Mota: Euskara ikasteko

Erakundea: Ordiziako Udala

Bete beharreko baldintzak:

• Ordizian erroldatuta egotea.
• Erroldatu gabekoen kasuan, Ordiziako enpresa, merkatal-establezimendu edo kirol elkarte batean (euskara hitzarmena dutenak) gutxienez sei hilabetez lanean aritzea.
• 16 urtetik gora edukitzea.
• Klaseetan %80eko asistentzia egiaztatzea (hori baino gutxiagoko asistentzia egiaztatuz gero, dirulaguntza murriztuko da).

 

Dirulaguntza motak:

Ordizian erroldatutakoentzat: matrikularen %100a itzuliko zaie.

Ordizian erroldatuta ez dagoenarentzat, baina Ordizian dagoen eta euskara plana duen enpresa batean lan egiten duenarentzat; euskara sustatzeko Udalarekin hitzarmena sinatu duen merkatal-establezimendu batean lan egiten duenarentzat; edota Udalarekin euskara sustatzeko hitzarmena sinatu duen Ordiziako kirol-talde bateko begirale edo entrenatzaile denarentzat: matrikularen %85a itzuliko zaie.

 

Eskaerak eta epeak:

Eskatzaileak ikastaroa amaitutakoan* egingo du eskaera Herritarren Arretarako Udal Bulegoan (9:00-13:00) ondoren zehazten denaren arabera:

1. Neguko ikastaroak (urria-ekaina).
   1. Urrian edota otsailean hasten diren ikastaroak: 2021eko ekainaren 23tik uztailaren 7ra.
   2. Barnetegiak eta xede berezietako ikastaroak: Ikastaroa amaitu eta bi asteren barruan.
2. Udako ikastaroak (uztaila-iraila). Ikastaroak amaitu eta bi asteren barruan.
3. Autoikaskuntza. Ikastaroak amaitu eta bi asteren barruan.

*Udalak ikasturte hasieran matrikula ordaindu ahal izango die eskaera motibatua aurkezten duten herritarrei, baldin eta gizarte zerbitzuen aldeko txostena jasotzen bada.

 

Aurkeztu beharreko dokumentazioa:

Eskatzaile guztiek:

• Eskaera-orria*, behar bezala beteta eta NAren fotokopia.
• Matrikularen kutxako ordainagiria(k).
• Euskaltegiak egindako ziurtagiria.

 Erroldatu gabeko ikasleen kasuan: Lan egiten duten Ordiziako zerbitzu enpresa edo entitatearen agiria. 

Material osagarria

• Euskara ikasteko dirulaguntzak, LABURPENA (2022)
• Euskara ikasteko dirulaguntzen ESKAERA-ORRIA
• [GAZT] Euskara ikasteko dirulaguntzen ESKAERA-ORRIA
• Euskara ikasteko dirulaguntzak (2022)

Mota: Errotuluak

Erakundea: Ordiziako Udala

Errotuluak euskaraz jartzeko dirulaguntzak

Kanpoko errotulua (eta eguzki-oihalak errotulu funtzioa egiten badu) euskara hutsez jarriz gero, kostuaren %50 ordainduko du Udalak. Dirulaguntza gehienez ere 300 eurokoa izango da.

Irudi korporatiboa euskalduntzeko dirulaguntzak

Ordiziako Udalak honako hauek hartzen ditu, besteak beste, irudi korporatiboaren elementutzat:

a) Eskaparateetako errotulazioa

b) Establezimenduaren barruko errotulazioa

c) Ibilgailuen errotulazioa

d) Kartazalak

e) Paperetako menbretea

f) Bisita-txartelak

g) Identifikazio-zigilua

h) Produktuak biltzeko papera

i) Poltsak

j) Inprimakiak (albaranak, fakturak…)

Elementu hauetako testua euskara hutsez jarriz gero, kostuaren %50 ordainduko du Udalak. Dirulaguntza gehienez ere 120 eurokoa izango da

Web guneak euskaratzeko dirulaguntzak

Udalerriko aisialdi, kultur eta kirol elkarteek ere eskatu ahal izango dute dirulaguntza mota hau.

