Obra txikiak eta zerbitzuak

Komun publiko berria jarri da ostegun honetan Ordiziako Eskarabilla auzoan, haur parkearen ondoan. Kabina bat da, erabili ondoren bere kabuz garbitzen dena. Urte osoan eta egunez egongo da zabalik. Egun batzuetan prest egon da, behin loturak eta obrako erremateak egin ondoren.

Laster bigarren kabina bat jarriko da, Altamira auzoan. Honen bidez herritarren eskaerei erantzuna emango zaie.

Eusko Jaurlaritzako Hezkuntzako ordezkaritza izan zen bisitan aurreko astean Ordiziako Oianguren institutuan. Olatz Garamendi sailburu-ordea eta Polentzi Urkijo Hezkuntza zuzendaria etorri ziren, hain juxtu. Izan ere, institutuko eraikuntzak hainbat gabezi ditu une honetan eta beharrak bertatik ezagutzeko gerturatu ziren.

Gurutze Puiadena zuzendariak eta Pilare Mendia idazkariak azaldu zizkien behar horiek: garrantzizkoenak, jangela bat, patio estali bat eta leihoen aldaketa. Une honetan 70 bat ikasleek dute jangela beharra eta Urdanetako eskolara joaten dira bazkaltzera. ‘Joan etorriko arazoak ekidin eta adin horretara egokitutako azpiegitura da premi nagusietakoa’, esan zuten.

Jose Miguel Santamaria alkateak eta Joseba Aranburu Hezkuntzako zinegotziak ere bisitan lagundu zuten, behar horiek bideratzeko Udalak dagokion ardura hartzeko prest egongo delarik.

Semaforo bat, bi urbanizazio eta bi komun publiko dira urte hasiera honetako berriak

Ordizian, Zaldibiabidean, Majori plazako 7-8 zenbakien ondoko oinezko pasabidearen  parean semaforoa jarri da ostegun honetan. Beste aldean industria eta merkatal gunea daude eta pertsona askok gurutzatzen du N-Iera eta  Ordiziara eta Zaldibiara daraman errepidea. Zirkulazio asko duen errepidea da eta erabiltzaileen segurtasuna bermatzea da hartutako neurriaren helburua.

Hala, Ordiziako Udalak atzotik martxan dagoen semaforoa jartzeko obra zibila egin du. Erabilera sistemari dagokionez,  errepidea gurutzatu nahi duten oinezkoek  botoia sakatu behar dute eta, jakina, argi berdea piztean gurutzatu. Gainera, noranzko bakoitzean radar informatibo edo pedagogiko bana jarriko da laster gidariei daramaten abiadura zein den jakinarazteko.

Udal gobernuak ordiziarren beharrak ezagutzeko 2018ko aurrekontuak osatzeko burutu zuen parte-hartze prozesuan hainbat herritarrek egindako proposamenetako bat izan zen gune horretan semaforoa jartzearena. Prozesu haren baitan definitu ziren Udala egiten ari den inbertsio gehienak.

Urbanizazioak berritzen

2.435 gidarien kontrola egin zen iragarritako urteko trafiko kanpainan zehar

Udaltzaingoak iaz Ordizian egindako trafiko kanpainen datuek txostena osatu du. 2.435 ibilgailu ikuskatu ziren eta 17 arau-hauste antzeman ziren.  

Aurtengo egutegia berehala ezagutuko da, baina aurreko astean oharkabetzeen inguruko kontrola egin zen. 145 ibilgailu ikustatu ziren eta 3 arau-hauste antzeman, 2 sakeleko telefonoa erabiltzeagatik eta 1 beharrezko arreta ez izateagatik.

Hauek dira 2018ko datuak: