Haurren aurreskurako bideoan parte hartzeko izen ematea zabalik

WhatsApp Image 2020 07 04 at 13.43.48

Ordiziako udalak berriki jakinarazi duenez, aurtengo Santa Ana jaiak bertan behera uzteko erabakia hartu da.

Jaietako haurren soka dantzak etenik izan ez dezan baina, aurreskuko erakusle eta txistularien artean egunean bertan zabaltzeko dantza muntai bat egitea pentsatu da eta horretarako guztioi ahalegin berezi bat egitea dagokigu.

Dantzak ikasteko bideo tutorialak egingo dira eta dantzari bakoitzak norbere grabazioak etxean egin beharko ditu.

Grabazioak horizontalean izan beharko dira eta dantzariak txuri gorriz jantzita atera beharko dira (Alpargata dantzatzen dutenek txapela gorria buruan)

Horretarako izen ematea Uztailaren 7, astearterarte izango da esteka honetan eta izen abizenak, jaiotze urtea eta alpargata dantzatu nahi duen edo ez adierazi beharko da.

  • Dantzariak 3 bideo grabatu beharko ditu; alpargata, fandango eta arin arin.
  • Bikoteak 2 dantza grabatu beharko ditu: fandango eta arin arin ). 

Matrikula egin ondoren, izen ematearen araberako erabakiak jakinaraziko dira. Izena ematea amaitutakoan bideo tutorialak eta grabazioak egiteko argibideak whatsapp bidez bidaliko dira.

Aurten 2014. urtean jaioak (2019/2020 ikasturtean 5 urteko gelan egon direnak) izango dira gazteenak.

Ostiralean, Matilda kontzertua:

Ostiral honetan, Matilda taldearen kontzertua eskainiko da Majori Plazan. Kontzertua 19:00etan izango da, eta aurrez eta ondoren Monky Man dj-aren saioak egongo dira. Kontzertial eserita eskainiko dira, segurtasun neurriak mantenduz. 

Aurten ez da San Joan bezperako sua piztuko

Datorren asteartean, hilak 23, San Joan bezpera, Ordiziako Udalak sua pizten du urtero Garagartza plaza ondoan. Sugorri taldearen eskutik, gainera, akelarrea irudikatzen dute, ia 80 pertsona baino gehiagok parte hartzen duten ikuskizunean. Otegienea auzoan, berriz, San Joan festak ospatzearekin batera, azken urteetan sua piztu da, eta herritarren artean indarra hartzen joan den ohitura izan da. Saro baserriko Martin Garmendiak pizten zuen urtero sua, eta aurten bere argia itzali egin da. Udala eskertuta dago orain arte egin duen lan guztiagatik, eta doluminak azaltzen dizkio familiari.

Aurten, ordea, ez da halakorik egongo, izan ere, jende pilaketak ekiditea beharrezkoa da eta orain gauden egoeran arduraz jokatzea ezinbestekoa, atzera ez egiteko. Horren ondorioz, ez da sua piztuko ez Garagartza plazan ezta Otegienean ere, eta Sugorri elkarteak beste ekimen birtual bat jarriko du martxan; San Joan bezperan gaueko 22:00etatik aurrera, bideo bat zabalduz Udaleko Youtubeko kanalean.

Argazkia: Goierriko Hitza

Liburutegiko ikasketa gela, martxan

Liburutegi irekieran mailegua hasiko da berriz ere. Barrenan maskara erabiltzea derrigorrezkoa izango da. 

Ahal dela, aurrez eskatu behar da materiala. Liburubila: https://www.liburubila.euskadi.eus/

Eskaerak egiteko, deitu: 943 80 56 35 edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. emailera.
Maileguan eskatutako materiala jasotzeko, astelehenetik ostiralera: 9:00-13:00. Haur liburutegiaren ordutegia: 11:00 – 13:00. 

Asteartean eta ostegunean arratsaldetan ere zerbitzua eskainiko da, 17:00 – 19:00   (Uztailean bakarrik goizez).

Oraingoz, etxez etxeko mailegu-zerbitzuak ere bere horretan jarraitzen du.

IKASKETA GELA

Liburutegiko planta nagusia, gelan bertan ikasteko izango da. Baimendutako gehieneko edukiera % 60koa izango da, babes-arauak eta pertsonen arteko distantzia gutxienez 1,5 metrokoa izanik. Erabiltzaile batek irakurketa-postu bat uzten duenean, hura garbitu eta desinfektatu egingo da.