Zuberoa Kaleko bide azpiko lurpeko 1 eta 2. solairuan kokatuta dauden 8 aparkalekuren esleipenerako zozketa 2021eko urtarrilaren 21ean izango da, 15:30etan, Udaletxeko Batzar Aretoan.

Onartuak izan diren eskatzaileei zozketarako egokitu zaien zenbakia garajeen esleipenerako baldintzak eta prozedura arautzen duen Baldintza Ekonomiko-administratiboetako 5. artikuluan oinarrituta eman da; zenbakia hurrenkera alfabetikoan esleituko da, eta honek esleipendunen aukeraketarako hurrenkera zehaztuko du.

Ordiziako KZ guneak ordutegia zabaldu du, eta hainbat ikastaro jarri dituzte martxan urtarrilerako. Gogoratu, KZgunea Dorrea eraikinean dagoela kokatuta, Santa Maria kaleko laugarren zenbakian. Sarrera Juan de Amezketatik egin beharko da.

Gauzak horrela, astelehenetik ostiralera egongo da irekita, 09:00etatik 13:00etara, eta 16:00etatik 20:00etara. Ohiko moduan, aurretiazko hitzordua hartu beharko da eta uneroko segurtasun neurriak mantendu. Protokoloa honakoa izango da:

• KZgunera joan. Une honetan, KZgunera aldez aurretik hitzordua eskatuta bakarrik joan daiteke, zentroko telefonora deituta (943 023 673).
• Ikastaroetan izena telefono bidez emateko KZguneko erabiltzailea izatea derrigorrezkoa da.
• Web orrian (www.kzgunea.eus) izena ematea. Ikastaroan izena emateko erabiltzaile izatea derrigorrezkoa da. KZgunean edo ikastaroetan izena emateko laguntza behar dutenek ondoko bideotutorialak kontsulta ditzakete, esteken gainean klik eginez:
  • KZgunean izena eman (KZguneko erabiltzaile egitea)
  • Formakuntza batetan webgunearen bidez izena eman

Informazio gehiagorako, ikastaroen katalogoa kontsulta dezakezu estekan klik eginez:https://www.kzgunea.eus/eu/ikastaroak

Ordiziako Garbiguneak ordutegi berria du.

• Astelehenetik ostiralera: 9:00-13:00 eta 15:30-18:00
• Larunbatetan: 9:00-13:00

Igande eta jaiegunetan itxita egongo da.

Eskaerak urtarrilaren 31a arte aurkeztu beharko dira, Udaletxean

Ordiziako Udalak jakinarazten du, 2021eko Ordenantza Fiskalen arabera, familia ugariaren titularitatea duten subjektu pasiboentzat Ondasun Higiezinen Zergaren (OHZ) hobaria eskatzeko aukera dagoela urtero bezala, eta aurten, berrikuntza moduan, familia ugariek trakzio mekanikodun ibilgailuen zergan (TMIZ) ere hobaria eskatzeko aukera izango dute.

Bi zerga hauen hobariak urtero eskatu behar dira, eta horretarako azkeneko epea urtarrilaren 31a izango da. Udaletxean egin beharko da eskaera, arreta bulegoan.

1.- ONDASUN HIGIEZINEN ZERGA

Kuota osoan ondorengo hobari-eskala ezarri da, diru-sarreran eta seme-alaba kopuruaren arabera.

Baldintzak:

-Ohiko etxebizitza izatea etafamiliako kide guztiak bertan erroldatuta egotea, 130.000 euroko gehienezko katastro-balioraino.

Aurkeztu beharreko agiriak:

- Indarrean den Familia Ugariaren Tituluaren kopia.

- Behar bezala betetako eskaera, ohiko etxebizitza adieraziz.

- 2019ko Errenta aitorpenaren kopia.

2.- TRAKZIO MEKANIKODUN IBILGAILUEN ZERGA

Zergaren kuota osoan ondorengo hobari-eskala ezarri da, ondorengo hobari-eskala ezarri da familiako diru-sarreren arabera. Familiako PFEZko aitorpenen diru-sarrera gordinen batura hartuko da familiako diru-sarrera kopuru gisa.

Baldintzak:

- Familia unitate bakoitzak soilik, 5 plaza edo gehiago dituen turismo batentzat izango du hobaria.

- Ibilgailuak gehienez 13,99 zaldi fiskal izan beharko ditu

- Familia ugari horretako kide guztiek Ordiziako etxebizitza berean egon behar dute erroldatuta.

Aurkeztu beharreko agiriak:

- Indarrean den Familia Ugariaren Tituluaren kopia.

- 2019ko Errenta aitorpenaren kopia.