Hasi da etxez etxeko liburutegi zerbitzua

Hasi da dagoeneko Ordiziako Udalak, Udal liburutegiarekin koordinatuta, liburutegiko liburuak irakurleen etxera eramateko zerbitzua. Irten ezin diren irakurle heldu, haur eta gaztetxoei mailegu-zerbitzu hau eskainiko zaie. 

Dagoeneko Udal langileak hasi dira banaketa zerbitzu honekin, aste honetan hasi dira. Hasteko, liburutegiko langileek eskatutako liburuak desinfektatu dituzte eta bakoitza sobre batean jarri eta eskaera egin duten pertsonei eraman. Liburuak irakurri ondoren itzultzeko, liburutegira deitu edo idatzi eta jasotzeko sistema ezarri da. Ondoren, itzulitako tituluak desinfektatu egingo dira eta berrogeialdi batetik igaroko dira, berriro erabiltzaileen eskura jarri aurretik; hain zuzen ere bost egunez egongo dira baztertuta.

Gogoratu, liburutegian eskuragarri dauden liburuak kontsultatzeko, Euskadiko liburutegien katalogo kolektibora jo daitekeela. Hemen duzue helbidea:  https://www.euskadi.eus/biblioteca/ordizia-biblioteca-municipal/web01-a2libzer/es/

Entrega-sistema erraza da: liburutegiko erabiltzaileak, posta elektronikoaren bidez (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.), edo telefonoz (943 80 56 35, Ordutegia: Astelehenetik ostiralera 9:00-13:00), nahi duen edo dituen liburuak eskatzen ditu, liburutegiko arduradunak eskaera jaso, prestatu eta Udalak etxeetara eramango ditu.

Liburuak osteguna baino lehen eskatu ahal izango dira eta astelehenetan egingo dira banaketak, nahiz eta aldaketak egon daitezkeen zerbitzu honetan.

Udal Liburutegia: 943 805635 – Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Liburuak etxez etxe, mailegu zerbitzu bidez

 

Ordiziako Udalak, udal liburutegiarekin koordinatuta, Etxez Etxeko Liburutegia zerbitzua jarriko du abian, liburutegiko liburuak irakurleen etxeetara eramateko konfinamenduan. Egun hauetan hainbat pertsonak eskatuta eta zerbitzu publikoa bezala, uste dugu liburutegia irakurle konfinatuen zerbitzura ere badagoela, irten ezin duten irakurle helduen zerbitzura, baita haurren zerbitzura ere, haurren irakurketaren beharra duten familien zerbitzura, alegia, horregatik Ordiziako Udalak Etxez etxeko mailegu-zerbitzua eskaintzea erabaki du.

Liburutegian eskuragarri dauden liburuak kontsultatzeko, Euskadiko liburutegien katalogo kolektibora jo daiteke, helbidea:  https://www.euskadi.eus/biblioteca/ordizia-biblioteca-municipal/web01-a2libzer/es/

Entrega-sistema erraza da: liburutegiko erabiltzaileak, posta elektronikoaren bidez (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.), edo telefonoz (943 80 56 35, Ordutegia: Astelehenetik ostiralera 9:00-13:00), nahi duen edo dituen liburuak eskatzen ditu, liburutegiko arduradunak eskaera jaso, prestatu eta Udalak etxeetara eramango ditu.

Liburuak osteguna baino lehen eskatu ahal izango dira eta astelehenetan egingo dira banaketak. Hasieran, zerbitzua antolatu bitartean, banaketa eguna aldatu daiteke horren berri liburutegiko arduradunak emango die eskaerak egiten dituzten erabiltzaileei. Liburuak irakurri ondoren itzultzeko, liburutegira deitu edo idatzi eta jasotzeko sistema ezarriko da. Ondoren, itzulitako tituluak desinfektatu egingo dira eta berrogeialdi batetik igaroko dira, berriro erabiltzaileen eskura jarri aurretik.

Egoera sanitarioa dela eta, hainbat neurri hartuko dira. Hasteko, liburutegiko langileek eskatutako liburuak desinfektatuko dituzte eta bakoitza sobre batean jarri. Liburu bat jaso eta berriro banatu aurretik 5 egun baztertuta izango da. Liburuak ukituko dituen pertsona orok eskularru eta maskara erabiliko ditu.

Udal Liburutegia: 943 805635 – Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Zinema, etxetik eta doan

Ordizia. Herri antzokia

Europar filmeak ikusteko aukera eongo da itxialdian zehar, Mubi plataformaren bidez eta Europa Cinemasen laguntzarekin. Egunero film ezberdin bat jatorrizko bertsioan ikusteko aukera egongo da, ingelesezko azpitituluekin, eta batzuk gaztelaniazko azpitituluak izateko aukerarekin.

Eskaintza honetan sartzeko, sakatu hemen.

Izena ematerako orduan txartelaren datuak eskatzen dituzte, baina hiru hilabeteko epez doako zerbitzua da. Gauzak horrela, hiru hilabete igaro ondoren, orrian sartzen jarraitu nahi ez duenak baja eman beharko du, bestela hilero dagokiona kobratuko zaio.

Sei partaide aurkeztu dira Ahoz ahoko narrazio lehiaketara

Ahoz aho 2020 partaideak

Ordiziako D´elikatuz gunean  eman zaio 2020 Ahoz aho jaialdiari hasiera. Bertan VIII Ahozko Narrazio Lehiaketa izan da. Lehiaketari hasiera eman aurretik CIA.KICIRKE ikuskizunak girotu du bertako giroa, umore puntu ederra jarriaz bere instrumentu sorta bereziarekin.

Aurkezle lanetan Ane Gebara kontalaria aritu da eta sei partaide izan dira lehiaketan. Xabier Gonzalez (Barakaldo), Leire Zinkunegi (Orio), Ane Arrugaeta (Gasteiz), Ester Poveda (Berrobi), Joxe Aldasoro (Etxarri-Aranatz) eta Aitziber Sampedro (Orendain).

Hauek izan dira lehiaketara aurkeztutako ipuinak: Zurginaren ipuina / Olatua / Beti bezala, ezer Ez! / Nire maletaren ipuinak / Arotza eta Lama/ Imajinatu. Bakoitzak bere ipuina modu propioan defendatu du eta kontatzeko estilo ezberdinak ikusteko aukera ederra izan da.

Epaile lanetan Iñaki Carretero, Itziar Rekalde, Irati Goikoetxea, Imanol Arabaolaza, eta May Gorostiaga aritu dira. Publikoak ere izan du bere iritzia emateko aukera, ikusle guztiek boto bana zuten gehien gustatutako ipuinari emateko, modu horretara zuzenean sailkatuz partaideetako bat.

Publikoaren botoak eta epaileen puntuaketak kontatu bitartean CIA.KICIRKE ren malabareetaz gozatzeko aukera izan da.

Finalerako pasea Ester Povedak, Ane Arrugaeta eta Joxe Aldasorok lortu dute. Hiru partaide hauek izango dira Martxoaren 27an Ordiziako Barrena Jauregian egingo den Ahozkotasunaren Gala Nagusian, aurtengo kalabaza jasotzeko lehian harituko direnak.

Giro politean eman zaio hasiera aurtengo Ahoz Aho jaialdiari. Hitzez idatziak baino ahoz aho ipuinak jasotzeko aukera ugari izango da Martxoaren 7 tik 28ra. Jaialdia hasi besterik ez da egin.

Ahoz aho 2020 finalistak