Barrena eta Oiangu parkea itxita egongo dira bart izandako haizeteak eragindako kalteak konpondu bitartean. Dagoeneko Udal langileak lan horiek egiten ari dira, eta bi parkeak txukundutakoan zabalduko dira berriz. Barkatu eragozpenak.

Astelehenean hasi zuen Ordiziako Udalak bono kanpaina berria. 20 euro ordainduz 30 euroko balioa duten bonoak eskuratzeko aukera izango da. “Harrera ona izaten ari da bono kanpainak, eta ordiziarrei zein beste herriko pertsonei gonbitea zabaltzen diegu kanpaina honetan parte hartzeko. 20 euro ordainduz 30 euro gastatzeko aukera izango baita”, azaldu du Maitane Alvarez, Ordiziako alkateordeak. Azaroan gastatu beharko dira bono horiek, azaroaren 2an hasi eta 30a bitartean.

Asteazkenean ordutegi berria jarri da martxan bonoak erosi ahal izateko, eta Ordizian merkataritza bulegoaren ordutegian eros daitezke: astelehenetik ostiralera 08:30-14:30. Astelehen eta asteazkenetan arratsaldez ere bai, 16:30-18:30. Pertsonako bono bat erosi ahalko da, eta beste pertsona baten NANarekin beste bat erosteko aukera ere egongo da.

92 establezimenduetan gastatzeko aukera

Kanpaina berri honetan herriko 92 establezimenduk parte hartuko dute, tartean, Parte hartzen duten saltokiei dagokienez, elikadura-dendak, merkataritza, ostalaritza eta zerbitzuen establezimenduak ere badaude.

Hala, tokiko merkataritzaren bidez erosketak azaroan egiteko aukera izango dute herritarrek, dagoeneko Gabonetako erosketetan pentsatuta edo beste behar batzuei erantzuteko eta, zalantzarik gabe, Ordiziako Udalak Ordizian merkatarien elkartearekin lankidetzan abian jarriko duen bonu-kanpainaren edizio berri honetan islatuko den kalitatezko eskaintza zabalaren bidez premia horiei erantzuna eman ahal izango die.

Urriak 26an, urriko osoko bilkura egingo da Udaletxeko batzar aretoan, 18:00.

1.- 2023ko irailaren 28an egindako ohiko udalbatzarraren akta zirriborroa onartzea.

2.- 2023ko urriaren 9an udalbatzarraren aparteko eta presazko bileraren akta zirriborroa onartzea.

3. Ordiziako udaleko iruzurraren aurkako batzordeko kideen izendapena (2022SORD0008).

4.- Ordiziako udaleko iruzur planaren aldaketak alkatetza dekretu bidez onartzea (2022SORD0008)

5.- Kreditu transferentziaren proposamena (2023ITRC0008)

6.- Kreditu gehigarriaren proposamena (2023ICAD0002)

7.- 2023. ekitaldian enplegatu publikoen soldataren %0,5eko igoera onartzeko proposamena. (2023LBNO0022)

8.- Diru-laguntza plan estrategikoaren aldaketa (2023SORD0005)

9-. Ordiziako Udaleko Eskola Kontseiluaren Erregelamenduari hasierako onarpena ematea (2023SORD0004)

10.- Irailean zehar Alkateak sinatutako ebazpenen berri ematea.

11.- Udalei euskara hutsez aritzeko aukera ezetsiz Espainiako Auzitegi Konstituzionalak Euskadiko Udal Legearen (apirilaren 7ko 2/2016 Legea: ETEL), aurka EH-BILDU ORDIZIA eta EAJ/PNVk aurkeztutako mozioa.

12.- Haur eskolaren udal zerbitzuagatiko tasa arautzen duen ordenantzako akats zuzenketa (2023SORF0003)

13.- Galde-erreguak

Datorren asteazkenean, urriak 25,  XXXVI. ‘Ordizia Txapeldun’ gazta lehiaketa ospatuko da asteazkeneroko azokaren altzoan.  Lehiaketa Ordiziako Plaza Nagusian ospatuko da goizeko 10.30etatik aurrera.

Bertan, Euskal Jaietako Ardi Latxaren esnearekin egindako gazta lehiaketaren azken hamar urteetako (2014tik 2023ra) irabazleak lehiatuko dira haien artean. Ekitaldia Ordiziako Udalak antolatzen du Idiazabal Gaztaren kofradiaren lankidetzarekin, Idiazabal Jatorri Izendapenaren laguntzaz.

Honako gaztagileak arituko dira lehian asteazkenean:

2014.- Karmele Murua “Ondarre “(Segura)

2015.- Jon Etxebarria “Ipiñaburu” (Zeanuri) 2016.- Joseba Insausti “Otatza” (Ordizia) 2017.- Jose Luis Odriozola “Agerre-Buru” (Aia)

2018.- Julen Arburua “Kortaria” (Lekaroz) 2019.- Julen Arburua “Kortaria” (Lekaroz)

2020.- Patxi López de Uralde “Larreako Gazta” (Larrea)

2021.- Eneko Goiburu “Ondarre” (Segura)

2022.- Eli Gorrotxategi “La Leze” (Illarduia)

2023.- Eneko Goiburu “Ondarre” (Segura)

Hiru gazta hoberenak diru-saria jasoko dute: 300 euro irabazleak, 200 bigarrenak eta 100 hirugarrenak. Hamarretik zazpiko puntuazioa gainditzen badute, urrezko, zilarrezko eta brontzezko dominak eskuratzeko aukera izango dute. Lehenengoak, Urrezko Gazta irabaziko luke zortzi puntu eta erdi baino gehiago lortuz gero.

Luxuzko epaimahaia dugu oraingo honetan ere, ondorengo lagunek osatuko dutena:  Iñaki Arrieta (Rekondo jatetxea, Donostia),  Vera María Arrieta (Jakitea Elkartea),  Paloma Enríquez (Cebanc ostalaritza eskola, Donostia), Victoria Urresti eta Patxi Pérez Elortondo (Idiazabal Jatorri Izendapeneko teknikariak) eta Eli Belaunzaran (El Diario Vasco) eta Aitzol Zugasti (AZ Gastronomia) kazetariak.