Orain dela hilabete batzuk, gure herriko establezimenduetan azokako produktuen presentzia sustatu, eta eskaintza bertako eta garaiko produktuekin identifikatzeko asmoz Ordiziako Azoka Pintxoa ekimena martxan jarri genuen Ordiziako hainbat tabernetan.

Gauzak horrela, gaur, asteazkeneko azokarekin batera Kantoi tabernak eskaintzen duen pintxoa aurkeztu dugu, Ordiziako Plaza Nagusian. Azokan aurkitzen ditugun garaiko barazkiak dira pintxo berezi honen osagaiak. Kasu honetan, hauexek: Sagar dultzea, lore eztia, intxaurrak, txakolin ozpina, oliba olioa, gatza, piperra, sagarra, ardi gazta, gurina eta brick orea. Errezeta eskuragai dago www.ordiziakoazoka.eus/azokako-pintxoa atalean.

Gaur gaurkoz, Kantoi tabernaz gain, Pottoka, Hotel Ordizia, Martinez, eta Leizea dira ekimenarekin bat egin dutenak.

Afari baten zozketa

Pintxo hau kontsumitzen duten bezeroei txartel bana ematen ari zaie, eta asteazken honetan 2 pertsonentzako afariaren zozketa egingo da partaideen artean. Kasu honetan Martinez eta Leizea tabernetan afari bana zozketatuko da.

Asteklima, jasangarritasunaren astearen barruan, Iparpoloa salbatu jolasa egin da plazan. Egunerokotasuneko gauzak ingurumenari kalte gutxien eginez nola burutu ikasi dute haurrek.

Sagastitik sagardotegira. Larunbatean, irailak 4 eta irailak 26an, Ordiziako sagardotegi zaharren historia ezagutzeko ibilbidea eskainiko da herrian barrena, eta Oianguko natur gunera iritsiko dira, bertako udal sagastia ezagutzeko. Bertan, sagarrondo motak, haien bizitza eta urtaroaren araberako desberdintasunak ezagutuko dira. Amaitzeko, sagardoa eta sagar-zukua dastatzeko aukera egongo da, Idiazabal gaztarekin batera.
10:30ean abiatuko da, D'elikatuzetik. Prezioa 12 eurokoa da, eta 12 urtez azpikoentzat 10ekoa.
Erreserbatu zure plaza 943 88 22 90 telefonoan.

Irailaren 30a bitartean, Oiangu parkeko argazki zaharrak bilduko dira, haren iragana ezagutzeko

Ordiziako Oiangu parkea herritar zein ingurukoentzako altxor bat da. Urteen poderioz aldaketak izan ditu, eta iragana berreskuratzeko bidean, argazki zaharren bilketa abiatu da. Hain zuzen ere, Aranzadi Zientzia Elkarteak eta Ordiziako Udalak herritarrei dei egin diete Oiangu parkeko argazki zaharrak eta bertako istorioak biltzeko. Horretarako aukera, irailaren 30ª bitartean egongo da zabalik.

“Gure asmoa parke honen iragana eta geroa herritarrei erakustea da; horren bidez, bertako paisaian egin diren jarduerak ikusi eta ulertu nahi ditugu. Argazkiak bilduta, erakusketa bat egin nahi dugu lan mota horiek duten erabilgarritasunaren eta izan dezaketen ondorio sozial eta ekologikoaren gaineko pentsamendu kritikoa sortzeko”, azaldu du Aranzadiko proiektuaren arduradunak eta entomologoak, Bea Diazek.

Ondoren, erakusketa bat antolatuko da Oiangun, bidalitako argazki guztiekin. Ez hori bakarrik, Ordizia Bizi Herria poltsa eta kristalezko botilen kit batzuk ere zozkatuko dira.

Parte hartu nahi duten pertsonek argazkia eskaneatuta bidali beharko dute Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbide elektronikora, eta posiblea balitz, argazkiak ezkutatzen duen istorioa ere bai.