Ostegunean, apirilak 25, 18:00etan 2024ko apirileko bilkura egingo da Udaletxeko batzar aretoan. 

1.- 2024ko martxoaren 21eko udalbatzarrak egindako batzarraren akta zirriborroa onartzea.

2.- 2023ko aurrekontuaren likidazioaren berri ematea.

3.- Kreditu gehigarria

4.- Zerbitzu publikoak eman eta jarduera administratiboak egiteari buruzko tasak arautzen dituen ordenantza fiskala aldatzeko proposamena.

5. Erantzukizunpeko adierazpenaren araubidearen mendeko obra txikiak izapidetzeko prozedura arautzen duen ordenantzaren hasierako onarpena.

6.- 2024 Lanpostuen Zerrendan akats zuzenketak onartzea.

7.- Alkatetzako dekretuen berri ematea.

8.- Galde-erreguak.

Ordiziako Udalak aurtengo ekaina, uztaila, abuztia eta irailean Oianguko Txiringitoa kudeatzeko emakida administratiboaren prozesua abiatu du. Interesa dutenek maiatzaren 3a bitarte aurkeztu ahalko dira. Ordiziako Udaleko webguneko kontratatzailearen profilean, modu telematikoan, edozein unetan. 

Edozein zalantza izanez gero jarri harremanetan Udaleko Idazkaritza Sailarekin helbide elektroniko honen bidez: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko., edo deitu telefono zenbaki honetara: 943 80 56 36

Hemen dituzue xehetasun guztiak: Oianguko Txiringitoa 2024

Plegu administratiboak

Plegu teknikoak

Igandeko legebiltzarreko hauteskundeetarako mahaikide tokatu zaizuen pertsonentzako bilera irekia egingo da bihar, osteguna, 18:00etan, Udaletxeko batzar aretoan. Oso garrantzitsua da bertan parte hartzea.

Bizkaia pasealekuko, Santa Amalia kaleko, Zuberoa kaleko, Nafarroa Behera kaleko eta Lukusain Plazako argiteria publikoa berritzen hasi da Ordiziako Udala. Era berean, Bizkaia pasealekuko argiteria publikoaren instalazioaren zati bat aldatu egingo da, dauden zutabeen posizioa aldatzeko.

Guztira, 60.325,70 euroko inbertsioa egingo du Udalak, eta EDS Ingenería y Montajes S.A. enpresak bideratuko ditu lanak. Gutxi gorabehera, 61 luminarien gaineko esku-hartzea egingo da.

“Argiteria publikoan energia elektrikoaren kontsumoa murriztea beharrezkoa dugu, eta horretarako gaur egun dauden argiak LED teknologiako argi berriekin ordezkatuko da”, nabarmendu du Adur Ezenarro, Ordiziako alkateak.

Ordezkatu beharreko luminarien egungo kontsumoaren urteko batez besteko kontsumoa orduko 63.998 kWh da. Erreferentzia hori hartuko da aurrezpenen kalkulua egiteko. Esku-hartze horren bidez asmoa da energia % 80, gutxienez, aurreztea arestian aipatutako kontsumoarekiko.

Luminaria horiek ordezkatuz, energia-kontsumoa murriztu, argiztapenaren kalitatea hobetu eta, gainera, instalazioaren mantentze-kostuak murriztu nahi dira; izan ere, LED teknologiako luminariek balio-bizitza luzeagoa dute, energetikoki efizienteagoak dira eta argi-fluxuaren berehalako erregulazioa ahalbidetzen dute. Nabarmendu beharra dago aurrezpen horrek berarekin ekarriko dituela atmosferara isuritako berotegi-efektuko gasak gutxitzea eta argi kutsadura txikiagoa izatea.