UDALAK ARGITU NAHI DU EZ DUELA HERRIAN INOLAKO INKESTARIK EGITERIK AGINDU

2014-03-04 udala Ordiziako Udalak herritarrei jakinarazi nahi die aparteko enpresa bat ari dela lan hori egiten

Azken hamabost egunetan inkesta batean parte hartzeko eskaintza eginez telefono deia jaso dute Ordiziako hainbat etxetan. Inkesta horretan, besteak beste, udalaren eta herri mailako jarduerei buruzko galderak egin zaizkie herritarrei. Horietako bizilagun batzuk udaletxera zuzendu dira ea inkestari hori udalak sustatua izan den galdetuz. Horren aurrean, Ordiziako Udalak herritarrei jakinarazi nahi die ez duela inolako inkestarik egiterik agindu, eta aparteko enpresa bat ari dela lan hori egiten.

BIHAR EGINGO DA OTSAILARI DAGOKION OSOKO BILKURA

2014-02-26 plenoa II. Berdintasun Plana eta Ordizia Hiri Hezitzailea Sarean sartzea onartuko du Udalbatzak

Ordiziako Udalbatzak bihar, hilak 27, egingo du otsailari dagokion osoko bilkura, 19:00etan. Zortzi puntuko gai zerrenda aztertuko dute, eta tartean bi nabarmentzen dira: Ordiziako Emakumeen eta Gizonezn Berdintasunerako II. Plana onartzea eta Ordizia Hiri Hezitzailea Sarean sartzea onartzea. EH Bilduk martxoaren 8ari buruzko prestatu duen adierazpena ere hizpide izango dute, eta baita Saharako bandera Ordiziako udaletxeko balkoian ipintzeko proposamena ere.

BIHAR, OSTEGUNA, EGINGO DA URTARRILEKO OSOKO BILKURA

2013-10-30 PlenoaBesteak beste, haurdunaldia eteteko lege proiektuari buruzko hiru mozio aztertuko dituzte

Hileroko azken ostegunetan egin ohi den bezala, Ordiziako Udalbatzak bihar osteguna, hilak 30, egingo du urtarrilari dagokion osoko bilkura, 19:00etan. Zortzi puntu jasotzen ditu gai-ordenak, eta horietako hiru mozioak dira, hirurak haurdunaldia eteteko lege proiektuari buruzkoak.

PRESOEN ESKUBIDEEN ALDEKO MOBILIZAZIOA LARUNBATEAN BILBON

2013-01-11 Tantaz tanta Bilbo'Tantaz tanta' ekimenean parte hartzera deitu dituzte herritarrak

Datorren larunbatean, hilak 11, euskal preso eta iheslarien eskubideen aldeko 'Tantaz tanta' mobilizazio erraldoia egingo da Bilboko kaleetan, 'Preso eta iheslariak etxera. Giza eskubideak. Irtenbidea. Bakea' lemapean. Ordiziako hainbat eragilek ekimen horretan parte hartzera deitu dituzte herritarrak, eta udal gobernu taldeak ere bat egin du deialdi horrekin.

Mobilizazio horren aldarrikapen nagusiak hauek dira: sakabanaketaren amaiera, eta gaixo dauden presoak eta zigorra osorik bete dutenak aske gelditzea. Deitzaileen proposamena, berriz, honakoa da: Bilbon ahalik eta eremu publiko gehien okupatzea eta Euskal Herrian historia hurbilean izan den okupaziorik handiena egitea da.