KLUBEI ETA KIROL TALDEEI ZUZENDUTAKO DIRU-LAGUNTZAK

2014-05-29 majoriOrdiziako Udalak ireki du herriko kirol taldeei diru-laguntzak emateko deialdia

Gipuzkoako Aldizkari Ofizialak atzo, hilak 28, eman zuen argitara Ordiziako Udalak Kirol arloan diru-laguntzak banatzeko deialdia. HEMEN aurki daitezke deialdiaren oinarriak eta betebeharrak. Eskariak aurkezteko epea ekainaren 27a bitartean egongo da zabalik. Informazio gehiago nahi izanez gero Majori kiroldegira jo daiteke edota Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. harremanetan jarri.

HARRERA GOXO BEZAIN XUMEA ESTANDA ORDIZIARI (KRONIKA ETA ARGAZKI GALERIA)

2014-05-25 harreraAreto futboleko nesken taldeak Lehen Mailan jokatuko du datorren denboraldian

Estanda Ordizia areto futboleko taldeak ongi etorri goxo bezain xumea jaso du gaur arratsaldean Ordizian. Arratsaldeko seiak pasatxo zirela iritsi da autobusa, eta lehen poz adierazpenak, besarkadak, argazkiak... egin eta gero, plaza aldera abiatu dira. Dantzarien ohorezko pasilloa zeharkatuta sartu dira udaletxeko pleno aretora, merezitako harrera jasotzera. Balentria baita egin dutena. 26 urteren ondoren, Lehen Mailan arituko da Estanda Ordizia. ORDIZIAKO HARRERAREN ARGAZKIAK

IGANDEAN HARRERA ESTANDA ORDIZIARI

2014-05-23 estandaUdaletxeko pleno aretoan izango da, 18:30ean, mailaz igotzea lortu ala ez

Ordiziako Udalak harrera egingo dio igandean Estanda Ordizia areto futboleko nesken taldeari. 18:30ean izango da ekitaldia, udaletxeko pleno aretoan, mailaz igotzea lortu ala ez. Estanda Ordiziak bihar, larunbata, jokatuko du Bartzelonan Espainiako Lehen Mailara igotzeko itzuliko partida Rubi taldearen aurka. Bi goleko abantailarekin doa taldea Kataluniara, joanekoan, 3-1 irabazi baitzuen Ordiziak Majorin, harmailak bete bete eginda zeudela.

ESTANDA ORDIZIA BI GOLEKO ABANTAILAREKIN JOANGO DA BARTZELONARA

2014-05-19 estandaAmpo Ordizia ligako titulurako lehiatik kanpo geratu da, eta futbol taldeak Erregional Preferenteko liga irabazi du penaltietan

Espainiako Zilarrezko mailatik Lehen Mailara igotzeko borrokan ari den Estanda Ordizia areto futboleko nesken taldeak 3 eta 1 irabazi zion joan den larunbatean Majorin Bartzelonako Rubi taldeari. Kataluniarren kantxara bi goleko aldearekin joango dira ordiziarrak. Errugbian, Ampo Ordiziak 29-27 galdu zuen Complutense Cisnerosen aurka Madrilen, eta titulurako lehiatik kanpo geratu da, denboraldi ofizialari bukaera emanez. Eta futbolean, Ordiziak Usurbil hartu zuen mendean Erregional Preferenteko finalean. Partida bina bukatu zen, eta penaltietan nagusitu ziren Igor Sukiaren mutilak.