• a) Euskara hutsezko webguneak. Kostuaren %50 ordainduko du Udalak; gehienez ere 500 euro.
• b) Webgune nagusia beti euskaraz irekitzen da eta erabiltzaileari aldiro, hala nahi badu, hizkuntzaz aldatzeko aukera ematen dio. Kostuaren %50 ordainduko du Udalak; gehienez ere 350 euro.
• c) Hizkuntza aukeratzea sarbide duten webguneak. Kostuaren %50 ordainduko du Udalak; gehienez ere 150 euro.

dirulaguntzak jasotzeko bete beharreko baldintzak

• -Testua zuzen idatzita egon beharko da; Euskara Zerbitzuak ontzat eman beharko du errotuluan eta gainontzeko elementuetan jarri beharreko testua, beti ere inprimatu baino lehen. Webguneen kasuan, Euskara Zerbitzuak, ez du bere gain hartuko webguneetako edukiak euskaratzeko ardura. Nolanahi ere, euskara mailaren kalitatea bermatu behar denez, Euskara Zerbitzuak zenbait itzulpen zerbitzuren telefonoak eskainiko ditu lan hori errazteko.
• -Izen propioa bakarrik agertzen bada ez da inolako dirulaguntzarik emango. Dendariak ez du dirulaguntzarik jasoko errotulu berrian izen berezia soilik agertzen bada; adibidez, “Arantxa” edo “Tximeleta”. Aldiz, jasoko du dirulaguntza izen generikoa ere agertzen bada, esaterako, “Arantxa oinetakoak” edo “Tximeleta belar-denda”.
• -Aipatutako elementu bakoitzeko (errotulu, irudi korporatibo, webgune) behin bakarrik eskatu ahal izango da dirulaguntza.
• -Izaera ez ofizialeko entitateek bakarrik jaso ahal izango dituzte dirulaguntza hauek.
• -Bateraezinak izango dira kontzeptu honetan Udalak eman lezakeen dirulaguntza eta publizitatearen izenean errotulu beragatik enpresa batek eman lezakeena.

dirulaguntzak eskatzeko bidea

Eskatzaileek dirulaguntzak eskatzeko honako hauek aurkeztu beharko dituzte:

• -Dirulaguntzaren inprimakia behar bezala betea.
• -Ateratako materialaren ale bat.
• -Xehatutako fakturaren kopia.

Material osagarria

• Errotuluak, irudi korporatiboa eta webguneak euskalduntzeko dirulaguntzen eskaera-orria
• [GAZT] Errotuluak, irudi korporatiboa eta webguneak euskalduntzeko dirulaguntzen eskaera-orria
• LABURPENA. Dirulaguntzak eta baliabideak

Mota: Udako ikastaroak

Erakundea: Ordiziako Udala

Matrikularen % 50a itzuliko zaie langabe edo ikasten ari eta euskarazko ikastaroa egiten dutenei, beti ere, aprobetxamendu eta asistentzia ona izan badute.

Dirulaguntza honen xedea da Ordiziako herritarrak, euskal hizkuntzaren eta kulturaren arloko ezagutza zabaltzeko euskarazko ikastaroetan parte hartzera bultzatzea. Horrela bada, Ordiziako Udalak dirulaguntza emango du, Udako Euskal Unibertsitateak (UEUk), EHU-UPVk (euskaraz) eta Hik Hasik antolatzen dituen ikastaroen matrikula ordaindu ahal izateko.

Dirulaguntza jasotzeko baldintzak

• Ikastaroak euskaraz izatea
• Ordizian erroldatuta egotea eta Udalarekin zorretan ez egotea.
• Ikaslea edo erretiratua izatea nahiz langabezian egotea.
• Gutxienez %85eko asistentzia ziurtatzea.

Aurkeztu beharreko agiriak

• Eskaera-orria, behar bezala beteta.
• Ikasle, langabetu edo erretiratu, egoera hori ziurtatzen duen agiria.
• Matrikularen kutxako ordainagiria(k).
• Ikastaroa antolatu duen erakundeak egindako ziurtagiria, eskatzaileak ikastaroa egin duela eta %85eko gutxieneko asistentzia ziurtatzen duen agiria

Material osagarria

• Udako euskarazko ikastaroetara joateko dirulaguntzak (UEU, EHU, Hik Hasi...) 2022, eskaera orria
• [GAZT] Udako euskarazko ikastaroetara joateko dirulaguntzak (UEU, EHU, Hik Hasi...) 2022, eskaera orria

Mota: Aisialdiko begirale/ zuzendari titulua/ kirol arloko formakuntza

Erakundea: Ordiziako Udala

Aisialdiko begirale eta zuzendari ikastaroa egiteko herritarrei dirulaguntzak ematea eta kirol arloko hezitzaileei berariazko prestakuntza euskaraz jasotzeko dirulaguntzak ematea.

Xedea.

