edozein zalantza kontsultatu Arreta Bulegoan edo Idazkaritzan.

Trakzio mekanikoko ibilgailuen zerga ordaintzeko borondatezko epea: uztailak 1

Martxoaren 30eko 0309/2020 Alkatetza Dekretuaren arabera, zenbait zerga-neurri onartu ziren Covid19 osasun-krisiaren ondorioz. Dekretu horretan ebatzi zen, besteak beste, trakzio mekanikoko ibilgailuen zergan hilabeteko epean atzeratzea ordaintzeko borondatezko epea, alarma-egoera amaitzen den egunetik zenbatzen hasita.

Maiatzaren 22ko 537/2020 Errege Dekretuaren 9. artikuluaren arabera, 2020ko ekainaren 1etik aurrerako ondorioekin, martxoaren 14ko 463/2020 Errege Dekretuaren arabera etendako administrazio-epeen zenbaketa berriro hasiko da, edo berriro abituako da, alarma-egoerak eta haren luzapenek indarrean dirauten bitartean onartutako lege-mailako arau batean hala aurreikusi bada.

Hori dela eta, borondatez ordaintzeko epea berrezarriko da, ekainaren 1etik uztailaren 1era arte, TRAKZIO MEKANIKOKO IBILGAILUEN ZERGAN. Helbideratuak dauden erreziboak uztailaren 1ean kobratuko dira.

Herritarren arreta bulegoa martxan dago, 9:00etatik 13:00etara.

Ahal bada, hala ere, tramiteak egin telefonoz edo telematikoki: 943 88 58 50 edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidean.