Ordizia eta Beasaingo Udalek elkarlanean antolatutako Antzerki Garaia programa urtarrilaren 14an hasiko dugu. 8 obra eskainiko dira guztira, antzerkiari eta batez ere euskarazko antzerkiari bultzatuz. Emanaldi guztiak 20:30etan hasiko dira, eta hemen duzue programa osoa.
Emanaldi bakoitzeko sarrera 12 eurokoa izango da eta emanaldi guztien abonoa 72 eurokoa. Sarrerak urtarrilaren 10a bitarte eskura daitezke Barrenan edo 943 80 56 30 telefonoan, eta egunean bertan lehiatilan.

Programa 2022

Giza Eskubideak Herria VI. Nazioarteko Korto Lehiaketako lehen saria eta sari gaztea, biak, ‘Roberto’ laburmetraiak irabazi ditu, Carmen Córdobaren zuzendaritzapean. Goierriko sari onena, berriz, Oianguren institutuko Terapistak antzerki taldearentzat izan da. Guztira, 210 film labur jaso dira munduko 23 herrialdetatik. Zorionak parte hartzaile guztiei eta sarituei!

Datorren asteartean, Barrena Kultur Etxeko Areto Nagusian, Jose Miguel Unanue Letamendiren “Blancos y negros. El Trienio Liberal en Ordizia” liburua aurkeztuko da.

Bertan, herrian garai historiko garrantzitsu hau nola bizi izan zen kontatzen da. Lanak sakonki eta zehaztasunez aztertzen du «txuriak» eta «beltzak» -ek izan zuten liskar sutsua (bi aldeetako pertsonen identifikazioa, lehiak, borrokak, errepresaliak, anekdotak, etab.).

Aurkezpenean parte hartuko dute Patxi Garmendia “Mendigar” , eta Jose Miguel Unanue egileak. Egileak berak argitaratu du liburua, Udalaren laguntzarekin. Liburua Mujika eta Manso liburu-dendetan eta D 'Elikatuz eta Barrenan jarriko da salgai.

Larunbat honetan, 18:30ean, Giza Eskubideak Herrira VI. Nazioarteko Korto Lehiaketako Gala Nagusia ospatuko dugu, Barrenan. Bertan, edizio honetako korto onenaren saria, sari gaztea eta Goierriko korto onenaren saria banatuko dira. 13 urtetik gorakoentzat da ekitaldia, eta gonbidapenak hartu beharko dira, 629 21 09 52 telefonoan.