Deialdi honen xedea da 2021-22 ikasturtean aisialdiko begirale edo zuzendari ikastaroa bukatu duten herritarrentzako dirulaguntzak emateko eta kirol arloan diharduten hezitzaileei berariazko euskarazko prestakuntza jasotzeko baldintzak arautzea.

Jasotzaileak.

-Aisialdiko begirale eta zuzendari ikastaroa egin dutenen kasuan, Ordiziako udalerrian erroldaturik dauden pertsona fisikoek eskatu ditzakete oinarri hauen bidez arautzen diren dirulaguntzak.

-Kirol arloko euskarazko formakuntza egin dutenen kasuan, Ordiziako kirol elkarte bateko hezitzaile edo entrenatzailea izatea.

Onuradunek bete beharreko baldintzak.

Dirulaguntzak jasotzeko, baldintza hauek bete beharko dira:

-Ordizian erroldaturik egotea aisialdiko begirale edo zuzendari titulua lortzen ari direnen kasuan edo kirol arloko euskarazko formakuntza jasotzen ari direnen kasuan, Ordiziako kirol elkarte bateko kide izatea.

-Ikastaroak euskaraz izan behar du eta Eusko Jaurlaritzak homologatua.

-Begirale edo zuzendari ikastaroa egiten dutenen kasuan, ikastaroaren alderdi teorikoa zein praktikoa gainditzea.

-Beste edozein administrazio edo erakundetatik (publikoa nahiz pribatua, nazio mailakoa nahiz nazioartekoa) dirulaguntzarik jaso bada, organo emaileari jakinaraztea.

Aurkeztu beharreko agiriak.

Eskabide ereduarekin batera, agiri hauek aurkeztu beharko ditu eskatzaileak:

a)-Kirol hezitzaile edo entrenatzaileen kasuan, elkartearen ziurtagiria, Ordiziako kirol elkarteren bateko hezitzailea dela egiaztatzen duena.

b)-Ikastegiaren ziurtagiria, matrikularen zenbatekoa eta ikastaroaren homologazioa eta hizkuntzari buruzko xehetasunak ziurtatuko dituena. Aisialdiko hezitzaileen kasuan, horrez gain, eskatzaileak alderdi teorikoa eta praktikoa gainditu duela dioen ziurtagiria aurkeztu beharko dute.

Eskabideak aurkezteko epea eta lekua.

Urtero, aurreko urteko irailaren 1a eta urte horretako irailaren 30a bitartean hasi eta bukatutako ikastaroak lagunduko dira. Dagokion ikastaroa bukatu eta hurrengo 30 egunen barruan aurkeztu beharko du interesatuak eskaera.

Eskaerak aurrez aurre aurkez daitezke Herritarren Arretarako Udal Bulegoan (Kale Nagusia, 26-behea), 8:00etatik 13:30era bitartean, edota Internet bidez www.ordizia.eus webguneko zerbitzu telematikoen bidez.

Dirulaguntzaren zenbatekoa eta aurrekontua.

Hauek izango dira banatuko diren dirulaguntzak:

-Begirale ikastaroa: matrikularen %30a, gehienez ere 150 euro.

-Zuzendari ikastaroa: matrikularen %30a, gehienez ere 150 euro.

-Kirol arloko hezitzaile edo entrenatzaileentzako euskarazko ikastaroak: %30a, gehienez ere 150 euro.

Programa honetara bideratutako dirulaguntzen zenbatekoa gehienez 2.000,00 € da eta 480.04.335.00.0141 2022 diru-partidatik bideratuko da. Eskaera guztiak jaso ondoren, eskatzaileei dagokien dirulaguntzaren %100 ordainduz, horretara iristeko adinako krediturik ez balego, dagoen diru-kopurua hainbanatu egingo da.

Material osagarria

• Aisialdiko begirale eta zuzendari ikastaroa eta kirol arloko hezitzaileek prestakuntza euskaraz egiteagatik dirulaguntzak 2022 eskaera orria
• [GAZT] Aisialdiko begirale eta zuzendari ikastaroa eta kirol arloko hezitzaileek prestakuntza euskaraz egiteagatik dirulaguntzak 2022 eskaera orria

Mota: Kirol elkarteen euskarazko formazioa

Erakundea: Ordiziako Udala

1. Xedea.

Deialdi honen xedea da kirol eremuan euskararen presentzia areagotzea, eta horretarako, Ordiziako kirol elkarteei dirulaguntza ematea beraien arloko prestakuntza edo formakuntza euskaraz izan dadin.

