‘ZURRUMURRUEZ!’ KANPAINAREN LEHEN HITZALDIA

2014-10-15 hesia'Hegoaldeko mugak oihuka ari zaizkigu' hitzaldia Barrenan izango da bihar, 18:30ean

Ordiziako Udaleko Migrazio eta Aniztasun sailak 'ZurrumurruEZ!' kanpainaren barruan antolatu duen zikloaren barruko bihar, osteguna, egingo da Barrena kultur etxean, 18:30ean. 'Hegoaldeko mugak oihuka ari zaizkigu' goiburua duen saioak bi zati izango ditu. Lehen zatian, Kadiz eta Ceutako Migrazio Pastoraleko Gabriel Delgadok 'Migrazio pastorala itsasarteko pasabidean: bi ertzen artean zubiak eraiki nahian' hitzaldia egingo du; eta bigarrenenean, Tanger eta Nadorreko Migrazio Pastoraleko Esteban Velazquez 'Migrazioen mugaren beste aldean: Afrikatik garrasika' gaiari buruz ariko da.

'ZURRUMURRUEZ!' KANPAINAREN TRIPTIKOA

'ZURRUMURRUEZ!' KANPAINAREN AURKEZPENA

‘ZURRUMURRUEZ!’ KANPAINAREN AURKEZPENA

2014-10-09 zurrumurruGaur zortzi hasita, migrazioari eta aniztasunari lotutako hitzaldiak egingo dira datozen lau ostegunetan

Ordiziako Udalean ordezkaritza duten hiru alderdiek parte hartu dute kanpainaren aurkezpenean

Ordiziako Udaleko Migrazio eta Aniztasun sailak antolatuta, eta SOS Arrazakeriak bultzatutako 'ZurrumurruEZ!' kanpainaren barruan, gaiari lotutako lau hitzaldi egingo dira Ordiziako Barrena kultur etxean datozen lau ostegunetan. Igor Eguren alkateak, Belen Maiza Kultura eta Gizarte Ongizate zinegotziak, Jose Migel Santamaria EAJren bozeramaileak, Iñaki Dubreuil PSE-EEren bozeramaileak eta Ainara Ormaetxea migrazio eta aniztasun teknikariak parte hartu dute gaur goizean udaletxeko pleno aretoan egin den aurkezpenean.

ZUHAIZTI ZENTRO SOZIALEKO URTEKO PROGRAMAZIOA EKINTZAZ BETETA DATOR

2014-09-25 zuhaiztiDatorren astelehenean, hilak 29, programaren aurkezpena egingo da zentroko areto nagusian, 18:00etan

Dagoeneko urte osorako bi ikastarori hasiera eman bazaio ere, Zuhaizti zentro sozialeko urteko programazioa urrian abiatuko da bete-betean. Parte hartzea osasungarria da, edozein adinetan gainera! lemapean argitaratu den programak era askotako ikastaroak, hitzaldiak eta irteerak jasotzen ditu, beti ere, gizarte aktiboago bat lortze aldera antolatuak. Datorren astelehenean aurkeztuko dute programazioa Zuhaiztiko areto nagusian, 18:00etan.

ZUHAIZTI ZENTRO SOZIALA. 2014-2015 PROGRAMAZIOA (PDF)

LEGAZPIKO SAILKATZE PLANTAN ETA ARRIARANGO EDATEKO UREN ARAZTEGIAN IZAN DIRA ZUHAIZTIKOAK

2014-05-15 legazpiZuhaizti zentro sozialaren Kultur Bideak ekimenaren maiatzeko irteera izan da

Ordiziako Zuhaizti zentro sozialeko 28 lagun Legazpiko sailkatze planta eta Arriarango edateko uren araztegia bisitatzen izan dira aste honetan. Legazpiko plantan ontzi arinak sailkatzeko prozesua nola den azaldu zieten, eta Arriaranen uraren zikloaren eta araztegiaren funtzionamenduaren berri eman zieten, besteak beste. Hamaiketako bat eginez borobildu zuten irteera.