Idazkaritza

Idazkaritza 2015.04.29

BIHAR EGINGO DA APIRILEKO OSOKO BILKURA

Hamalau puntu izango ditu aztergai udalbatzak

Ordiziako Udalbatzak bihar, hilak 30, egingo du apirilari dagokion osoko bilkura, 19:00etan. Udaleko langileen lan baldintzak arautzen dituen Udalhitz hitzarmenaren  aldaketa, Lurraldekar proiektu pilotua martxan jartzeko lankidetzarako protokolo orokorra onartzea, Goierrin indarkeria jasaten duten emakumeen arreta egoki eta koordinaturako protokoloa  onartzea, eta Ordiziako Udalaren eta Basque Culinary Center Fundazioaren arteko lankidetza hitzarmena onartzea izango dira, besteak beste, bilkurako gai aipagarrienak.

Irakurri gehiago ...

Idazkaritza 2015.04.23

HAUTES-MAHAIKIDEAK AUKERATZEKO APARTEKO OSOKO BILKURA

Datorren astelehenean, hilak 27, egingo da Idazkaritzan, 09:00etan

Ordiziako Udalak maiatzaren 24an egingo diren Udal eta Foru hauteskundeei begirako zozketak egiteko aparteko osoko bilkura egingo du datorren astelehenean, hilak 27. Bilkura Idazkaritzan izango da, 09:00etan. Bi puntu izango ditu: 1.- Hauteskundeetarako hautes-mahaikideak aukeratzeko zozketa eta 2.- Hautes-propaganda jartzeko kokapenaren zozketa.

Idazkaritza 2015.04.07

HAUTES ERROLDA IKUSGAI HILAREN 13A BITARTE

Udaleko arreta bulegoan ikus daiteke, 08:30etik 13:30era bitartean

Ordiziako Udalak jakinarazten du apirilaren 13a bitarte egongo dela ikusgai udaleko arreta bulegoan Udal eta Batzar Nagusietarako hauteskundeetan sartuko direnen behin-behineko hautes errolda, nahi duenak ikus dezan. Arreta bulegoaren ordutegia: astelehenetik ostiralera 08:30-13:30.

Idazkaritza 2015.03.26

GAUR EGINGO DA MARTXOKO OSOKO BILKURA

Besteak beste, alokairu soziala sustatzeko diru-laguntzak ematea arautuko dituzten oinarriak aztertuko dira

Ordiziako Udalbatzak gaur, hilak 26, egingo du martxoari dagokion osoko bilkura, 19:00etan. Espainiako bandera udaletxean jartzearen kontrako adierazpen instituzionala, plan ekonomiko-finantzieroaren onarpena, Ordiziako Hiriguneko trafikoa arautzeko ordenantzaren behin betiko onarpena eta Ordiziako herritarrek etxebizitzak alokatzeko diru-laguntzak ematea arautuko dituzten oinarriak hasieraz onartzea dira bilkurako gai aipagarrienak.