Goierriko Azoka proiektua garatu eta hobetzeko zure ekarpena ezinbestekoa da. Proiektua ezagutu edo ez, dei egiten dizuegu galdetegi labur honetan parte hartzeko. Zuen errealitatea eta kontsumoa ohiturak ezagutu nahi dira. Inkesta laburra da, animatu!
Hemen duzue inkesta: https://forms.gle/qvfvWB8ZRarC75Ac6

Ostegun honetan, urtarrilak 26, Osoko Bilkura egingo da Pleno aretoan, 18:00etan. 

Gai ordena:

1.- 2022ko abenduaren 22ko udalbatzarrak egindako batzarraren akta zirriborroa onartzea.

2.- HJE "15 – Txindoki Poligonoa”, eremuari dagokion Ordiziako Arau Subsidiarioen aldaketa puntualaren behin betiko onarpena. 

3.- Kontratazio Mahai Iraunkorreko kideen aldaketa.

4.- Kobratu ezin diren espedienteen baja eta preskripzio kontu ematea.

5.- Kontu-hartzailearen ingerak eta ordaintzeko dagozkien ebazpenak.

6.- Abenduan zehar Alkatetzak sinatutako dekretuen berri ematea.

7.- PSE-EE (PSOE)k aurkeztutako mozioa Udal honetan Euskal Enplegu Publikoaren Legearen aplikazioa diseinatu eta garatzea eskatuaz.

8.- Galde-erreguak.

Ordiziako Udalak, bertako merkataritza, ostalaritza eta zerbitzu enpresei laguntzeko asmoz iazko urte amaieran bono kanpaina berria aurkeztu zuen; 30 euro ordainduz, 50 eurokoa gastua egiteko aukera eskainiz.

Kasu honetan, 50 euroko 1.500 bono jarri ziren salgai eta egun t´erdian amaitu ziren guztiak. Bono horiek abenduaren 31a arte erabiltzeko aukera jarri zen, herriko 74 establezimendutan. Bono hauen bitartez egindako erosketetan lortutako fakturazio 144.298,76€ izan da eta erabilitako 50 euroko bono bakoitzarekin egindako bataz besteko gastua 96,20 eurokoa izan da.

“Bono kanpainak izugarrizko harrera ona izan dute. Ordizia bizia nahi dugu, komertzio eta sektore indartsuekin eta horretan lan izugarria egiten dute gure herriko denda eta establezimenduek. Baina noski, herritarron apustua ere  bertan erostea izatea garrantzizkoa da. Herrian komertzio aukera zabala dugu eta hori oso pozgarria da bai ordiziarrontzat baita ere beste herrietatik etortzen diren pertsonentzat ere”, azaldu du Maitane Alvarez, Ordiziako Udaleko alkateordeak. “Ez genuen espero horren azkar salduko zirenik bono guztiak baina jendea zai zegoen eta segituan agortu ziren. Eguberrietako erosketak egiteko oso baliagarriak izan dira askorentzat bono hauek”.

Azken txanda honetan bonoak erosi zituzten bezeroen %57,93 emakumezkoak eta %42,07 gizonezkoak izan ziren, eta adinari dagokionez 50 eta 70 urte bitarteko bezeroak erosi zituzten bono gehien. “Eskualdeko eta beste herri desberdinetatik gerturatutako herritarrak bonuak erosteko aukera izan bazuten ere, bonu kopuru handiena eskuratu zutenak Ordiziarrak izan ziren, %87,5a”, gehitu du Alvarezek. Beste herrietako bezeroen artean Beasain, Zaldibia, Itsasondo eta Lazkaoko bezeroak izan dira (orden horretan) bonuak gehien erabili dituztenak.

Establezimendu guztietan erabiliak

Salmenta bonuen deialdira 74 establezimendu atxiki ziren, eta saltoki guztietan trukatu da bonoren bat. Parte hartu duten saltokien artean gehien jantzi denden sektorean erabili dira, ondoren ileapaindegi-estetikakoetan eta ostalaritzakoan ere bai.

Aitor Velazquez, Ordizian merkatari elkarteko teknikaria: “Iazko urteko bono kanpaina guztien balorazioa oso positiboa izan da, baita azken honetakoa ere. Merkatariak gustura agertu dira eta herritarrak ere bai”. Gainera, Alvarezek nabarmendu du ebaluazioetan proposamen eta ekarpen berriak ere izan direla eta etorkizuneko bono kanpainetarako kontuan hartuko dira, hobetzeko.