MARINO LEJARRETAREN OMENALDIKO ERLOJUAREN AURKAKOAK 145 TXIRRINDULARI ELKARTUKO DITU IGANDEAN

11:00etan hasita talde bat irtengo da hiru minuturo

Marino Lejarreta omenduko du Ordiziak asteburuan. Erakusketa bat, hitzaldia eta txirrindulari ohi eta zikloturistak elkartuko dituen lasterketa antolatu dira. Ordiziako Udalaren laguntzaz, Chapel Gorri elkarteak antolatu duen programa erakusketa eta solasaldi batekin osatu da. Ekimenaren bultzatzailea Alberto Gonzalez da, Lejarretaren laguna. Herriak bizkaitarrarekin duen harreman estua eskertuko du modu honetan. Urteetako kontua da, Lejarretak Tourra ‘niretzat Ordizian amaitzen da’ esan zuenetik indartu zena.

TRAFIKO MOZKETAK IZANGO DIRA JOSETXO IMAZ MEMORIALAGATIK

11:00etatik 12:00etara

Josetxo Imaz atletismo memoriala izango da igande honetan, irailak 27.  Herri lasterketak trafikoan eragina izango du. Hala,  itxita egongo dira, gutxi gora behera, 11:00ak eta 12:00ak bitartean honako kaleak:  Joseba Rezola, Gudarien etorbidea, Nagusia, Urdaneta eta Malkasko. Autobus garraioa ere eten egingo da ordutegi berean Beasain, Lazkao eta Ordizia artean. Aurten probak Lazkaon izango du irteera eta helmuga puntua.

LARUNBATEAN ORDIZIAKO I. SARI NAGUSIA-JOSE ANTONIO PEÑA MITINA

Altamira estadioan egingo da jardunaldia, eta estatuko atletarik onentsuenak elkartuko dira

Datorren uztailaren 4an Ordiziako I. Atletismo Sari Nagusia-Jose Antonio Peñaren Oroimenezko Mitina hartuko du Altamira estadioak, Txindoki Atletismo Taldeak antolatuta. 11 urte dira Gipuzkoan halako mailako mitin bat azkenekoz jokatu zenetik, eta Estatu mailako atleta onenetako batzuk elkartuko dira bertan; hala nola, Angel David Rodriguez Pajaro, eta baita Naroa Agirre pertika-jauzilari donostiarra eta Alazne Furundarena abiadura-lasterkari ordiziarra ere. Klubaren azken 30 urteotako historian zer esan handia izan duen Jose Antonio Peña Lizarraga hilberriaren oroimenez antolatu du proba Txindoki Grupo Jaso atletismo taldeak.

Guztira 11 proba jokatuko dira, bost emakumezkoenak (100 metro hesiak, 200 metro, jauzi hirukoitza, pertika jauzia eta pisu-jaurtiketa) eta sei gizonezkoenak (100 metro, 400 metro, 1500 metro, luzera-jauzia, pisu-jaurtiketa eta 5000 metro). Mitinean parte hartzeko izen-emate epea ekainaren 30eko 14:00ak arte egongo da zabalik. Espainiako Atletismo Federazioaren (RFEA) bidez egin beharko da, eta egun berean emango dira ezagutzera proben ordutegiak, proba bakoitzean izena ematen duen atleta kopuruaren arabera. Probak 17:00etan hasiko dira, haurrentzako 50 metroko lasterketak ere jokatuko dira.

ORDIZIA URPEKOAK II. SARIA JOKATUKO DA LARUNBATEAN MAJORIN

2015 05 14 urpekoakBi saio izango dira, goizean 10:00etatik 13:00era eta arratsaldean 16:30etik 20:00etara

Ordizia K.E. Urpekoak taldeak, E.H.U.I.F-ren laguntzarekin, II. Ordizia Urpekoak Saria antolatu du larunbat honetarako, hilak 16. Txapelketa Majori Kiroldegiko igerilekuan jokatuko da. Parte-hartzaile bakoitzak bi proba egin ahalko ditu erreleboaz gain. Txapelketa bi saiotan banatuko da: lehena goizean, 10:00etik 13:00era, eta bigarrena 16:30etik 20:00etara. Sariketa hau Udaberrian Martxan ekimenaren barruan txertatuta dago.