OSTIRALEAN HIRI HEZITZAILEAREN NAZIOARTEKO EGUNEAN, NAGUSILAN ELKARTEARI AITORTZA PLAZA NAGUSIAN

"Ordizia Hiri hezitzailea" egitasmoaren eragileek manifestua irakurtzen 2017. urteko ekitaldianHIRI HEZITZAILEAREN NAZIOARTEKO EGUNA / NAGUSILAN ELKARTEARI  AITORTZA EKITALDIA / PLAZA NAGUSIA  Ostirala, azaroak 30, 18:30 h.

Aitortza ostiral honetan egingo da, Hiri hezitzaileen nazioarteko egunarekin bat eginez, arratsaldeko 18:30etan Plaza Nagusian, ekitaldi xumea, non eta bertan nazioarteko egunaren manifestoa irakurriko da, aitortza egingo zaio Nagusilan elkarteari eta Belaño taldeak musika jarriko dio ekitaldiari. . Hiritar orok gonbidatuta daude ekitaldira.

Hiri Hezitzaileen Karta betetzeko konpromisoa hartu duten tokiko gobernuak biltzen dituen irabazi asmorik gabeko erakundea da Hiri Hezitzaileen Nazioarteko Elkartea. Hiri Hezitzaileen Karta horixe da, hain zuzen, mundu-mailako mugimendu horren ibilbideorria, 1990ean egin zen Hiri Hezitzaileen Nazioarteko I. Biltzarrean abian jarri eta 1994an elkarte gisa eraiki zen mugimenduarena, alegia. Ordizia, 2014.urtetik darama elkarte honen barruan.

Hiri hezitzailea gizartea eraldatzeko tresna gisa hezkuntzaren (hezkuntza formala, ez-formala eta informala) aldeko apustua egiten duen hiria da, lurraldean eragina duten ahalik eta heziketa-eragile gehien mobilizatuz eta antolatuz. Bizitza osora zabaltzen den eta hiriko bizitzako hainbat eta hainbat arlotan eragina duen hezkuntzaz ari gara.

Inklusioa eta aukera-berdintasuna, justizia soziala, demokrazia parte-hartzailea, kultura

arteko bizikidetza, belaunaldien arteko elkarrizketa, bizimodu osasungarri eta iraunkorra, hiri iritsi-erraz eta interkonektatu baten plangintza, lankidetza, bakea eta horrelako balioak indarrean dauden hiri-eredu batekin konprometituta egotea eskatzen du horrek. Hiri Hezitzaileen Kartan jasota dauden printzipioak dira guztiak.

 

25 urte baino gehiagoko ibilbidea egin ondoren, Hiri Hezitzaileen Nazioarteko Elkartearen Batzar Nagusiak azaroaren 30a Hiri Hezitzaileen Nazioarteko Egun gisa izendatzea erabaki zuen, hezkuntzak aldaketarako tresna gisa duen garrantzia mundu osora zabaltzeko eta hiri-eredu horren aldeko aliatu gehiago lortzeko. Horrela,aurten Ordizian , Hiri Hezitzaileen Nazioarteko Egunaren hirugarren edizioa ospatuko da. Lehenengo edizio arrakastatsuaren ondoren, Hiri Hezitzaile barruan parte hartu zuten eragile guztiri aitortza ekitaldia egin zitzaien eta hauxek izan ziren: Goiztiri AEK Euskaltegia, Ordizia Kolore, Goierriko Bertso Eskola, Dar-dar produkzioak, Ordizia-Garagune Goyeneche Fundazioa, Gazte lokala, Hitzaro Euskara Elkartea, Jakintza ikastola, Kale hezitzaile zerbitzuak, Kimetz Emakumeen elkartea, D’elikatuz zentroa, Oianguren Institutoa, Urdaneta Ikastetxea, Zuhaizti zentro soziala, Larrun arri elkartea, Caritas eta Euskarazko irakurle taldea. Iaz, bigarren edizioan “Ordizia Hiri hezitzailea” foroak Ordiziarrock-OTAk eginiko lana aitortu zuen.

Hiritarren parte-hartzea da, beraz, hiri hezitzaileek izaten duten eraldaketaren motorra, eta hori, bere horretan, prozesu hezitzaile bat da: parte hartuz ikasten dute pertsonek hiritar konprometituak izaten, interesa sortzen zaie, eta gauza publikoetan inplikatzen dira; eta adostasunetara iristeko elkarrekin hitz egiten eta besteen iritziak errespetatzen ikasten dute. Hirugarren edizio honetan “Ordizia Hiri hezitzailea” foroak Nagusilan elkartearen lana aitortu nahi du. Hainbat helburuen dihardute lanean: Adineko pertsonei babestea, laguntza ematea eta animatzea. Adineko pertsonen ahalduntzea sustatzea eta horretarako konpromiso soziala hartuko da oinarritzat eta egoerarik ahulenean dauden adineko pertsonei ahotsa ematea.