Ostegunean, uztailaren 25ean, eta ostiralean, uztailaren 26an, kontuan hartu beharreko oharrak

Ordiziako Udaltzaingoak herriko kuadrillei hainbat ohar helarazi nahi dizkie, mozorro gauari eta Matutinari (goizaldeko danborradari) begira. Hauek dira:

Uztailak 25:
-Oinezko gunera (Gudarien Etorbidea, Foruen pasealekua eta kasko zaharra) ezingo da sartu karrozekin 17:00ak arte. Hau da, Ordiziako Klasikarako erabilitako hesiak eta material guztia jaso arte.

-Jaimak (Haimak) eta karrozak Frai Andresen estatuatik behera jarri beharko dira 21:00ak arte. Kontutan hartu behar da egun eta ordu horietan ekintza gehiago ere izaten direla eremu horretan.

-Mozorrotzeko erabiltzen diren ibilgailuak gainontzeko ibilgailuak bezala tratatuko dira oinezko gunetik kanpo, eta trafiko araudi bera bete beharko dute.

Uztailak 26:
-Matutina edo goizaldeko danborrada igarotzen denean paso utzi beharko zaio.

-Goizeko zortziretan (08:00) jaimetako eta karrozetako musika eten egin behar da. Geltoki inguruan ibilgailuen zirkulazioa bermatu behar da.

-Gogoratu udalak jaimak eta gainontzeko materiala jasotzeko zerbitzu bat duela 09:00etatik aurrera.

-Mozorrotzeko erabiltzen diren ibilgailuak gainontzeko ibilgailuak bezala tratatuko dira oinezko gunetik kanpo, eta trafiko araudi bera bete beharko dute.