HEMEN DA HIP-HIP URRI!ren 5. EDIZIOA

Ordizian gaur hasiko da 'Plaza Bete Poz' dantzaldiarekin

Urriaren 1ean, igandean, emango zitzaion hasiera Donostiako Ikertze Kultur Elkarteak antolatzen duen Hip-hip URRI! egitasmoaren ekitaldi berriari. Hip-hip URRI!k 2001ean Herbeheretan sortutako ideia bat hartzen du hizpide, eta helburua familiek kultur aisialdi jarduerak elkarrekin egitea da, haurrak txikitatik kulturaz gozatzera ohitu daitezen. Ordiziak ere programa propioa du.

Aurtengoan 137 ekintzez osatzen da programa, Donostia eta Goierrin antolatuak. Egitarauan biltzen diren proposamenak mota oso ezberdinetakoak dira: Antzerkia, zinema, musika, dantza, ipuin kontaketak, bisita gidatuak, jolasak, sukaldaritza tailerrak, eskulanak, adin guztietarako erakusketak… Jarduera guzti hauek dohainik izango dira adingabeentzat eta urriko asteburuetan egingo dira.

PROGRAMA: 

MASAJE IKASTAROA ANTOLATU DU EUSKARA ZERBITZUAK

Urtebetez azpiko haurren gurasoentzat, urrian eta azaroan emango da

Udaleko Euskara Zerbitzuak urtebetez azpiko haurren gurasoentzako Masaje ikastaroa antolatu du. Euskara Sustatzeko Ekintza Planaren (ESEP) barruan Jone Beitialarrangoitia psikoterapeuta legazpiarrak emango du tailerra Urdaneta ikastetxeko Haur Hezkuntza eraikinean ondoko egunetan: urriak 6, 16, 20, 27 eta azaroak 3, 10, 17. Ordutegia 10:00etatik 11:15era izango da eta prezioa 30 eurokoa.

Ordiziako Udalak egoera guztietan euskara erabili ahal izateko tresnak eman nahi dizkie gurasoei, eta, hain justu ere, hizkuntzaren familia bidezko transmisio bideak bermatzea helburu duten ekimenen artean dago haurrentzako masaje ikastaroa. Beitialarrangoitia irakaslearen arabera, larruazalaren eta ukimenaren bidez, gurasoen eta seme-alaben arteko komunikazioa eta elkar ezagutza areagotzeko aukera ematen du ikastaro honek.

Masaje ikastaroan parte hartzeko interesa dutenek, urriaren 4a baino lehen, Euskara Zerbitzuan eman behar dute izena: Kale Nagusia, 26 (9:00-13:00)    943805622     Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

OHARRA:  Plazak mugatuta daude eta izena eman ahala betetzen joango dira. Ordizian erroldatutakoek lehentasuna izango dute.

EUSKARA ESKURA: MATRIKULATZEKO GARAIA

Gurasoei zuzendutako taldeek %75 gutxiago ordainduko dute aurten

Ordizian  bada euskara non ikasi eta non praktikatu eta, gainera,  Udalak ikasteko diru-laguntzak ere ematen ditu

-NON IKASI:

Goiztiri AEK euskaltegia ( Nafarroa Beherea kalea 1  943889174  Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.).   Maila guztiak eta gurasoentzako talde bereziak.  Matrikula zabalik.

-UDALAREN DIRU-LAGUNTZAK:

 Udalak baldintza batzuk betetzearen truke euskara ikastaroetako matrikularen ondoko ehunekoa itzultzen du

%80a sarrera mugatuak dituztenei

%75a langabetuei, ikasleei, gurasoei eta hitzarmena duten establezimendu, enpresa edo kirol elkarteetako langileei

%30a lanean ari direnei

-GURASOEI ZUZENDUTAKO TALDE BEREZIAK:

NIKOLAS CONTRERAS, ANER PERITZ ETA EKAITZ GOIKOETXEAK AURKEZTU DITUZTE BERTSO HOBERENAK

Igandean jasoko dituzte euren sariak Lazkao Txiki bertsopaper lehiaketako sarituek

Aurten ere, aurreko urteetako bideari jarraiki, Lazkao Txiki Bertsopaper Lehiaketa ospatu berri da. Aurtengoak hogeita seigarren edizioa bete du eta jakin Argi Berri Elkarteak (Goierriko Bertso Eskola) antolatu duela Ordiziako Udalarekin batera. Behin lanak jaso eta gero, epaimahaikoaren eskuetan utzi berauek (Manu Olano, Nikolas Zeberio eta Izar Sarriegi) eta hauen erabakiaren ondoren honela banatuko dira sariak maila desberdinetan:

+ GAZTETXOETAN (13 urte artekoak): 3 lan guztira 1. Ataungo NIKOLAS CONTRERAS 2. Azkoitiko NAIA ARRIZABALAGA 3. Ordiziako MADDI DIAZ. Maila honetan gaia denentzat berbera izan da: “herriko alkate banintz”.

+ GAZTEETAN (14-18 urte bitartekoak): 5 lan guztira 1. Zarauzko ANER PERITZ “libre izan hadi behintzat” lanagatik 2. Altsasuko IDOIA GRANIZO “90-60-90” lanagatik 3. Ordiziako IRAITZ SARASOLA “motxila ikusezina” lanagatik

+ HELDUETAN (18 urtetik gorakoak): 17 lan guztira 1. Beasaingo EKAITZ GOIKOETXEA “ispilutxo, ispilutxo” lanagatik 2. Oreretako AITOR ALBISTUR “Abdul Halim” lanagatik 3. Azpeitiko JON GURRUTXAGA “han daude josirik” lanagatik

Azken bi mailok gaia librea zuten.

Sari banaketa, Ordiziako euskal festak direla eta, igandean, irailaren 10ean izango da, eguerdiko 12etan Ordiziako Barrena Kultur Etxean. Sarituek, sariak jaso ahala euren bertsoak kantatuko dituzte. Sariak banatze-lanak Ordiziako Udaleko alkateak, Jose Miguel Santamaria, Argi Berri Elkarteko presidenteak, Patxi Calvillo, eta Joxe Miel Iztueta “Lazkao Txiki” zenaren ilobek, Martina eta Mari Jose, egingo dituzte. Era berean, aipatu, ohiko dirusariez gain (200, 100 eta 50na euro gaztetxoek, 300, 200 eta 100na euro gazteek eta 500, 400 eta 300na euro helduek) “Txikia” oroigarri bana ere jasoko dutela maila bakoitzean irabazle suertatu direnek. 

*Argazkian, sarituak, antolatzaileak eta Udal ordezkariak igandean sariak eman eta gero.