Image
Image

Bihar hasiko dira asfaltatze lanak

Eguraldiak ahalbidetuta, bihar hasiko dira herriko asfaltatze lanak. Mallutz industrialdean izango dute hasiera eta bihar eta etzi egingo dira lan hauek bertan; errepidea ez da itxiko. Gainontzeko guneetako lanak noiz egingo diren eta sor ditzaketen aldaketak jakinaraziko dira.

Ikasgela berriro martxan jarriko da

Pandemia garaian itxita egon ondoren, berriz ere erabilgarri egongo da Ordiziako ikasgela. Astelehenetik ostiralera 07:00etatik 21:00etara egongo da zabalik, baita asteburuetan ere ordutegi berdinean: larunbat eta igandeetan 07:00etatik 21:00etara. Kirol taldeek lehentasuna izango dute bilerak dauden egun eta ordutegietan.

“Badakigu ikasle asko daudela herrian, eta ikasteko espazio erosoa eskaintzea dugu helburu. Horregatik, aste barruan ez ezik, asteburuan ere ikasgela irekitzea erabaki dugu”, azaldu du Maitane Alvarez alkateordeak.

Osasun neurriak betetzeko asmoz, hainbat jarraibide bete beharko dira espazio honen erabilera bermatzeko. Hala, txartel bidez irekiko da ikasgela. Hori eskuratzeko, interesa duen orok eskaera egin beharko du erregistro bidez, Arreta Bulegoan edo Udaltzaingoan. Eremuaren erabilera ona bermatzeko 10 euroko fidantza eskatuko da; aurrez txartela dutenek ere fidantza hau jarri beharko dute.

Eskaera orri horretan bakoitzak zein ordutegitan erabiliko duen ikasgela jartzeko eskatuko da, aurreikuspen bat, behintzat.

Behin ikasgelan sartuta, honakoak izango dira pausoak:

- Musukoaren erabilera derrigorrezkoa da.

- Ikasgelara sartutakoan sarbide orria bete beharko da, izen-abizenak, eguna eta sarrera ordua jarriz.

- Aireztapena beharrezkoa izango da, eta 20 minuturo leihoak zabaldu beharko dira.

- Aforo kontrola egingo da, beraz, ikasgelako karteletan adierazita dagoen aforo-muga ezingo da inoiz ere gainditu.

Eskaerak, abenduaren 14a bitartean egin daitezke Herritarren Arreta Bulegoan eta Udaltzaingoan.

Astelehenean, asfaltatze lanak

  

Astelehenean hasiko dira herrian zehar asfaltatze lanak eta bi asteko iraupena izango dute, eguraldiak ahalbidetzen duen heinean. Asfaltos Uribe enpresari esleitu zaizkio lanak, 115.711,97 euroan (BEZa barne). Honako kaleetan egingo dira lanak: Ordizia kalea, Urdaneta kalea, Joseba Rezola pasealekua, Mallutz kalea, Gipuzkoa kalea, Biona plaza, Lapurdi kalea eta Zumalakarregi etorbidea. Lehenengo Mallutzetik hasiko dira.

Urdaneta kalea itxita egongo da bihar, larunbata

Larunbat honetan, martxoak 27, Urdaneta kaleko 26. zenbakian dagoen garabia desmontatuko da. Lanak goizeko 7:00tik aurrera izango dira eta lanek irauten duten bitartean kalea moztuta egongo da. Garajeen sarrera eta irteerak, alde berdinetatik egingo dira, sarreratik.

Beasain norabideko lineako  autobus  geltoki hauek  (Tximista, Jose Arana, Ordizia kalea eta Urdaneta kalea 40) ez dira erabilgarri egongo, lanek  iraun  bitartean eta bidaiariek autobusa Otegi Eneako  eta Urdaneta kalea 78 ko geltokietan hartu beharko dute.

Bilbo norabideko PESA empresako autobusa ez da Ordizia kaleko geltokian geratuko eta bidaiariek Urdaneta kaleko 78ko geltokian hartu beharko dute autobusa. 

Edozein argibidertarako, deitu Udaltzaingora (943 80 56 16).

 

logo ordizia bizi herria

Image
Image
Image