Partaidetza eta komunikazioa
Informazio saio integralak eskainiko dira urritik abendura
“Ordizian bizi garen eta Ordiziara bizitzera etorri diren guztiok osatzen dugu gure komunitatea”, azaldu du Ainhoa Jimenez, Berdintasun eta Aniztasun zinegotziak. “Herri berri batera bizitzera joateak dituzten arazoei aurre egiteko, eta ahalik eta erraztasun handiena izateko martxan jarri ditugu informazio saio integral hauek. Baina ez da Ordiziara bizitzera etorri direnentzat bakarrik, gure herriaren inguruko informazioa nahi dutenentzako aproposa da, Ordiziari buruz gehiago jakiteko”, gehitu du.
Ongi etorri Ordiziara! informazio saio integralak, Ordiziako Kultur Aniztasunerako eta Bizikidetzarako I. Planaren barruan kokatzen da. Plan honek duen helburua Ordiziara bizitzera etorritako pertsonei, edo jada bertan zeudenei baina herria ondo ezagutzen ez dutenei, jatorria edozein izanik, herriko baliabide, ohitura, dinamika, azpiegitura eta kulturari buruzko informazioa eskaintzea da. “Garrantzitsua iruditzen zaigu dinamika hauek martxan izatea herriko informazioa herritarrengana helarazteko”, zehaztu du Jimenezek.
Urriaren 11an hasiko dira saio hauek eta abenduaren 1a arte luzatuko dira. Asteazken eta ostiraletan eskainiko dira, 10:00-12:00, Barrena etxeko kultur etxeko 7. gelan. Behar izanez gero, zaintza zerbitzua jarriko da. Izen ematea Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidean, edo 679 876 779 telefonoan egingo dira.
Hainbat eduki edo atal dituzte informazio saio hauek.
- Ordiziako historia: euskara eta bere testuingurua, pertsonaia garrantzitsuak, kokapena...
- Bizi eta elkarbizitza: kultura, festak, gizarte eragileak, parte-hartze prozesuak, herriko azpiegiturak...
- Baliabide eta zerbitzuak: enplegua, ongizatea, osasuna, arreta bulegoa, zaborren kudeaketa...
- Extranjeria eta homologazioak
- Elkarteetan egonaldiak herriko dinamikak barrutik ezagutzeko
- Herriko baliabide ezberdinak eta txoko adierazgarriak erakusteko bisita gidatua egingo da.
Udalaren izenean, parte-hartze ziurtagiria emango du saioak amaitzean. Saio hauetako ezaugarri garrantzitsu bat Udal Harrera Sareko partaideen parte-hartzea da. Sare honetako partaideak izango dira bertan. Honakoak: Udaleko Kultura, euskara, berdintasuna, udaltzainak, ongizatea, eta zaborren kudeaketako sailak, Ordiziako anbulatorioa, Delikatuz, Lanbide, Sindikatuak, Goieki, SOS arrazakeria eta Bidez bide elkarteak. Hauekin batera, herriko hainbat kirol, kultura eta gizarte ekimeneko elkarteek ere parte hartzen dute.
