2020/0313 dekretua

Estatuko Aldizkari Ofizialrean martxoaren 29an argitaratu ondoren indarrean dagoen 10/2020 Errege Lege Dekretua, martxoaren 29koa, oinarrizko zerbitzuak ematen ez dituzten besteren konturako langileentzako baimen ordaindu berreskuragarria arautzen duena, COVID-19ren aurkako borrokaren testuinguruan herritarren mugikortasuna murrizteko.

Aipatutako 10/2020 Errege Lege Dekretuko lehenengo xedapen gehigarria. Horren arabera toki-erakundeak gaituta daude funtsezkotzat jotzen diren zerbitzu publikoen funtzionamenduari eusteko beharrezkoak diren jarraibideak eta ebazpenak hartzera Enplegatu Publikoaren Oinarrizko Estatutuaren testu bategina onartzen duen urriaren 30eko 5/2015 Legegintzako Errege Dekretuaren aplikazio-eremuan sartutako enplegatu publikoen zerbitzu-prestazioa arautuz.

HONAKO HAU ERABAKI DUT:

BAT: Ordiziako Udaleko zerbitzu hauek funtsezkotzat hartzea, eta jarraian adierazten diren langileekin zerbitzua ematen jarraitzea (presentzialki edo telelanaren bidez, kasu bakoitzaren arabera):

- UDALTZAINGOA: Orain arte bezala jarraituko du Agente guztiekin lanean.

- ONGIZATEA: Zerbitzua mantentzea bi Teknikari eta Saileko Administrari batekin, eta azpikontratatutako etxez-etxeko zerbitzuarekin.

- IDAZKARITZA: Zerbitzua mantentzea Idazkaria, Administrazio Orokorreko Teknikaria eta Pertsonal eta Ondasun Administrariarekin.

- KONTU-HARTZAILETZA: Zerbitzua mantentzea Kontu-hartzailea, Kontu- hartzailetzako Teknikaria, Diruzaina eta Kontabilitate Administrariarekin.

- ARRETA BULEGOA: Zerbitzua mantentzea Administrari batekin.

- HIRIGINTZA: Zerbitzua mantentzea zerbitzuen buru den Aparejadorearekin.

- KOMUNIKAZIOA: Zerbitzua mantentzea komunikazio arduradunarekin.

- UDAL BRIGADA: Zerbitzua mantentzea Zerbitzu Orokorretarako taldearekin, Enplegu Sustapeneko hiru langileekin eta argiketariarekin. Lorezaintza eta Obra taldeen jarduna geratzea, eta aktibatzea aurreko taldeak indartzea beharrezkoa bada.

- INFORMATIKA: Zerbitzua mantentzea Informatikariarekin.

- MAJORI: Zerbitzuaren mantenua eta segurtasuna bermatzeko zuzendaria eta mantenuko langilea.

BI: Udal-plantillako gainerako langileek nahitaezko ordaindutako baimen berreskuragarria izango dute 2020ko martxoaren 30etik apirilaren 9ra (biak barne). Baimen honek berekin ekarriko du langileek ohiko zerbitzuak ematen ari balira legokiekeen ordainsaria jasotzeko eskubideari eustea, oinarrizko soldata eta soldata-osagarriak barne.

* Dekretu hau doakienei jakinaraztea.

funtsezko zerbitzuak eta ordaindutako baimena page 0001

funtsezko zerbitzuak eta ordaindutako baimena page 0002

Arropa zaharren zerbitzua bihar etengo da

Arropa zaharra

 

COVID-19 pandemiaren bilakaeraren ondorioz, bihartik aurrera, martxoak 31, eta bestelako abisurik jaso arte, bertan behera geratzen da arropa zaharren bilketa zerbitzua, ohiz-kanpoko egoera honetan ezin baita ziurtatu bildutako arroparen segurtasuna eta gainera bildutakoa ezin da prozesatu, lan gehienak eskuz egiten baitira.

Mankomunitateak arropa birziklatzeko edukiontziak zigilatu egin behar ditu eta edukiontzietan kartelak jarriko ditu herritarrei egoera honen berri emateko. Deia luzatzen zaie herritarrei, arropa etxean gorde eta arropa biltzeko edukiontzietan sar ez dezaten.

Bestalde, gogoratu bolumen handiko etxeko traste zaharren bilketa zerbitzua ere bertan behera utzi zela duela aste bete. Gaineratiko hondakinen bilketa mantentzen da: errefusa/pixoihalak, organikoa, papera, kartoia, ontzi arinak, beira, sukaldeko olioa eta pilak.

Gogoratu: eskularruak, maskarak eta betaurrekoak ez dira inoiz edukiontzi horian sartu behar baizik eta errefusarentzako edukiontzian.

Majori Kiroldegiko kuota eten egingo da

Majori Kiroldegia

Ordiziako Majori Kiroldegiko kuotak eten egingo dira COVID-19 birusak eragin duen ez-ohiko egoera dela eta. Erabiltzaileek instalazioez behar bezala gozatu ahal izatea da helburua, eta larrialdi egoera honen ondorioz halako zerbitzuak etenda gelditu direnez, irtenbide bat eman nahi zaio bazkide diren edo bertako kirol zerbitzuez gozatzen dutenei.

Gauzak horrela, hemen hartu diren erabakiak, betiere erabiltzailearentzako metodo errazena bilatzeko asmoarekin.

  • ABONOAK:
  • Urte osoa ordainduta dutenek: erabilpenaren epealdia luzatu egingo zaie gozatu ez duten denbora kontuan izanik. Hau da, bi hilabetez Majori Kiroldegiko ateak itxita badaude, bi hilabete luzatuko zaie egun duten bonoaren epea. Esaterako, 2021 urteko urtarrilean bonoa amaitzen zaienei, beste bi hilabeteko luzapena egingo zaie, eta 2021eko martxoan berritu beharko zuten bonoa.
  • Hiru hilabeteko kuota ordaintzen dutenei: lehen hiruhileko horretan Majori Kiroldegiko zerbitzuez gozatu ahal ez izan dutenei epea luzatuko zaie, eta hurrengo ordainketa zerbitzua berreskuratzean egingo da, erabili ahal izango duten zati proportzionalean.
  • IKASTAROAK:
  • Hiru hilabeteko zerbitzuak ordaintzen direnez, hiru hilabeteko abonoen irizpide berdina izango dute kasu hauek.

 

Gogoratu behar da Majori Kiroldegian obrak burutzen ari direla. Hala, berriz ere zabaltzen denean hainbat gune berri estreinatu ahalko dituzte erabiltzaileek, tartean gimnasio berritua.

Gaurko gaia: Animo Ordizia!

Orange and Green Leaves Bordered Rustic Floral Wedding Thank You Card copia 2

Gora animo horiek! Gaurkoan, bidali zuen animo mezuak, eta etxean nola pasatzen ari zareten kontatzen duten argazki eta bideoak. Telefonoa: 688 817 583. Gora Ordizia!