Ostegun honetan, hilak 19, abenduko osoko bilkura egingo du Ordiziako udalbatzak. Hau da gai ordena:

1.- 2024ko azaroak 28ko udalbatzarrak egindako batzarraren akta zirriborroa onartzea (2024IOSB0013)

2.- Iruzurraren aurkako batzordearen izendapen berriak eta Iruzurraren Aurkako Planaren aldaketaren berri ematea (2022SORD0008 espedientea, 2024/1867 Alkatetza Dekretua)

3.- Tokiko Gobernu Batzordeko kideen ordezkarien izendapenaren berri ematea (2024AAAF0005 espedientea, 2024/1813.Alkatearen Dekretua)

4.- 2022-2050 Epealdiari dagokion Klimaren eta Energia Iraunkorraren Aldeko Ordiziako Planaren onarpena (2024IPLA0003)

5.- Gipuzkoako Foru Aldundiak eta Ordiziako Udalak Etxeko Laguntza Zerbitzua finantzatzeko hitzarmenaren luzapena. (2022SHIO001)

6.- Kreditu Gehigarriaren kontu ematea (2024ICAD0008)

7.- Kontu-hartzailearen ingerak. (2024KERR0026,27,28 eta 29)

8.- Alkatetzako azaroko dekretuen berri ematea (B24/1645-B24/1811)

9.- Galde-erreguak.

Gipuzkoako XXV. Odolki Lehiaketa jokatu da gaur Ordizian, asteazkeneroko azokarekin batera. Gipuzkoako Merkatarien Federazioko Harakin elkarteak eta Ordiziako Udalak elkarlanean antolatutako lehiaketa da. Guztira 13 harakin aurkeztu dira, eta aurreneko seiak izan dira sarituak. Sari nagusia, Beasaingo Olano harategiak irabazi du; lehendik ere, Ordizian hainbatetan irabazitakoak dira.

Hauek izan dira XXV. edizio honetako saridunak:

1.- Saria: Olano harategia (Beasain) 191 p.
2.- Saria: Javier Iraola (Asteasu) 185,5 p.
3.- Saria: Mujika Odolkiak (Ordizia) 153 p.
4.- Saria: Beasainmendiko Odolkia 151,5 p.
5.- Saria: Kepa Loidi (Orio) 141,5 p.
6.- Saria: Txarri Txiki (Aia) 141 p.

Epaimahaia sukaldariek, gastronomia arloko izen ezagunek eta kazetariek osatu dute. Aurten, bertan izan dira Eneko Azurmendi (Lazkaoetxe Jatetxea, Zaldibia), Iker Markinez (Kaxola, Beasain), Iker Zabaleta (Aratz Jatetxea, Donostia- JAKITEA), Arantxa Arrizabalaga (Kattalin Erretegia, Beasain) eta Aizpea Oihaneder (Mahaia kolektiboa) sukaldariak, Juanma Garmendia (FECOGA); Tere Madinabeitia (Goierriko Hitza) eta Eli Belauntzaran (Diario Vasco) kazetariak eta Paloma Enríquez (CEBANC ostalaritza eskolako zuzendaria).

Odolkia dastatzerakoan, azken batean, txiki-txiki eginda doazen osagaien artean oreka behar du: osagaien tamaina, zenbat gantz, tipula edo odol nahasketa duen. Barazkiek berdin samar txikituta egon behar dute.

Lehiaketa honen bitartez, betiko produktu honen kontsumoa bultzatu eta zabaldu nahi da. Halaber, kontsumitzaileari aukeran zer nolako produktua duen erreferentzia argi bat eman nahi zaio, baita gipuzkoar odolkiaren kalitatea zein den jakiteko parametro zehatzak eskaini ere.

Lehiaketa egiten zen bitartean, Ordiziako Jakintza Ikastetxeko ikasleak odolki pintxoak saldu dituzte; lortutako diru sarrerak ikasleek aukeratutako helburu batera bideratuko dira.

Ostegun honetan, hilak 28, azaroko osoko bilkura egingo du Ordiziako udalbatzak. Hau da gai ordena:

1.- 2024ko urriak 30ean udalbatzarrak egindako batzarraren akta zirriborroa onartzea.
1.1.- BIZITZA elkarteak sinatutako mozioa, ORDIZIA ORAIN/ELKARREKIN PODEMOS aurkeztutakoa, “Gerrateen Inguruan
Herritarren eta Bizitzaren Kulturaren aldekoa”. Bozketa errepikapena.

2.- 2023 ekitaldiko Ordiziako Udaleko Kontu Orokorra onartzea (2024KKON0001).

3.- Arduraldi esklusiboko kargua beteko duen zinegotzia berrestea.
(2024AAAF0002).

4.- Ordiziako Adikzioen III.planaren onarpena. (2024IPLA0006).

5.- Urriko Alkatetzako dekretuen berri ematea. 4/1180-B24/1647).

6.-ORDIZIA ORAIN-ELKARREKIN PODEMOSek aurkeztutako mozioa,
gertakari arrazistak eta xenofoboak prebenitzeko eta horiei behar bezala erantzuteko jarduera-protokolo bat sortzeko eskatuz.

7.- Galde-erreguak.

