Aurrefabrikatutako harmailak erabiliz ari dira eremua egokitzen udal langileak

Joan den ostegunean hasi ziren udal langileak Domingo Unanue plazatik Etxezarreta kalera igotzeko eskailerak berritzen. Lehen egokitzapen lanak egin ondoren, aurrefabrikatutako harmailen bidez ari dira eremu hori egokitzen, eta behin azken erremateak eginda, zineko eskailerak astebururako zabalik egotea espero da. Herriko mugikortasuna hobetu eta oinezkoen segurtasuna bermatu nahi ditu Ordiziako Udalak lan horiek eginda.