Image
Image

GOAZEN ORDIZIA! OSTEGUNETIK BUELTAN DA

Lagun artean oinez ibiltzeak duen onura goraipatu nahi du Udalak

Udako atsedenaren ondoren ostegun honetatik, irailaren 13tik, martxan da berriz Goazen Ordizia! ekimena. Ibiltari eta laguntzaile gehiago izateko asmoarekin dator ikasturte berri honetan.

Informatzeko edota saioa probatzeko ostegunetan 10:15ak aldera Udaletxeko arkupera hurbiltzeko eskatzen da. Mahai bat egoten da informatu ahal izateko. Lehendik ibiltzen direnak irteera 10:30ean abiatuko dela gogoratu behar dute, kartilan zigilua jarri eta taldeak egin ondoren.

Udalak ekimen honetan parte-hartzeak duen onura zabaldu nahi du, batez ere ibilbidea egiten laguntzean. Parte hartzera animatzen da, adin mugarik gabe, paseoan ibiliz eta batez ere, lagunduz.

Ibilbideak Zuhaiztiko tabernan du amaiera, kontuan partekatu eta indarrak hartzeko salda edo zukua hartuz.

SANTANA JAIETARAKO BOTILZAR ETA TESTING PROGRAMA PREST DIRA

Urtean zehar Adikzio planaren baitan burututako ekimenen berri eman du Udalak

Hurrengo ikasturtean ‘Bizitzako trebetasunak’ tailerra jarri nahi da martxan

Menpekotasunaren Ordiziako 2016-2020 tokiko plana ardatz harturik, azken urtean hainbat proiektu eta elkarlan bultzatu da Ordiziako Udaletik. Santana jaiak hastear daude eta programan txertatu dira aurten ere Ai Laket elkartearen ekintzat eta osasun eragileekin koordinazioa. Hauen berri eman dute Iñaki Dubreuil zinegotziak, Lierni Irastorza udal teknikariak eta Ainhoa Maillok AiLaketen izenean.

Hala, uztailaren 25ean 19:00tik gauerdira arte ‘Botilzar’ programa gauzatuko da, hirugarren urtez.  Helburua jai giroetan  alkoholaren aisialdi kontsumoen arriskua murriztea da. AI Laket! elkarteak egingo du herrian zehar boteiloia egiten ari diren gazteengana gerturatuta. Gazteen artean  oso harrera ona duen ekimena da.

Egun berean, iluntzeko 23:00 hasita eta goizaldeko 02:00 arte Testing programako karpa jarriko du Ai Laketek Zuhaiztin.  Festa giroan drogen kontsumoen arriskua murriztea du helburua.  Programa honen oinarria substantzia ilegalen testa eta analisia, hala nola informazio orokor zein pertsonalizatua dira, balizko kontsumitzaileei eta drogen erabilerarekin lotutako edozein arlotan interesa duen edozein pertsonari zuzendua egonik.

Gaueko 22:00 Koordinatutako osasun harrera-sarea jarriko da martxan, DYAko boluntarioen eskutik. Zerbitzu hau Uztailak 26ko goizeko  08:00 arte egongo da Indarrean DYAk Ordizian duen egoitzan, gertatu daitekeen edozein larrialdi artatzeko. Goizeko 8:00tik aurrera egon daitekeen edozein larrialdiri  Ordiziako osasun zentroak emango dio erantzuna.

'GIPUZKOA ERAIKIZ' ORDIZIAN ERE

Zaintza zerbitzuak hobetzeko foroa elkartu da

Gipuzkoako Foru Aldundiaren  Etorkizuna Eraikiz programaren baitan Ordiziako hainbat eragile elkartu dira gaur goiz osoan zehar Udalak gonbidatuta. Etorkizuneko zerbitzuak hobetzea da helburua, batik bat zahartzaroari eta zaintzari lotuta.  Gipuzkoako bost udalerrietan ari dira foruak gauzatzen, Ordizia barne, Matia fundazioak lagunduta.

Ordizian, San Jose egoitzak, osasun zentroak, Eulen etxez etxeko zerbitzuak, Goxare eguneko zentroak, Goierri eskolako zaintza graduak, Kimetz eta Zuhaizti elkarteak eta hainbat herritarrek hartu dute parte euren ekarpenak luzatuz. Jasotako informazioa eta ondorioak pertsonen zaintza aukerak hobetzeko  kontutan hartuko dira.

ORDIZIA, ERREFERENTZIA GUNE IKUMEN MURRIZTUA DUTEN PERTSONENTZAT

Retinosis Gipuzkoa Begisare elkarteak erakusketa bisita gidatuekin eta hitzaldia antolatu ditu

Retinosis Gipuzkoa Begisarek Ordiziko Barrena Kultur-Etxean eta ekainaren 11tik 22ra arte Ikusmen Murriztua bizi ezazu erakusketa jarriko du ikusgai non egoerari buruzko informazioa ezezik ikusmen murriztuarekin ikustea ahalbidetuko da. Horretarako, partehartzaileak Tengo Baja Visión VR aplikazioa bere smartphonean deskargatu, frogatu behar duen sintoma eta bere garapen maila hautatu, mugikorra eskura izango dituzten VR betaurrekoetan sartu eta berauek jartzea besterik ez dute egin beharko. Proiektuari buruzko informazio gehiago eta VR betaurrekoen beharrik gabe mugikorraren pantallaren bitartez simulazioa ikusi nahi izanez gero Tengo Baja Visión aplikazioa deskarga dezakete. Erakusketa egongo den egunetan, arratsaldeko 17:00tik 19:00ra Begisare elkarteko kideak egongo dira bertaratzen den gendeari azalpenak emateko. Hitzaldia hilaren 19an 18:30ean Zuhaiztin izango da.

Ikusmen murriztua duen pertsona batek nola ikusten duen ulertzea zaila suerta daiteke. Ezagutza-ezagatik, ikusmen akatsak ugariak izan daitezkeelako eta ikusmen galera maila ezberdinetan adierazi daitekeelako. Elkarteak garatu dituen Tengo Baja Visión eta Tengo Baja Visión VR doako aplikazioek ikusmen murriztua duen pertsona baten lekuan jartzeko aukera ematen dute.

logo ordizia bizi herria

Image
Image
Image