OSTIRALEAN ETA LARUNBATEAN, XVI. STOCK ETA KALE-AZOKA “ORDIZIAN”

Goizean eta arratsaldean egongo da zabalik eta larunbatean 'haur txokoa' jarriko da

Ordizian merkataritza, ostalaritza eta zerbitzuak elkarteak, Ordiziako Udalaren laguntzarekin, XVI. Stock eta Kale-Azoka antolatuko du irailaren  28 eta 29an. Ekimen honetan bi ekintza bat egingo dira, Stock azoka Plaza Nagusian eta  Kale-azoka herriko kaleetan, produktuak saltokien aurrealdean aurkezturik. Dendari eta herritarrentzat erreferente bihurtu den ekintza hau ostirala eta larunbatean goiz eta arratsaldez antolatuko da beste behin. Stock eta Kale-Azokako edizio honetan parte hartzen duten ORDIZIAN elkarteko saltokietan trukatzeko erosketa txartelak zozketatuko dira. Stock gunean larunbatean txikientzat haur txokoa eskainiko da dohainik puzgarri eta beste aukerekin.

Denboraldi berriko produktuen aukera zabala eta aurreko denboraldiari dagozkion aukerak Stock eta Kale-Azokan ere islatuta ikusiko dira, Goierritarrek bertatik bertara udazken eta neguari aurre egiteko produktuak izango dituztelarik eta intereseko produktuak kalitatea prezio eskuragarrian erosteko aukera ere.

‘SINGULAR DENDAK’ GEHIAGO BATU DIRA ORDIZIAN

Hiru inkorporazio gehiago zenbatuta, lau dira dagoeneko praktika onak sustatzen dituen errekonozimendua jaso duten komertzio ordiziarrak

ETXOLA harategi ekologikoa, GOFI BERRI haur eta gazteen moda eta SUQUIA HOGAR etxetresna elektrikoak “Singular Dendak” dira dagoeneko. NESS BOUTIQUE dendarekin batera, eskualdean bereizgarri hau jaso zuen lehen denda eta 2016an eman zitzaiolarik, dagoeneko lau dira “Singular Dendak” marka beraien saltokietan nabarmentzeko baldintzak betetzen dituzten dendak, eta talde honetara denda berriak batzeko lanean jarraitzeko asmoa dago.

Udal Batzar aretoan errekonozimenduak jasotzeko ospatutako ekitaldian, saritutako saltokien titular edo ordezkariez gain, Gipuzkoako Merkatarien Federazioko Zuzendaria den Maite Valmaseda egon da, Jose Miguel Santamaria Ordiziako alkatearekin eta Josi Iturrioz Sustapen eta Garapeneko zinegotziarekin batera. Hauek izan dira bereizgarriak eman eta kasu honetan merkataritza sektoreko ordezkari bihurtu diren saridunei zoriontzeko aukera izan dutenak, erosketa esperientzia erakargarri bat eskaintzeko lanean jarraitzen duen sektore hau goraipatuz.

Gipuzkoako Merkatarien Federazioak, Gipuzkoako Foru Aldundiarekin batera eta kasu honetan Ordiziako Udalaren laguntzarekin, “Singular Dendak” ekimen honi hasiera eman zion. Programa honen  helburua da zerbitzuaren praktika onak, eskaintza bereizia eta arreta pertsonala erakustea, kalitatezko merkataritza lehiakorra sustatzeko asmoz.

Denda paregabeak bezero paregabeentzat

OSTIRAL HONETAN FECOGAko KOFRADIEN PRODUKTUEN AZOKA BEREZI BERRIA EGINGO DA

Larunbatean Ordiziako Idazabal Gaztaren kofradiak kapitulu berezia ospatuko du ohorezko kide berriak izendatuz

Ordiziako Idaizabal Gaztaren kofradiak bere  XXIX. kapitulua ospatuko du larunbatean. Urtean behin egiten duen ekitaldia aprobetxatuz,  Ordiziako hiribilduaren sorreraren 750. urteurrenarekin bat egingo du aparteko ekintza antolatuz Ordiziako Udalaren eta FECOGAren  lankidetzarekin: ostiralean egingo den FECOGAko Kofradien produktuen azoka berezia.

Plaza Nagusian hamasei kofradiek euren produktua jarriko dute ikusgai, 18:00etatik 21:00era, pintxoak ere eskainiz produktua dastatzeko. Ordiziako Idazabal gaztaren krofradia, Basoak ardoak eta Tximistako sagardoaz gain, honako kofradiak etorriko dira Ordiziara:

HOTEL BAT ERAIKITZEKO FILIPINAK 6 KALEKO UDAL PARTZELA SALGAI JARRI DA

Iniziatiba adosteko eta Plan Berezia eta baldintza plegua onartzeko prozesua 2016ean hasi zen

Ordiziako Udalak Filipinak kaleko 6. zenbakiko lur-zatia salduko du horretan hotel bat eraikitzeko. Lehiaketako baldintza-agiria astelehen honetan (maiatzaren 21a) eman da argitara Gipuzkoako Aldizkari Ofizialean, eta lehiaketan interesa duten pertsona edo entitate juridikoek hamabost eguneko epean, ekainaren 5erako, aurkeztu beharko dute eskaintza. Jose Miguel Santamariak (alkatea) eta Jose Ignacio Iturriotzek (Garapen Ekonomikoa, zinegotzia) une honetara iristeko ibili den bide luzearen berri eman dute, eta pozik agertu dira lursail hau balorean jarri y udalerrirako beharrezkoa den zerbitzua, hotela, izatea ahalegintzeagatik.

Proiektu horretarako erabiliko den lurzatia udalarena da 1955eko uztailaz geroztik.Lur-zatiaren barruan dago garai batean osasun-zentroa eta gerora Gaztetxea izan zen eraikina.Hutsik dago, eta ez zaio erabilerarik eman 2012az geroztik, beharrezkoak diren segurtasun- eta bizigarritasun-baldintzak betetzen ez dituelako, eraikinaren egoera zein zen orduan kontratatutako enpresa batek egindako txosten teknikoaren arabera.

Lur-zatia etxebizitzarako bideratuta zegoen.'Alabaina, hotel bat eskaintzeko aukera ikusi genuen, konpondu beharreko kontu bat hori; izan ere, paradoxikoa da halako baliabiderik ez edukitzea turismo-merkatuan leku bat izan nahi dugunean, eta Gipuzkoako hotel-jarduerak hazkuntza nabarmena izan duenean, Donostiak duen asetasunaren ondorioz. Baliatu beharreko aukera dugu hori. Horregatik, gaztetxea izandako lursailean hotel bat egiteko aukera proposatu zitzaion gobernu-batzordeari', adierazi die alkateak hedabideei.  

Partzela besterentzeko aldeko txosten juridikoa eta  erabilera aldatzeko Plan Berezia