2. Jasotzaileak. 

Ordiziako kirol elkarteak, Udalarekin euskara sustatzeko hitzarmena sinatuta dutenak

3. Onuradunek bete beharreko baldintzak.

• Ordizian kirol arloan euskara sustatzeko Ordiziako Udalarekin hitzarmena sinatuta izatea.
• Elkarteak antolatutako ikastaroa euskaraz izatea.
• Beste edozein administrazio edo erakundetatik (publikoa nahiz pribatua, nazio mailakoa nahiz nazioartekoa) dirulaguntzarik ez jasotzea; eta halakorik jaso bada, organo emaileari jakinaraztea.

4. Aurkeztu beharreko agiriak.  

• Eskaera inprimakia.
• Euskaraz eman duten formakuntzaren deskribapen zehatza, ordu kopurua, parte hartzaile kopurua, landutako edukiak.
• Formazioaren gastua jasotzen duen faktura edo ordainagiria.

5. Eskaerak aurkezteko epeak eta tokia.

2021eko urritik 2022ko irailera bitartean egindako ikastaroetarako eskaerak 2022ko irailaren 28tik urriaren 24ra aurkeztuko dira.

Eskaerak www.ordizia.eus webguneko zerbitzu telematikoen bidez aurkeztu behar dira. Halaber, urriaren 1eko Administrazio Publikoetako Prozedura Arrunta arautzen duen 39/2015 Legearen 16. artikuluan ezartzen duen eran aurkeztu ahal izango dira..

6. Dirulaguntzaren zenbatekoa eta aurrekontua.   

Udalak formazio saioaren gastuaren %50a finantzatuko du goiko aldean zehaztutako baldintzak betetzen badira, eta kirol-elkarte bakoitzak gehienez ere 750 €ko dirulaguntza jasoko du kontzeptu honengatik.

Programa honetara bideratutako dirulaguntzen zenbatekoa gehienez 3.500€ da eta 471.01.335.00.0141 2022 diru-partidatik bideratuko da.

Eskaera guztiak jaso ondoren, eskatzaileei dagokien dirulaguntzaren %100 ordainduz, horretara iristeko adinako krediturik ez balego, dagoen diru-kopurua hainbanatu egingo da.

Material osagarria

• Kirol elkarteei euskarazko formakuntza eskaintzeagatik dirulaguntzak 2022 eskaera orria
• [GAZT] Kirol elkarteei euskarazko formakuntza eskaintzeagatik dirulaguntzak 2022 eskaera orria

Mota: TicketBai

Erakundea: Ordiziako Udala

1. Xedea.

Dirulaguntza honen helburua da merkataritza eta ostalaritza alorrean TicketBai fakturazio sistemarako euskarazko softwarea jartzeagatik dirulaguntzak emateko baldintzak arautzea.

2. Jasotzaileak. 

Oinarri hauen bidez arautzen diren dirulaguntzak eska ditzakete helbide fiskala Ordizian daukaten pertsona fisiko edo juridikoek, bai eta bere jarduera ekonomikoa Ordiziako udalerrian dauden lokaletan egiten dutenek ere.

3. Oharrak:

Onuradunek bete beharreko baldintzak:

-Jarduera ekonomikoa Ordizian kokatuta egotea.
-Udal Ogasunarekin zorrik ez izatea.
-Foru Ogasunarekiko eta Gizarte Segurantzarekiko zerga betebeharrak egunean izatea

4. Eskaerak aurkezteko epeak eta tokia:

 Eskaerak 2022ko urriaren 30a baino lehen telematikoki aurkeztu behar dira www.ordizia.eus atariko dirulaguntzen atariaren bidez. Halaber, urriaren 1eko Administrazio Publikoetako Prozedura Arrunta arautzen duen 39/2015 Legearen 16. Artikuluan ezartzen duen eran aurkeztu ahal izango dira.

4. Dirulaguntzaren zenbatekoa eta aurrekontua:

• Eskaera bakoitzak TicketBai euskarazko softwarearen kostuaren %30eko dirulaguntza jasoko du, gehienez ere 250€.

  Diruz lagunduko den gastua 2021eko edo 2022ko ekitaldi ekonomikoan egindakoa izan beharko du.

  Eskaera guztiak jaso ondoren, eskatzaileei dagokien dirulaguntzaren %100 ordainduz horretara iristeko adinako krediturik ez balego, dagoen diru-kopurua hainbanatu egingo da.

Material osagarria

• TicketBai euskarazko softwarea jartzeagatik dirulaguntza. Eskaera orria
• [GAZT] Eskarazko softwarea jartzeagatik dirulaguntza. Eskaera orria