ZAINTZA LANEN DIAGNOSTIKOA AURKEZTU DA

Emakumeak dira oraindik ere ardura nagusia hartzen dutenak

Iaz Ordiziako Udalak Ordizian burutzen diren zaintza lanen inguruko ikerketa bultzatu zuen herriko zaintzaren eta zaintzaileen errealitatea ezagutzeko, eta, aldi berean, gure herria ikerketaren prozesuaren bitartez gaiaren inguruan sensibilizatzeko. Eta Emakume eta gizonen arteko desberdintasunen iturri nagusienetako baten errora joatea eta egoera iraultzeko gakoak aurkitzeko aukera eman ditu proiektu honek.

ORDIZIAN BURUTZEN DIREN ZAINTZA LANEN INGURUKO DIAGNOSTIKOA ASTEARTEAN EMANGO DA EZAGUTZERA

Saioa irekia da eta herritarrei joateko deia egin dute lanaren bultzatzaileek

Datorren asteartean, maiatzak 24, arratsaldeko 19:00etan, Ordiziako Udaleko batzar aretoan eskainiko da Ordizian burutzen diren zaintza lanen inguruko diagnostikoaren aurkezpen publikoa. Berdintasun batzordeak eta Udalaren Berdintasun sailak bultzaturiko ikerketa izan da, berdintasun politiketako lehentasunezko lan ildo estrategikoetako  bat delako. Eta horrela iragartzen dute Euskadiko berdintasun legeak (2005),  Emakunderen VI. berdintasun planak, Gipuzkoako Foru Aldundiaren II. berdintasun planak eta Ordiziako II. berdintasun planak bizitzaren iraunkortasun eta gizartearen erantzukidetasun programan.

IZENA EMATEKO EPEA ZABALDU DU 'GIZONDUZ' PROGRAMAK

Tailer eta ikastaroak ematen dira modu desberdinetan berdintasunaren alde apostu egin duten gizonezkoentzat

'Gizonduz', Eusko Jaurlaritzak sortu eta Emakundek bultzatutako ekimena, martxa da berriz.  Gizonezkoei zuzendutako formazio programa da eta berdintasunaren aldeko jardunean gizonen kontzienziazioa eta inplikazio zuzena bultzatzea du helburu. Horretarako zenbait ikastaro antolatu dira norbanakoentzat eta taldeentzat. Ikastaroak dohainik dira, presentzialak, online edo mistoak izango dira eta izen-ematea zabalik dago jada. 

FEMINISMOA ETA EUSKALGINTZA ESKUTIK HELDUTA

Lorea Agirre, Idurre Eskisabel eta Nerea Elias solasean izango dira asteartean D'elikatuzen

Feminismoa eta euskalgintza elkarri begira ari dira azkenaldian. Biak dira nola edo hala gutxietsitako mugimenduak, eta, hala izanda, zergatik ez joan eskutik helduta? ‘Izan al zaitezke feminista euskaltzale izan gabe? Eta euskaltzale feminista izan gabe?’.Galdera horiei eta beste batzuei erantzuna emango diete Lorea Agirre eta Idurre Eskisabel kazetari eta antropologo beasaindarrek datorren asteartean Ordizian egitekoa duten hitzaldian: "Feminismoa eta euskalgintza, azpiratuen erabakimenerako aliantzak.