Kultura

Gaur, ostirala, 19:00etan, inauguratuko da Barrena kultur etxeko erakusketa aretoan Ortzadar Elkartearen argazki erakusketa. 

Azaroaren 11tik 29ra egongo da ikusgai X. erakusketa eta ordutegia 18:00etatik 20:00etara izango da.

Ortzadar Argazki Elkarteko hainbat partaideren lanak daude ikusgai: Anaitze Jauregi, Amaia Oar-Arteta, Angel Fernandez “Sakatxa”, Carlos Iraeta, Francisco Albarran, Iñaki Hidalgo, Jose Ignacio Rodriguez, Joxemi Romero eta  Miguel Cavero, besteak beste.

Erakusketan Ortzadarreko 9  bazkideren 34 argazkiak jasotzen dira eta beraien begiradaren bitartez, irudien bitartez, paisaiak, begiradak, objektuak, uneak eta abar jasotzen dira era oso pertsonalean eta aparteko sentipen eta emozioak eskaini eta islatzen dituzte.

Ordiziako Udalak eta Gipuzkoako Foru Aldundiak antolatutako Barroko Aire kontzertu zikloarekin jarraituz, igande honetan, hilak 10, Ordiziako Parrokia Elizan, arratsaldeko 6:30etan, bigarren kontzertua entzuteko aukera izango da: Brillant Magnus Quintet musikariena, alegia. Aurkeztuko duten programan Bach, Vivaldi, Haendel, edota Monteverdiren lanak entzuteko aukera izango da.

Brillant Magnus Quintet bosteko bat da, hiru tronpetak, perkusioak eta organoak (pianoa) osatzen dutena. Haren kideak honakoak dira: Juan Ignacio Lozano Martínez, Luis Martínez Martínez eta Javier Martínez Guillén tronpeta jotzaileak, Eva María Sánchez Gómez perkusio jotzailea eta M.ª Esther Ciudad Caudevilla organo jotzailea.

Hamabi urteko ibilbidea dute; guztira sei CD argitaratu dituzte eta 400 kontzertu baino gehiago eskaini musika ziklo garrantzitsuetan: Segoviako Nazioarteko Musika Jaialdian, Malagako Katedraleko Kontzertuen XXXIV. Zikloan, Ilargiaren Argiaren peko Kontzertuen XIII. Zikloan, Albaceteko Organo Historikoen Kontzertuen Zikloan, Torreciudadeko Nazioarteko Organo Zikloan, Terueleko Organoaren XXXVII. Zikloan, Terueleko XXXVI. Musika Astean, “José de Nebra” Musika Barrokoaren Nazioarteko Jaialdian eta Molinosko “Música y Palabra” Zikloan.

Hemen bideo batzuk:

https://www.youtube.com/watch?v=Pzs_HJ6tNzI&list=RDqsIXTtzAxic&index=3

https://www.youtube.com/watch?v=zUhTu5riws0

https://www.youtube.com/watch?v=qsIXTtzAxic

Abesbatzen kontzertuek utzitako aho-zapore onarekin, igande honetan hasiko da Ordizian Barroko Aire, Musika Barrokoaren egunak jaialdiaren XXXIV. ekitaldia. Eta jaialdiak Ordizian segituko du hilabete honetan, herriko Parrokian lau kontzertu egingo dira, 18:30ean guztiak, Ordiziako Udalak eta Gipuzkoako Foru Aldundiak antolatuta.

Gaur, Koldo Mitxelenan egindako aurkezpenean, Maria Jose Telleria, Gipuzkoako Foru Aldundiko Kultura zuzendari nagusia, Adur Ezenarro, Ordiziako alkatea eta Migel Zeberio eta Javier Busto zuzendariak egon dira. Bertan, Telleriak nabarmendu du Ordiziako Barroko Aire musika zikloak iza duen eboluzioa: “urtez urte ikusi da Ordizian eta lurraldean zer nolako aukerak dauden musikarientzako eta sortzaileentzako, bai ibilbidea hasteko eta baita jarratzeko ere, egiten duten ahalegina, kaliteta eta esfortzua erakusteko”.

Ildo berean, Adur Ezenarrok agertu du “plazerra eta ohorea” dela edizio berri bat aurkeztea, aurtengoa 34. da. “Barroko Airek hasieratik jarri zituen bi helburuak betetzeko bidean doa. Batetik, lurraldeko taldeei erakuslehio bat jartzea, kalitatea izpide harturik; eta, bestetik, kanpotik maila handiko taldeak ekartzea”.

Javier Busto zuzendariak, bere aldetik, azaldu du “urte asko” zeramatzala jaialdi honetan parte hartzeko gogotsu: “aurten, taldekidea den Debora Herreroren bidez parte hartuko dugu, eta oso gustura gaude ziklo eder honetan parte hartzeko. Emozioz betetako eta alaitasunez jantzitako musika interpretatuko dugu”.

Bestalde, Migel Zeberio hala mintzatu da: “Ordizian bizi zen Pepe Arzelus musikariari omenaldia egiteko aprobetxatuko dugu igande honetako kontzertuan. Konpositore famatuek sortutako lanak ere izango dira entzungai, eta barroko musika XX. eta XXI. mendeko musikekin lotuko dugu. Musikak ez du iraungitze datarik, beti berria izan behar du”.

Musika barrokoa, beraz, udazkeneko protagonista,   punta-puntako interpretatzaile eta taldeak Goierrira ekarriko dituena.

EGITARAUA

ORDIZIA / ELIZA NAGUSIA - 18:30ean

Azaroak 3 – Et Incarnatus Orkestra + Mariví Blasco (soprano). Zuzendaria: Migel Zeberio

Azaroak 10 – Brillant Magnus Quintet

Azaroak 17 – Fabio Biondi , biolin

Azaroak 24- Aquam Lauda abesbatza (ahots zuriak). Zuzendaria: Javier Busto

Datozen egunetan, Ordiziako Udaleko kultura sailak antolatuta, bi abesbatzen kontzertuez gozatu ahalko da Eliz parrokian. Aurtengoan estilo, interpretazio, eta ahots ezberdineko bi taldeen emanaldiez gozatzeko aukera egongo da; lehenengoa Letoniarra eta bigarrena, berriz, Indonesiakoa. Hala, asteazkenean, hilak 30, Letoniako Pa Saulei taldearen kontzertua izango da, eta ostegunean, hilak 31, Indonesiako Batavia Madrigal Singers taldearena. Arratsaldeko 20:00etan izango dira bi saioak, eta irekiak izango dira. 

Hemen bideo batzuk:

- Pa Saulei

- Batavia Madrigal Singers