Goiekiko Enpresa Ekimen Berrien Lehiaketak sari banaketa ekitaldia egin du gaur, Goiekiko auditorioan, Ordizian. Lehiaketak 27. edizioa bete du aurten eta bertan, lehiaketako saridunekin batera, udaletako ordezkariak, enpresa babesleak, Goierri Eskolako ikasleak eta eskualdeko beste hainbat eragile elkartu dira. 

Adur Ezenarrok, Goiekiko presidenteak, ireki du ekitaldia eta jarraian, Maialen Sanchezek, Goiekiko Ekintzailetza arloko arduradunak, hitza eman eta gero, HINEko Mikel Arrizabalaga eta Manu Egañak hitzaldi bat eskaini dute, Hineren 50. urtemuga dela eta.

Hitzaldien ostean, Enpresa Ekimen Berrien XXVII. Sariketari ekin zaio. Hiru maila edo kategoriatan banatzen da sariketa, eta hauek izan dira maila bakoitzeko irabazleak:

• ENPRESA EKIMEN BERRIKO PROIEKTU ONENA:
  • Saria, 6.000€, ALAINE ALBISU -rentzat izan da.
• ENPRESAN BURUTURIKO PROIEKTU BERRITZAILE ONENA:
  • Saria, 2.000€, CALDERERÍA AITZGORRI  enpresarentzat izan da.
• EKINTZAILETZAREN BITARTEZ GIZARTE INKLUSIO PROIEKTU ONENA:
  • Saria, 2.000€, CVS Instalazio Elektrikoak -rentzat izan da.

Enpresa Ekimen Berriko proiektu onenaren saria ALAINE ALBISUrentzat izan da. Proiektu honen atzean dagoen pertsona, Alaine Albisu, 20 urteko ekintzaile bat da pasioz eta esfortzuz lan egiteko gogoarekin. Gure eskualdean ohikoa ez den sektore batengatik apustua egin duena eta tradizioa, teknologia, ingurumena eta digitalizazioa txertatu dituena. Diseinatzaile gisa, tokiko baliabideei balioa ematea da bere egitekoa, Merino eta Latxa artileari, esaterako, moda jasangarria sortzeko. Poltsak egitetik kardiganak egiteraino. Bere balio garrantzitsuenak diseinu esklusiboa, material berritzaileak, pertsonalizazioa eta trazabilitatea dira.

Bigarren kategoriako saria, Enpresan buruturiko proiektu berritzaile onena, CALDERERÍA AITZGORRI enpresarentzat izan da. Enpresak jarraikortasunaren ondorioz seme-alabaren eskuetara pasa zen kudeaketa eta orduz geroztik, eraldaketa prozesu batean murgildu da; datuen gobernantzatik abiatuta digitalizazio prozesu garrantzitsu bat garatu dute, inbertsio garrantzitsuak egin dituzte soldadurako robot espezializatu bat eskuratzeko eta lan errepikakorrak egiteko, honek efizientzian, kalitatean eta balio proposamen handiago bat eskainiz, eta guzti honen eskutik dibertsifikazioa garatu dute bai eskaintzen dituzten zerbitzuen artean, bai merkatuetan.

Hirugarren kategoriako saria, CVS Instalazio Elektrikoak proiektuarentzat izan da, Valentín Cristi Saracu-k sortutakoa. Bere ibilbide pertsonalean izandako zailtasunez gain, martxan jarri duen proiektuak bere laneratzea eta integrazioa lagundu du. Gremioen sektorean identifikatutako profesional-gabeziak motibatu du Valentin proiektua sortzera, baita negozioen jarraitutasunik ezak ere. Valentinek ofizioa ikastea erabaki du, bere burua trebatuz eta profesionaltasun ziurtagiri bat osatuz. Ikasitako guztiarekin eta egindako lan praktikekin pozik, bere kabuz jarri eta bere lanpostua sortzea erabaki du. Eskualdean enplegua eta aberastasuna sortzeko ilusioa du.

Goierri Eskolako Administrazio eta Finantzatako Goi Mailako Zikloan kultura ekintzailea sustatzeko asmoz. 2023-2024 ikasturte honetan ikasleak eta enpresak harremanetan jarri ditugu beste behin, enpresak planteatu duten behar zehatz baten inguruan bideragarritasun plan bat lantzeko asmoz. Guztira 5 proiektu landu dira, beraz, azken kategoria honek ekintzailetza proiektu garapen onena sarituko du, kasu honetan saria HUB 4.0  landu duen taldearentzat izan da. Proiektuaren helburu nagusia 4.0 teknologiaz osatutako gune bat diseinatzea izan da, ETEen garapen teknologikoa sustatzeko. Makina batzuk gaur egun existitzen dira, baina fabrikazio gehigarrira bideratuta daude soilik. Helburua espazio handiago eta osatuago bat sortzea izan da, non, fabrikazio gehigarriaz gain, beste 4.0 teknologia batzuk ikusi eta probatu ahal izango diren. Enpresa txiki eta ertainei garapen teknologikoan lagundu nahi zaie, eta, horretarako, teknologia berriak deskubritzeko espazio oso bat eraiki nahi izan da, inbertsioak egin aurretik makinak probatu ahal izateko. Beraz, proiektuaren muin nagusia etorkizunean egin beharreko teknologia berrien azterketa izan da.