Majori kiroldegian izango da, 22:00etan hasita. Sarrerak 18 euro balio du aurrez erosita, eta egunean bertan 20 euro

Benito Lertxundiren kontzertuak emango dio hasiera aurtengo Euskal Jaien egitarauari, datorren ostiralean. Kantari oriotarraren eta haren taldekideen kantaldia Majori kiroldegian izango da, 22:00etan hasita. Sarrerak, aurrez erosiz gero, 18 euro balio du, eta egunean bertan 20 euro. Unibertsitateko ikasle talde batek sortutako Fenix produkzio etxeak antolatu du kontzertua, Ordiziako Udalaren babesarekin. 'Oroimenaren oraina' (Elkar, 2012) azken diskoaren kantuak joko ditu Lertxundik emanaldiaren hasieran, eta kantu ezagun eta kuttunak bukaeran. Taldeko musikarien artean ordiziar bat dago, Peio Ramirez biolontxelo eta soinu-jotzailea. Benito Lertxundi 2009ko urtarrilaren 25ean izan zen azkenekoz Ordizian.

Irailaren 5tik 14ra ospatuko dira aurtengo Euskal Jaiak; aparteko azoka irailaren 10ean izango da

Santa Ana jaiak bukatu berritan, eta abuztuko oporraldien ondoren, Ordizia festa giroan murgilduko da atzera. Aurtengo Euskal Jaiak irailaren 5etik 14ra ospatuko dira, eta aparteko azoka irailaren 10ean izango da. Herriko hainbat talde eta elkarterekin lankidetzan prestatu du aurtengo egitaraua ere Ordiziako Udalak. Hemen duzue programaren aurrerapen bat. Bien bitartean, ondo ibili!

Ordiziako Udalaren flickr kontuan ikusgai daude Santa Ana eguneko eta Kuadrilla Eguneko argazkiak

Dagoeneko ikusgai daude Ordiziako Udalaren argazkien atalean 2014ko Santa Ana jaietako egun guztietako argazkiak. Sarean jartzen azkenak Santa Ana egunekoak, eta Santanazaleen eta Kuadrilla Eguneko irudiak izan dira. Ordiziako Udalak aurtengo jaien balorazio positiboa egiten du. Antolatu diren kultur eta kirol ekitaldietan jendeak izan duen parte hartzea nabarmena izan da, eta herritarrak eta bisitariak zoriondu nahi ditu izan duten jarrerarengatik. San Bartolomeko festa eremuak ere harrera ederra izan du. .

UZTAILAREN 26KO ARGAZKIAK 

UZTAILAREN 27KO ARGAZKIAK 

Julian González fisikariak, Amets Bide dantza taldeak eta Estanda Ordiziak bota dute jaiei hasiera emateko suziria

Dagoeneko ikusgai daude Ordiziako Udalaren flicker kontuan  Santa Ana jaietako txupinazoaren eta erraldoi, buruhandi, txaranga, txistulari eta trikitilariekin egindako kalejiraren argazkiak. Julian Gonzalez fisikan katedradunak, Amets Bide dantza taldeak eta Estanda Ordizia areto futboleko nesken taldeak izan dute aurten txupinazoa botatzeko ohorea.

TXUPINAZOAREN ARGAZKIAK