Gaur, goizeko 12:00etan egin da Ordiziako Udaletxean azaroaren 10eko Madrilgo Diputatuen Kongresu eta Senaturako Hauteskundeetarako hauteskunde mahaiak osatzeko zozketa. Hemen duzue zerrenda: 

• P: Presidentea
• PS1: Presidentearen lehen ordezkoa
• PS2: Presidentearen bigarren ordezkoa
• V1: Lehenengo bokala
• V1S1: Lehenengo bokalaren lehen ordezkoa
• V1S2: Lehenengo bokalaren bigarren ordezkoa
• V2: Bigarren bokala
• V2S1: Bigarren bokalaren lehen ordezkoa
• V2S2: Bigarren bokalaren bigarren ordezkoa

Bihar, 12:00etan,  Idazkaritzan egingo da datorren azaroaren 10ean Madrilgo Diputatuen Kongresu eta Senaturako hauteskundeetarako hauteskunde mahaiak osatzeko zozketa publikoa, eta hautes propaganda jartzeko panelen zozketa. 

Enirio-Aralar Mankomunitateko Zuzendaritza Batzordeak erabakita, Mankomunitatearen baitan landuko diren gaien inguruan aholkurako eta eztabaidarako osatu den organo berria da Aholku Batzordea. Lehen aldiz eratu den figura da hau, eta bihar arratsaldean izango da estreinekoz bilera, Ordiziako Udaleko batzar aretoan.
Arratsaldeko 18.30ean hasiko da saioa, eta berrikuntza gisara, edonork joateko aukera du eta bertan zertaz hitz egiten den eta zer erabakitzen den ikusi.

Gai ordenari dagokionez, honakoak izango dira landuko dituzten puntuak:

• EHBilduk proposatzen duen Aralarko Larreen Antolaketa Planaren aurkezpena.
• Indarrean dagoen larre eta txabolen ordenantzan proposatzen diren aldaketak.
• Ordenantzak betetzen ez dituzten abeltzainei emandako baimenak.
• Aurtengo inbertsioen egoera eta egiteke dauden lanak (Ariñate eta Elordiko ur deposituak).
• Mankomunitateko webgunea.
• Indarrean dauden estatutuak eguneratzeko prozesua, eta bitartean, estatutu horiek ezartzen duten Batzorde iraunkorraren eraketa, legez bete beharreko gutxieneko osaketa handitzeko proposamenarekin.
• Norberak lekarkeena.

2019ko azaroaren 10ean izango dira Hauteskunde Orokorrak. Hori dela eta, honako hau jakinarazten zaie herritar guztiei, batez ere, bizilekuz aldatu dutenei (2019-06-28a aurreko aldaketak), eta 18 urte egin berri izan eta lehen aldiz botua eman behar dutenei. 

Hautesle errondan ageri diren datuei erreklamazioak egiteko epea 2019ko urriaren 7ra bitartean izango da, Herritarren Arretarako Udal Bulegoan. Ordutegia: 8:00 - 13:30