Berdintasuna

Dantza afrikarrak, rap eta elkarreraratzea Emakumeen nazioarteko egunean

Programa zabala prestatu da Ordizian Emakumeen nazioarteko eguna ospatzeko. Ondoko kartelean biharko ekitaldiak jaso dira. Bihar 19:30tan plaza Nagusian da hitzordua. Asteazkenerako 'Aniztasunean bat eginik' topaketa dago iragarrita. Gainera, ostegunean Toti Martínez de Lezeak hitzaldia emango du, 14an bideoforuma izango da eta beste hitzaldi bat 22an ere. 

Aniztasunean bat eginik da aurtengo lema

Martxoaren 8a ate joka da eta prest Emakumeen Nazioarteko Egunaren bueltan antolatu den  egitaraua. Elkarlanean egin da, Berdintasun kontseilua, Kimetz, Emakume espazio kulturanitza, Emakorri, Romi bidean, Neska ikasle gazteak (Oiangure, Jakintza eta Goierri), Rap, Gure esku dago eta Zuhaiztiren artea.

Beste behin ere, kalera aterako dira herritarrak egun horretan, izan ere, emakumeek giza eskubideekin, emakumeen eskubideekin lotutako aldarrikapen ugari daude plazaratzeko oraindik ere.

Hiru bide seinale jarri dira herriko sarrera nagusietan erasoen aurkako jarrera azpimarratuz

Ordiziako Udalak indarkeria sexistaren aurkako hiru bide seinale jarri berri ditu herriko sarrera nagusietan, Berdintasun Sailaren ekimenez, Berdintasun Batzordearen laguntzaz eta Obrak eta Zerbitzuak udal sailarekin elkarlanean. Ekimenaren helburua argia da; herritarrei zein kanpotik datozenei jakinaraztea horrelako jarrerak ez direla onartzen Ordizian, inolaz ere. Hortaz, Euskal Herriko zenbait herrik Berriozarrek eta Oñatik kasu, hartutako bidea jarraitu du Ordiziako Udalak. Egin iezaiozu kasu seinaleari, gaur eta beti!

Udalbatzarrak Udaleko jardunetan genero zeharkakotasuna ezartzeko akordioa onartu eta sinatu du Osoko bilkuran

Beraz gaurkoan, berdintasunarekiko Ordiziako Udalaren konpromisoa irmoa eta alboraezina dela nabarmendu nahi dugu, eta adierazpen instituzionalez aratago, estrategia hau martxan jarriko dugu, udal kudeaketa hobetu eta ordiziar guztion bizi kalitatea hobetzeko.

 Konpromiso hau etikoa izateaz gain politikoa eta teknikoa ere bada, onarpen zabala duena, eta gobernu aldaketenaurrean egonkor mantendu nahi dena. Estrategiaren garapena eraginkorra izateko ezinbestekoa izango da lotesleak izango diren arauen sorrera, emakume eta gizonen berdintasunerako printzipioa plangintzetan txertatzea, eta egituren sorrera, zeharkakotasun estrateagiaren iraunkortasun eta horizontaltasuna bermatzeko.