EUSKAL HERRIKO ITZULIA 2014. BOLUNTARIOENTZAKO INFORMAZIOA

2014-04-03 boluntario Besteak beste, larunbatean bidegurutzeetan egoteko materiala banatuko da eta igandean plaza ingurua hesituko da

Gero eta gutxiago falta da Euskal Herriko Itzulia hasteko, eta lasterketak eskatzen duen azpiegitura prestatzen hasteko garaia iritsi da. Larunbat eguerdian bidegurutzeetan egoteko materiala banatuko da, igande arratsaldean hesitze-lanak egingo dira plaza inguruan dira eta astelehen goizean irteera- gunea muntatzeko lanak egingo dira. Lanerako borondatea azaldu dutenez gain, animatzen den edonork lagun dezake zeregin horietan.

‘ORDIZIA EGINEZ’ ALDIZKARIAREN 14. ZENBAKIA KALEAN DA

2014-04-03 aldizkaria Diseinu eta atal finkoak ditu, eta herritarren parte hartzea sustatzea du helburu

Dagoeneko kalean da 'Ordizia Eginez' udal aldizkariaren 14. zenbakia. Itxuraldatuta dator gainera, diseinu berriarekin eta atal finkoak sortuta. Herritarren parte hartzeari lotuagoa dago gainera, herritarrek galderak eta proposamenak egin baititzakete, eta baita Euskara Zerbitzuak kudeatutako lehiaketan parte hartu ere. Ale honetako gai nagusia, halabeharrez, Euskal Herriko Txirrindulari Itzulia da, eta azken orrian Izaro Rubio korrikalariari egindako elkarrizketa dakar. 'Ordizia Zabalik' ekimena eta herriko zirkulazioan egingo diren aldaketak dira beste gai nabarmenak.

GIZARTE EKINTZAILETZA SUSTATZEKO TAILERRA OSTEGUNEAN

2014-04-01 tailerra Jakintza Ikastolan izango da 16:00etatik 20:00etara, eta izen-ematea doan da

Datorren ostegunean, apirilak 3, tailer batekin abiatuko da Goierrin Ikaskidetza Sarea-Red de Coaprendizaje izeneko ekimena, Ordizian hain zuzen. Irudikatu eta Ekin. Gizarte ekintzailetza: ideiak ekintza bihurtu izeneko tailerra Jakintza Ikastolan izango da, 16:00etatik 20:00era, eta Gizarte Ekintzailetza suspertzeko gakoak landuko dira. Izen-ematea doan da, eta proiektuaren webgunearen bidez egin daiteke.

AUZOZ AUZOKO EKIMENAREN AZKEN BATZARRA HILAREN 26AN

2013-11-21 Eskarabilla auzoz auzoDatorren urtean auzoetan egingo diren inbertsioak erabakiko dira batzarrean

Ordiziako Udaleko Partaidetza sailak herriko gune ezberdinetan urrian zehar egindako zazpi bileren ondoren, datorren asteartean, hilak 26, Auzoz auzo ekimenaren azken batzar orokorra egingo da udaletxeko batzar aretoan, 18:30ean. Udalak herritarren ekarpenak eta proposamenak jaso zituen auzoka banatutako bilera erronda hartan, eta herritarrengandik jasotako eskaera horiek teknikoekin aztertu ondoren, astearteko batzar irekian erabakiko dira Ordiziako Udalak 2014. urtean zer inbertsio egingo dituen auzoetan.