UDALEKU IREKIAK, EKAINAREN 24TIK

Aurretiko izen-ematea zabalik egongo da maiatzaren 10era arte

Ordiziako Udaleko Euskara Sailak udako UDALEKU IREKIAK antolatu ditu.

2008 eta 2014 urte bitartean jaiotako haurrei zuzenduriko udaleku hauek udan  aisialdian euskaraz gozatzea eta herriko haurren arteko harremanak euskaraz izatea dute helburu eta horiek lortze aldera makina bat jolas, tailer, ekintza…antolatuko dira.

Lau aste iraungo dute, ekainaren 24tik uztailaren 19ra, eta goizez burutuko dira (10:00-12:30) Jakintza ikastolako eta Urdaneta ikastetxeko  zaintza eta jangela zerbitzuekin koordinatuta.

Aurretiko izen-ematea maiatzaren 10era arte egongo da zabaliketa izena emateko fitxak dagoeneko herriko ikastetxeetan banatuta daude. Plazak mugatuta daude, 120 haurrentzako tokia dago eta behar izanez gero zozketa egingo da.

Izena emateko bideak hauexek dira:

-Ordiziako Udaleko Euskara zerbitzuko webgunearen bitartez:  www.ordizia-euskaraz. eus

-Aurretiko izen-emate fitxa behar bezala osatuta ondoko bulegoetan entregatuz:  Euskara zerbitzuan (9:30-15:00) edo Gazteria bulegoan (goizez,11:00-13:00 / arratsaldez, astearteetan eta ostegunetan, 16:00-18:00).

Maiatzaren 16an onartuen zerrendaargitaratuko da aipatutako Euskara Zerbitzuko web orrian eta behin betiko izen-ematerako beharrezko dokumentazioa eta matrikula egiteko kontu-zenbakia helaraziko zaizkie plaza lortu dutenei.

Matrikularen kostua honakoa da:

Arrunta: 85€

Anai-arreba gehiago matrikulatuta: 75€ bigarrenetik aurrera.

DBE laguntza jasotzen duten familiak: 18€

Udalekuak: ESKU-ORRIA 2019 FOLLETO (pdf)

INFORMAZIO GEHIAGO:  943 805 622 / 943 805 634    www.ordizia-euskaraz.eus