LARUNBAT OPAROA ORDIZIAKO KIROL TALDEENTZAT

2014-05-14 estanda Estanda Ordiziak lehen mailara igotzeko partida du Majorin, eta Ampo Ordiziak titulurako final laurdenetako lehia Madrilen

Ordiziako futbol taldeak Ohorezko Erregional Mailara igotzeko txartela lortu du asteburuan

Kirol mailako liga ezberdinak azken txanpan sartu diren honetan, Ordiziako bi taldek partida erabakigarriak jokatuko dituzte larunbatean. Estanda Ordizia areto futboleko nesken taldeak 1. mailara igotzeko play-offetako joaneko partida jokatuko du Bartzelonako Rubi taldearen aurka Majorin. Ampo Ordiziak, berriz, Complutense Cisneros taldearen aurka neurtuko ditu indarrak Madrilen titulurako final laurdenetako lehian. Denboraldiko helburua lortu duena Ordiziako futbol taldea izan da, Ohorezko Erregional Mailara igotzea lortu baitu pasa den asteburuan.

EH ITZULIA 2014. ORDIZIA-URDAZUBI ETAPA. ARGAZKI GALERIA

2014-04-08 itzulia Pako Buldainen senideek jaso dute antolatzaileen eta udal agintarien omenaldia

Aurreikusi bezala, 13:15 izateko minutu gutxi batzuk falta zirela abiatu da Ordiziatik Euskal Herriko Txirrindulari Itzuliko bigarren etapa Urdazubi aldera. Atzo adinako jenderik ez, giro lasaian egin dute txirrindulari sinadura kontrola. Alberto Contador liderrak Ordiziako Udaleko liburuan ere sinatu du, eta Oiangu baserriko argazki bat eman diote opari Igor Eguren alkateak eta Juan Mari Gereñu zinegotziak. Etapa hasieran Pako Buldainen senideek jaso dute omenaldia. Gaurko irudiak hemen ikus daitezke.

EH ITZULIA 2014. ORDIZIA-ORDIZIA ETAPA. ARGAZKI GALERIA

2014-04-07 itzulia Alberto Contadorrek irabazi du eta Alejandro Valverde izan da bigarren 14 segundora

Alberto Contadorrek (Tinkoff Saxo) irabazi du Euskal Herriko Itzuliko lehen etapa, Ordizian. Alejandro Valverde (Movistar) izan da bigarren, 14 segundora. eta hirugarrena Michal Kwiatkowski (Omega Pharma-Quick Step) 34 segundora. Goizean goizetik txirrindularitza giro bikaina bizi ahal izan da Ordizian, baita Lazkaomendi, Okorro eta Gaintzako bi igoeretan ere. Valverde eta Contador bakarrik geratu dira Gaintzako bigarren igoeran, baina Contadorrek erasoa jo du azken 500 metroetan eta Gaintza lortutako aldea nahikoa izan du Ordiziako helmugan garaile izateko. Hemen dituzue ikusgai gaurko etaparen irudiak.

USABIAGA AHIZPAK ETA PAKO BULDAIN OMENDUKO DITUZTE ITZULIAN

2014-04-02 omenduak Asteleheneko eta astearteko etapen hasieran zinta moztu eta oroigarria jasoko dute

Datorren astelehenean, apirilak 7, abiatuko da Ordiziatik Euskal Herriko Itzuliaren 54. edizioa. Lehen eta bigarren etapak Ordiziatik abiatuko direnez, batzorde antolatzaileak bi omenaldi prestatu ditu. Apirilaren 7ko etapa hasi aurretik, Ana eta Irene Usabiaga ahizpa ordiziarrak omenduko dituzte, txirrindulari munduan lortutako emaitza onengatik. Apirilaren 8ko etapan, berriz, Pako Buldain izango da omendua. Buldain 2012an hil zen, eta urte askoan Itzuliaren laguntzaile modura egin zuen lan. Zinta mozteaz gain, oroigarri bat ere jasoko dute ahizpa txirrindulariek eta Buldainen senideek.